ಆಲಿಯಾ ರಣಬೀರ್ ಮಗು ನೋಡೋಕೆ ಕೋವಿಡ್ ಟೆಸ್ಟ್ ಕಡ್ಡಾಯ

ಬಾಲಿವುಡ್ ತಾರಾ ಜೋಡಿ ಆಲಿಯಾ ಭಟ್ (Alia Bhatt) ಮತ್ತು ರಣಬೀರ್ ಕಪೂರ್ (Ranbir Kapoor) ದಂಪತಿ ಮಗು ನೋಡಲು ಕೋವಿಡ್ (Covid) ಟೆಸ್ಟ್ ಕಡ್ಡಾಯವಾಗಿ ಮಾಡಿಸಿರಬೇಕು ಎಂದು ಹೇಳಲಾಗುತ್ತಿದೆ. ಮನೆಯವರೂ ಸೇರಿದಂತೆ ಮಗು ನೋಡಲು ಬರುವ ಪ್ರತಿಯೊಬ್ಬರೂ ಈ ನಿಯಮವನ್ನು ಚಾಚೂ ತಪ್ಪದೇ ಪಾಲಿಸಲೇಬೇಕು ಎಂದು ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ನಿರ್ಧರಿಸಿದ್ದಾರೆ. ಆಸ್ಪತ್ರೆಯಲ್ಲಿ ಹೆರಿಗೆ ಮಾಡಿಸಿಕೊಂಡು, ಈಗಾಗಲೇ ಮನೆ ಸೇರಿರುವ ಆಲಿಯಾ, ಮಗುವಿನೊಂದಿಗೆ ಖುಷಿ ಕ್ಷಣಗಳನ್ನು ಕಳೆಯುತ್ತಿದ್ದಾರೆ.

ಆಲಿಯಾ ಭಟ್ ಮಗುವಿಗೆ ಜನ್ಮ ಕೊಟ್ಟಾಗ ಬಾಲಿವುಡ್ ನಿರ್ಮಾಪಕ ಕಂ ನಿರ್ದೇಶಕ ಕರಣ್ ಜೋಹಾರ್ (Karan Johar) ಈ ದೇಶದಲ್ಲೇ ಇರಲಿಲ್ಲವಂತೆ. ಹಾಗಾಗಿ ಅಂದು ಆಲಿಯಾ ಭಟ್ ನ ಮೀಟ್ ಮಾಡಿ, ಮಗುವನ್ನು ನೋಡುವುದಕ್ಕೆ ಆಗಿರಲಿಲ್ಲ. ದೇಶಕ್ಕೆ ವಾಪಸ್ಸಾಗುತ್ತಿದ್ದಂತೆಯೇ ಮಗು ನೋಡಲು ಹೋಗಿದ್ದಾರೆ ಕರಣ್ ಜೋಹಾರ್. ಇದನ್ನೂ ಓದಿ:ನನ್ನ ಮೊಮ್ಮಗ ಸೂಪರ್ ಸ್ಟಾರ್ ಆಗ್ತಾನೆ ಎಂದು ಭವಿಷ್ಯ ನುಡಿದ ಸುಂದರ್ ರಾಜ್

ಕೋವಿಡ್ ಈಗಲೂ ಅಲ್ಲಲ್ಲಿ ಇರುವಾಗ, ಆಲಿಯಾ ಭಟ್ ತಮ್ಮ ಮಗುವನ್ನು ನೋಡಲು ಯಾರಿಗೂ ಬಿಡುತ್ತಿಲ್ಲವಂತೆ. ಸ್ವತಃ ಕುಟುಂಬದ ಸದಸ್ಯರು ಕೂಡ ಮಗುವಿನ ಹತ್ತಿರಕ್ಕೆ ಬರಲು ಒಪ್ಪುತ್ತಿಲ್ಲವಂತೆ. ಈ ಕಾರಣದಿಂದಾಗಿಯೇ ಕರಣ್ ಜೋಹಾರ್ ಕೋವಿಡ್ ಟೆಸ್ಟ್ ಮಾಡಿಸಿಕೊಂಡು ನಂತರ ಮಗುವನ್ನು ನೋಡಿದ್ದಾರಂತೆ. ಆಲಿಯಾ ಭಟ್ ಮಗುವನ್ನು ಪ್ರಥಮ ಬಾರಿಗೆ ಎತ್ತಿಕೊಂಡ ಸಿಲೆಬ್ರಿಟಿ ಕರಣ್ ಎನ್ನುವುದು ವಿಶೇಷ.

ಆಲಿಯಾ ಭಟ್ ಮೇಲೆ ಕರಣ್ ಜೋಹಾರ್ ಗೆ ವಿಶೇಷ ಪ್ರೀತಿ. ಆಲಿಯಾ ಮದುವೆಯಾದ ದಿನ ಕರಣ್ ಸಣ್ಣ ಮಗುವಿನಂತೆ ಬಿಕ್ಕಿ ಬಿಕ್ಕಿ ಅತ್ತಿದ್ದರು. ಅಷ್ಟರ ಮಟ್ಟಿಗೆ ಆಲಿಯಾರನ್ನು ಅಭಿಮಾನಿಸುತ್ತಾರೆ ಕರಣ್. ಹೀಗಾಗಿ ತಮ್ಮ ಮಗುವನ್ನು ನೋಡಲು ಕರಣ್ ಗೆ ಅವಕಾಶ ನೀಡಿದ್ದಾರೆ ಆಲಿಯಾ ಮತ್ತು ಕಪೂರ್. ಹೆಣ್ಣು ಮಗುವನ್ನು ಕಂಡು ಕರಣ್ ಮುದ್ದಾಡಿದ್ದಾರೆ. ವಿಶೇಷ ಉಡುಗೊರೆಯನ್ನೂ ಅವರು ನೀಡಿದ್ದಾರಂತೆ.