ನವದೆಹಲಿ: ಅಮೀರ್ ಖಾನ್ ಜೊತೆ ನಾನು ನಟಿಸುತ್ತೇನೆ ಎಂದು ನಟ ಅಜಯ್ ದೇವಗನ್ ಹೇಳಿದ್ದಾರೆ.
ಸೋಮವಾರ ಟ್ವಿಟ್ಟರ್ ಲೈವ್‍ನಲ್ಲಿ ಅಜಯ್ ದೇವಗನ್ ಅಭಿಮಾನಿಗಳ ಜೊತೆ ಪರಸ್ಪರ ಸಂಭಾಷಣೆ ನಡೆಸುತ್ತಿದ್ದರು. ಅಭಿಮಾನಿಗಳು ಹಲವು ಪ್ರಶ್ನೆಗಳು ಕೇಳುತ್ತಿದ್ದರು. ಅದರಲ್ಲಿ ಕೆಲವು ಪ್ರಶ್ನೆಗಳು ತುಂಬಾ ಇನ್ ಟ್ರೆಸ್ಟಿಂಗ್ ಆಗಿತ್ತು.
ದಂಗಲ್ ಚಿತ್ರದ ನಟ ಅಮೀರ್ ಜೊತೆ ನಟಿಸುತ್ತೀರ ಎಂದು ಕೇಳಿದ ಅಭಿಮಾನಿ ಪ್ರಶ್ನೆಗೆ ಅಜಯ್ ದೇವಗನ್ ನಾನು ಖಂಡಿತ ನಟಿಸುತ್ತೇನೆ ಎಂದು ತಿಳಿಸಿದ್ದಾರೆ. ಇದಕ್ಕೆ ಅಮೀರ್ ಖಾನ್ ಹಾಗೂ ಅಜಯ್ ಇಬ್ಬರು ಚಿತ್ರದಲ್ಲಿ ನಟಿಸಲು ಒಪ್ಪಿದ್ದರೆ 1997ನ ಬ್ಲಾಕ್ ಬಸ್ಟರ್ ಚಿತ್ರ `ಇಶ್ಕ್’ ಜೊಡಿಯನ್ನು ಮತ್ತೇ ಪರದೆ ಮೇಲೆ ನೋಡಿದಂತಾಗುತ್ತದೆ ಎಂದು ಅಭಿಮಾನಿ ಪ್ರತಿಕ್ರಿಯಿಸಿದರು.
ಕಾಜೋಲ್ ನಟಿಸಿದ ವೆಲೈಲಾ ಪಟ್ಟದಾರಿ-2 (ವಿಐಪಿ 2) ನೋಡಿದ್ದೀರ ಎಂದು ಮತ್ತೊಬ್ಬ ಅಭಿಮಾನಿಯ ಪ್ರಶ್ನೆಗೆ, ಅಜಯ್ ಇನ್ನೂ ಇಲ್ಲ ಆದಷ್ಟು ಬೇಗ ನೋಡುತ್ತೀನಿ ಎಂದು ಉತ್ತರಿಸಿದರು.
ಅಜಯ್ ನಟನೆಯ ಬಾದ್‍ಶಾವೋ ಚಿತ್ರ ಬಿಡುಗಡೆಯಾಗಿ 4 ದಿನಗಳಲ್ಲಿ 50 ಕೋಟಿ ರೂ. ಗಳಿಸಿದೆ. ಚಿತ್ರದಲ್ಲಿ ಇಲಿಯಾನ ಡಿಕ್ರೂಸ್, ಇಮ್ರಾನ್ ಅಶ್ಮಿ, ವಿದ್ಯುತ್ ಜಮ್ವಾಲ್, ಸಂಜಯ್ ಮಿಶ್ರಾ ಹಾಗೂ ಇಶಾ ಗುಪ್ತಾ ನಟಿಸಿದ್ದಾರೆ.
ರೋಹಿತ್ ಶೆಟ್ಟಿ ನಿರ್ದೇಶನದ ಗೋಲ್ ಮಾಲ್ ಅಗೇನ್ ಚಿತ್ರದಲ್ಲಿ ಅಜಯ್ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ತುಷಾರ್ ಕಪೂರ್, ಶ್ರೇಯಸ್ ತಲ್ ಪಾಡೆ, ಅರ್ಷದ್ ವಾರ್ಸಿ, ಕುನಾಲ್ ಕೇಮು, ನೀಲ್ ನಿತಿನ್ ಮುಕೇಶ್, ಪರಿಣೀತಿ ಚೋಪ್ರ ಮತ್ತು ತಬು ಕಾಣಿಸಿಕೊಳ್ಳುತ್ತಿದ್ದಾರೆ.
Not yet, but will watch it soon! #AjayTalks https://t.co/LbYUxQGSMX
— Ajay Devgn (@ajaydevgn) September 4, 2017
Of course, I would. #AjayTalks https://t.co/vhgPymTeud
— Ajay Devgn (@ajaydevgn) September 4, 2017
