700 ಗ್ರಾಂ ಚಿನ್ನದ ಪುಡಿಯನ್ನ ಬ್ಯಾಂಡೇಜ್‍ ನಲ್ಲಿ ಇರಿಸಿ ಸಾಗಾಟ ಮಾಡ್ತಿದ್ದ!

ಚೆನ್ನೈ: 26 ಲಕ್ಷ ರೂ. ಮೌಲ್ಯದ ಸುಮಾರು 700 ಗ್ರಾಂನಷ್ಟು ಚಿನ್ನದ ಪುಡಿಯನ್ನು ಪ್ರಯಾಣಿಕನೊಬ್ಬನಿಂದ ವಶಪಡಿಸಿಕೊಂಡ ಘಟನೆ ಕೊಯಮತ್ತೂರಿನಲ್ಲಿ ನಡೆದಿದೆ.

ಏರ್ ಅರೇಬಿಯಾ ವಿಮಾನದಲ್ಲಿ ಬಂದಿದ್ದ ಪ್ರಯಾಣಿಕನಿಂದ ಕಸ್ಟಮ್ಸ್ ಅಧಿಕಾರಿಗಳು ಚಿನ್ನದ ಪೌಡರ್ ವಶಪಡಿಸಿಕೊಂಡಿದ್ದಾರೆ. ಕೇರಳ ಮೂಲದ ಪ್ರಯಾಣಿಕ ಇಲ್ಲಿನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸುಮಾರು 4.30ರ ವೇಳೆಯಲ್ಲಿ ಅನುಮಾನಾಸ್ಪದವಾಗಿ ಓಡಾಡುತ್ತಿದ್ದುದನ್ನು ಕಂಡ ಅಧಿಕಾರಿಗಳು ಆತನನ್ನು ತಡೆದು ವಿಚಾರನೆ ನಡೆಸಿದ್ದರು.

ಪರಿಶೀಲನೆ ನಡೆಸಿದ ಬಳಿಕ 26.34 ಲಕ್ಷ ರೂ. ಮೌಲ್ಯದ ಚಿನ್ನದ ಪುಡಿಯನ್ನ ತನ್ನ ಎರಡೂ ಕಲುಗಳಲ್ಲಿ ಇಟ್ಟು ಬ್ಯಾಂಡೇಜ್ ಸುತ್ತಿದ್ದು ಪತ್ತೆಯಾಯ್ತು ಎಂದು ವಿಮಾನ ನಿಲ್ದಾಣದ ಮೂಲಗಳು ತಿಳಿಸಿವೆ.

ಈ ಚಿನ್ನವನ್ನು ಲಾಭಕ್ಕಾಗಿ ಕೇರಳದ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ತೆಗೆದುಕೊಂಡು ಹೋಗಲಾಗ್ತಿತ್ತು ಎಂದು ವರದಿಯಾಗಿದೆ.