ನವದೆಹಲಿ: ಚಂದ್ರಲೋಕದಲ್ಲಿ ಅನ್ಯ ಗ್ರಹ ಜೀವಿಗಳ ಟ್ಯಾಂಕ್ ಒಂದು ಪತ್ತೆಯಾಗಿದೆ ಎನ್ನುವ ಸುದ್ದಿ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದು ಟ್ಯಾಂಕ್ ಅಥವಾ ದೊಡ್ಡ ಬಂಡೆಯಾಗಿರಬಹುದು ಎಂದು ಅನ್‍ಐಡೆಂಟಿಫೈಡ್ ಫ್ಲೈಯಿಂಗ್ ಆಬ್ಜೆಕ್ಟ್ ಸಂಶೋಧಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಸೆಕ್ಯೂರ್‍ಟೀಂ10 ಹೆಸರಿನ ತಂಡವೊಂದು ಚಂದ್ರ ಲೋಕದಲ್ಲಿ ಕಂಡ ಈ ವಸ್ತುವಿನ ವಿಡಿಯೋವನ್ನು ಯೂ ಟ್ಯೂಬ್‍ನಲ್ಲಿ ಮೇ 9ರಂದು ಅಪ್ಲೋಡ್ ಮಾಡಿದ್ದು 6.29 ಲಕ್ಷ ವ್ಯೂ ಕಂಡಿದೆ.
ಸಂಶೋಧಕರ ಈ ಸಂಶೋಧನೆಯ ಬಗ್ಗೆ ಫಾಕ್ಸ್ ನ್ಯೂಸ್ ವರದಿ ಮಾಡಿದೆ. ಚಂದ್ರನ ನೆಲದಲ್ಲಿ ಟ್ಯಾಂಕ್ ರೀತಿಯ ವಸ್ತುವೊಂದು ಪತ್ತೆಯಾಗಿದೆ ಎಂದು ಸೆಕ್ಯೂರ್‍ಟೀಂ10 ವಿಡಿಯೋದಲ್ಲಿ ಹೇಳಿಕೊಂಡಿದೆ.
