ಬಚ್ಚನ್ ಹೆಸರಿನಲ್ಲೊಂದು ಫಾಲ್ಸ್- ಹೆಸರಿಟ್ಟ ಕಾರಣ ಕೇಳಿ ನಕ್ಕ ಬಿಗ್ ಬಿ

ಮುಂಬೈ: ದೊಡ್ಡ ಸ್ಟಾರ್ ಕಲಾವಿದರ ನೆನಪಿಗಾಗಿ ಕೆಲ ಸ್ಥಳಗಳಿಗೆ ಅವರ ಹೆಸರನ್ನು ನಾಮಕಾರಣ ಮಾಡಲಾಗುತ್ತದೆ. ಸಿನಿಮಾ ತಾರೆಯರ ಅಭಿಮಾನಿಗಳು ತಮ್ಮ ನೆಚ್ಚಿನ ನಟರ ಮೂರ್ತಿಗಳನ್ನ ಪ್ರಮುಖ ಸ್ಥಳಗಳಲ್ಲಿ ಸ್ಥಾಪಿಸುತ್ತಾರೆ. ದೊಡ್ಡ ನಗರಗಳಲ್ಲಿ ಪ್ರಮುಖ ರಸ್ತೆಗಳಿಗೆ ನಟರ ಹೆಸರು ನಾಮಕರಣ ಮಾಡುವ ಮೂಲಕ ಸರ್ಕಾರಗಳು ಗೌರವ ಸೂಚಿಸುತ್ತವೆ. ಬಾಲಿವುಡ್ ನ ಬಿಗ್ ಬಿ ಎಂದೇ ಗುರುತಿಸಿಕೊಳ್ಳುವ ನಟ ಅಮಿತಾಬ್ ಬಚ್ಚನ್ ಹೆಸರಿನಲ್ಲೊಂದು ಫಾಲ್ಸ್ ಇದೆ. ಈ ವಿಷಯ ಬಚ್ಚನ್ ಅವರಿಗೆ ಶುಕ್ರವಾರ ತಿಳಿದಿದೆ.

ಶುಕ್ರವಾರ ಅಮಿತಾಬ್ ಬಚ್ಚನ್ ಟ್ವೀಟ್ ಒಂದನ್ನು ರೀಟ್ವೀಟ್ ಮಾಡಿಕೊಂಡಿದ್ದರು. ಟ್ವೀಟ್ ನಲ್ಲಿ ಮೂವರು ಫಾಲ್ಸ್ ಮುಂದೆ ನಿಂತು ಸೆಲ್ಫಿ ಕ್ಲಿಕ್ಕಿಸಿಕೊಂಡು, ಅಮಿತಾಬ್ ಬಚ್ಚಬ್ ಒಂದು ಬಾರಿ ಈ ಸ್ಥಳಕ್ಕೆ ಭೇಟಿ ನೀಡಬೇಕೆಂದು ಬರೆದುಕೊಂಡಿದ್ದರು. ಕೆಳಗಡೆ ಸ್ಥಳ ಅಮಿತಾಬ್ ಬಚ್ಚನ್ ಫಾಲ್ಸ್ ಎಂದು ಬರೆಯಲಾಗಿತ್ತು. ಜಲಪಾತಕ್ಕೆ ತಮ್ಮ ಹೆಸರು ಇದೆಯಾ? ಇದು ನಿಜಾನಾ ಎಂದು ಬಿಗ್ ಬಿ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.

That's not true is it .. the Falls name https://t.co/CUaAHWtMIu

— Amitabh Bachchan (@SrBachchan) August 30, 2019

ಎಲ್ಲಿದೆ ಜಲಪಾತ?
ಸಿಕ್ಕಿಂ ರಾಜ್ಯದ ಲಾಚುಂಗ್ ಪ್ರದೇಶದ ಚುಂಗ್‍ಥಾಕ್ ಮತ್ತು ಯುಮ್‍ಥಾಂಗ್ ಕಣಿವೆ ನಡುವೆ ಈ ಜಲಪಾತವಿದೆ. ಲಾಚುಂಗ್ ಪ್ರದೇಶದ 14 ಕಿ.ಮೀ. ದೂರದಲ್ಲಿ ಅಮಿತಾಬ್ ಬಚ್ಚನ್ ಫಾಲ್ಸ್ ಇದೆ. ಈ ಜಲಪಾತದ ಹೆಸರು ಭೀಮಾ ನಾಲಾ ಫಾಲ್ಸ್ ಅಂತಾ ಇದ್ದರೂ, ಅತಿ ಎತ್ತರವಾಗಿ ನೀರು ಧುಮ್ಮಿಕ್ಕಿ ಬೀಳುವದರಿಂದ ಸ್ಥಳೀಯರು ಅಮಿತಾಬ್ ಬಚ್ಚನ್ ಜಲಪಾತ ಎಂದು ಕರೆಯುತ್ತಾರೆ. ಸ್ಥಳೀಯವಾಗಿ ಈ ಜಲಪಾತವನ್ನು ಅಮಿತಾಬ್ ಬಚ್ಚನ್ ಫಾಲ್ಸ್ ಎಂದು ಕರೆಯಲಾಗುತ್ತದೆ.

Doesn't seem very smart of @sikkimgovt. If you have a place named after The face of India, you ensure that it is being promoted properly.
Here, even the man himself seems unaware. @pawanchamling5 https://t.co/6kcyrlGWF8

— Rajib Mitra (@RajibMittra) August 30, 2019