ಬಾಲಿವುಡ್ ಪ್ರತಿಭಾವಂತ ನಟಿ ಆಲಿಯಾ ಭಟ್ `ಗಂಗೂಬಾಯಿ ಕಾಠಿಯಾವಾಡಿ’ ಮತ್ತು `ಆರ್ಆರ್ಆರ್’ ಸೂಪರ್ ಸಕ್ಸಸ್ ನಂತರ ಆಲಿಯಾಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಕ್ರಿಯೇಟ್ ಆಗಿದೆ. ಬೇಡಿಕೆಯಲ್ಲಿರುವಾಗಲೇ ಹಸೆಮಣೆ ಏರಿರೋ ಆಲಿಯಾ ಭಟ್ ಮತ್ತೆ ಸಿನಿಮಾಗಳತ್ತ ಆಕ್ಟೀವ್ ಆಗಿದ್ದಾರೆ. ಆದರೆ ಈ ಬಾರಿ ಸಿನಿಮಾ ವಿಷ್ಯ ಬಿಟ್ಟು ದೀಪಿಕಾ ಪಡುಕೋಣೆ ವಿಚಾರಕ್ಕೆ ಆಲಿಯಾ ಟ್ರೋಲ್ ಆಗಿದ್ದಾರೆ.
ಬಿಟೌನ್ ಬ್ಯೂಟಿ ಆಲಿಯಾ ಇತ್ತೀಚೆಗೆ ಕತಾರ್ಗೆ ಭೇಟಿ ನೀಡಿದ್ದರು. ಈ ವೇಳೆ ಸೋಮವಾರ ತಡರಾತ್ರಿ ಮುಂಬೈನ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದರು. ಈ ಸಂದರ್ಭದಲ್ಲಿ ಕ್ಯಾಶುಯಲ್ ವೈಟ್ ಡ್ರೇಸ್ನಲ್ಲಿ ಕಾಣಿಸಿಕೊಂಡಿದ್ರು. ಈ ಫೋಟೋಗಳನ್ನ ಆಲಿಯಾ ತಮ್ಮ ಇನ್ಸ್ಟಾಗ್ರಾಂ ಖಾತೆನಲ್ಲಿ ಶೇರ್ ಮಾಡಿದ್ರು. ಈ ಪೋಸ್ಟ್ ನೋಡಿ ದೀಪಿಕಾ ಸ್ಟೈಲ್ ಕಾಪಿ ಮಾಡ್ತಿದ್ದೀರಾ ಅಂತಾ ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ.
ನಟಿ ಆಲಿಯಾ ಭಟ್ ಮುಂಬೈನಿಂದ ದೋಹಾಗೆ ಹೋಗುವಾಗ ವೈಟ್ ಡ್ರೇಸ್ನಲ್ಲಿ ಕಾಣಿಸಿಕೊಂಡಿದ್ರು. ದೀಪಿಕಾ ಪಡುಕೋಣೆ ಕೂಡ ಈ ತರಹದ ಲುಕ್ನಲ್ಲೇ ಕಾಣಿಸಿಕೊಳ್ತಾರೆ. ಹಾಗಾಗಿ ಸಹಜವಾಗಿ ನೆಟ್ಟಿಗರು ಪ್ರಶ್ನಿಸಿದ್ದಾರೆ. ಡಿಪ್ಪಿಯ ಸ್ಟೈಲ್ ಕಾಪಿ ಮಾಡ್ತಿದ್ದೀರಾ? ಆಲಿಯಾ ದೀಪಿಕಾರನ್ನು ಕಾಪಿ ಮಾಡುವುದನ್ನು ನಿಲ್ಲಿಸಬೇಕು ಎಂದೆಲ್ಲಾ ನೆಟ್ಟಿಗರು ಕಾಮೆಂಟ್ ಮಾಡುವುದರ ಜತೆಗೆ ಟ್ರೋಲ್ ಮಾಡ್ತಿದ್ದಾರೆ. ಇದನ್ನೂ ಓದಿ: ಸೂಪರ್ ಸ್ಟಾರ್ ಕಮಲ್ ಹಾಸನ್ ಚಿತ್ರದಲ್ಲಿ ಸಾಯಿ ಪಲ್ಲವಿ
View this post on Instagram
ದೀಪಿಕಾ ಅಭಿಮಾನಿಗಳ ಟೀಕೆ ಮತ್ತು ಪ್ರಶ್ನೆ ನೋಡಿ ಆಲಿಯಾ ಫ್ಯಾನ್ಸ್ ಇದನೆಲ್ಲಾ ಇಲ್ಲಿಗೆ ನಿಲ್ಲಿಸಿ ಎಂದು ಕೇಳಿಕೊಂಡಿದ್ದಾರೆ. ಸದ್ಯ ಆಲಿಯಾ ಮತ್ತು ದೀಪಿಕಾ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಬಿಸಿ ಬಿಸಿ ಚರ್ಚೆ ನಡೆಯುತ್ತಿದೆ. ಈ ಕುರಿತು ಆಲಿಯಾ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ.
