– ಬಜೆಟ್-2025; ಮಿಡ್ಲ್ ಕ್ಲಾಸ್‌ಗೆ ಟಾಪ್ ಕ್ಲಾಸ್
ನವದೆಹಲಿ: 4.4% ವಿತ್ತೀಯ ಕೊರತೆಯೊಂದಿಗೆ 50.65 ಲಕ್ಷ ಕೋಟಿ ಗಾತ್ರದ ಬಜೆಟ್ ಮಂಡಿಸಿದ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಕೃಷಿ ಕೇತ್ರ ಸೇರಿದಂತೆ ಮಧ್ಯಮ ವರ್ಗಕ್ಕೆ ಭರಪೂರ ಕೊಡುಗೆ ನೀಡಿದ್ದಾರೆ. ಅದರಲ್ಲೂ ಪ್ರಮುಖವಾಗಿ ಕಿಸಾನ್ ಕಾರ್ಡ್ ಸಾಲದ ಮಿತಿಯನ್ನು 5 ಲಕ್ಷ ರೂ.ವರೆಗೆ ಏರಿಕೆ ಮಾಡಿದ್ದಾರೆ.
Advertisement
ಬಜೆಟ್: ಮಿಡ್ಲ್ ಕ್ಲಾಸ್‌ಗೆ ಟಾಪ್ ಕ್ಲಾಸ್ – ಪ್ರಮುಖ ಅಂಶಗಳು
* ಕಿಸಾನ್ ಕ್ರೆಡಿಟ್ ಕಾರ್ಡ್ ಸಾಲ ಮಿತಿ 5 ಲಕ್ಷದವರೆಗೂ ಹೆಚ್ಚಳ
* ಹೈನುಗಾರರು, ಮೀನುಗಾರರಿಗೆ 5 ಲಕ್ಷದವರೆಗೂ ಸಾಲ
* ಬೀದಿಬದಿ ವರ್ತಕರಿಗೆ 30ಸಾವಿರ ಮಿತಿಯ ಯುಪಿಐ ಕ್ರೆಡಿಟ್ ಕಾರ್ಡ್
* ದೇಶದ 200 ಜಿಲ್ಲಾಸ್ಪತ್ರೆಗಳಲ್ಲಿ ಕ್ಯಾನ್ಸರ್ ಸೆಂಟರ್
* ದೇಶದ ಎಲ್ಲಾ ಜಿಲ್ಲಾಸ್ಪತ್ರೆಗಳಲ್ಲಿ ಕ್ಯಾನ್ಸರ್ ಡೇಕೇರ್ ಸೆಂಟರ್
* 36 ಪ್ರಮುಖ ಜೀವರಕ್ಷಕ ಔಷಧಿಗಳಿಗೆ ತೆರಿಗೆ ವಿನಾಯ್ತಿ
* ಎಲ್ಲಾ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್
* ಎಲ್ಲಾ ಸರ್ಕಾರಿ ಪ್ರೌಢ ಶಾಲೆಗಳಿಗೆ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್
* ದೇಶದ 100 ಜಿಲ್ಲೆಗಳಲ್ಲಿ ಪಿಎಂ ʻಧನ್‌ ಧಾನ್ಯʼ ಕೃಷಿ ಯೋಜನೆ
* ನವೋದ್ಯಮಕ್ಕೆ 20 ಕೋಟಿಯವರೆಗೆ ಕಡಿಮೆ ಬಡ್ಡಿದರಲ್ಲಿ ಸಾಲ
* ದಲಿತ ಮಹಿಳಾ ಉದ್ಯಮಿಗಳನ್ನು ಪ್ರೋತ್ಸಾಹಿಸಲು 2 ಕೋಟಿವರೆಗೆ ಸಾಲ
* ಗಿಗ್ ಕಾರ್ಮಿಕರಿಗೆ ಐಡಿ ಕಾರ್ಡ್, ಇ-ಶ್ರಮ್‌ನಲ್ಲಿ ರಿಜಿಸ್ಟರ್
* 10,000 ವೈದ್ಯಕೀಯ, 6,500 ಐಐಟಿ ಸೀಟ್ ಹೆಚ್ಚಳ
* 500 ಕೋಟಿ ವೆಚ್ಚದಲ್ಲಿ 3 ಕಡೆ ಎಐ ಎಕ್ಸಲೆನ್ಸ್ ಸೆಂಟರ್
* ವಿದೇಶಿ ಮಾರುಕಟ್ಟೆಗಾಗಿ ಆಟಿಕೆಗಳಿಗೆ ರಾಷ್ಟ್ರೀಯ ಯೋಜನೆ
* ಹೊಸದಾಗಿ ಗ್ರಾಮೀಣ ಅಂಚೆ ಕಚೇರಿ ಸ್ಥಾಪನೆ
* ವಿಮಾ ಕ್ಷೇತ್ರದಲ್ಲಿ ಶೇ.100ರಷ್ಟು ವಿದೇಶಿ ನೇರ ಬಂಡವಾಳ
* ಉಡಾನ್ ಯೋಜನೆಯಡಿ ಹೊಸ ಏರ್‌ಪೋರ್ಟ್
* 2028ವರೆಗೂ ಜಲಜೀವನ್ ಮಿಷನ್ ವಿಸ್ತರಣೆ
Advertisement
Advertisement
ಇನ್ನೂ ಬಜೆಟ್ಟಲ್ಲಿ ವೃದ್ಧರಿಗೆ ಟಿಡಿಎಸ್ ರಿಲೀಫ್ ಸಿಕ್ಕಿದೆ. ಹಿರಿಯ ನಾಗರಿಕರಿಗೆ ಬಡ್ಡಿ ರೂಪದಲ್ಲಿ ಸಿಗುವ ಆದಾಯದ ಮೇಲೆ ಟಿಡಿಎಸ್ ಮಿತಿಯನ್ನು 50,000ದಿಂದ 1 ಲಕ್ಷ ರೂಪಾಯಿಗೆ ಹೆಚ್ಚಿಸಿದ್ದಾರೆ. ಬಾಡಿಗೆ ರೂಪದಲ್ಲಿ ಸಿಗುವ ಆದಾಯದ ಮೇಲೆ ಟಿಡಿಎಸ್ ಅನ್ನು 2.4 ಲಕ್ಷದಿಂದ 6 ಲಕ್ಷ ರೂಪಾಯಿಗೆ ಹೆಚ್ಚಿಸಲಾಗಿದೆ ಎಂದು ವಿತ್ತ ಸಚಿವೆ ತಿಳಿಸಿದ್ದಾರೆ. ಅಪ್‌ಡೇಟೆಡ್ ಐಟಿ ರಿಟರ್ನ್ ಸಲ್ಲಿಕೆ ಗಡುವನ್ನು 2 ವರ್ಷದಿಂದ 4 ವರ್ಷಕ್ಕೆ ಹೆಚ್ಚಿಸಲಾಗಿದೆ. ಅಂದ ಹಾಗೇ, ಮುಂದಿನ ವಾರ ಹೊಸ ಆದಾಯ ತೆರಿಗೆ ಮೇಲೆ ಮಸೂದೆಯನ್ನು ಕೇಂದ್ರ ತರಲಿದೆ. ಇದನ್ನೂ ಓದಿ: Budget 2025| ಕಿತ್ತಾಟ ನಡೆಸಿದ್ರೂ ಮಾಲ್ಡೀವ್ಸ್‌ಗೆ ಅನುದಾನ ಹೆಚ್ಚಳ,ಬಾಂಗ್ಲಾಗೂ ಸಹಾಯ- ಯಾವ ದೇಶಕ್ಕೆ ಎಷ್ಟು ಕೋಟಿ?
Advertisement
