ಹಣ ಬಲದ ಮುಂದೆ ಯಾವ್ದೂ ನಡೆಯಲ್ಲ, ಜನಾದೇಶಕ್ಕೆ ತಲೆಬಾಗುತ್ತೇವೆ: ಬಿಎಸ್‍ವೈ

ಬೆಂಗಳೂರು: ಹಣ ಬಲದ ಮುಂದೆ ಯಾವುದು ನಡೆಯಲ್ಲ ಅನ್ನುವ ವಾತಾವರಣ ನಿರ್ಮಾಣವಾಗಿದೆ. ಆದ್ರೂ ಜನಾದೇಶಕ್ಕೆ ನಾವು ತಲೆಬಾಗುತ್ತೇವೆ ಎಂದು ಮಾಜಿ ಸಿಎಂ ಬಿಎಸ್ ಯಡಿಯೂರಪ್ಪ ಹೇಳಿದ್ದಾರೆ.

ರಾಜರಾಜೇಶ್ವರಿ ವಿಧಾನಸಭಾ ಕ್ಷೇತ್ರದ ಚುನಾವಣಾ ಫಲಿತಾಂಶ ಕುರಿತು ಮಾತನಾಡಿದ ಅವರು, ಆರ್ ಆರ್ ನಗರದಲ್ಲಿ ಕಾಂಗ್ರೆಸ್-ಜೆಡಿಎಸ್ ಒಪ್ಪಂದ ಮಾಡಿಕೊಂಡಿರೋದು ಎಲ್ಲರಿಗೂ ತಿಳಿದಿರುವ ವಿಷಯ. ಸದ್ಯ ವಿಧಾನಪರಿಷತ್ ಚುನಾವಣೆ ಹಿನ್ನೆಲೆಯಲ್ಲಿ ಅಭ್ಯರ್ಥಿಗಳೊಂದಿಗೆ ನಾಮಪತ್ರ ಸಲ್ಲಿಸಲು ವಿಧಾನಸೌಧಕ್ಕೆ ಹೋಗುತ್ತಿದ್ದೇವೆ ಅಂತಾ ತಿಳಿಸಿದ್ರು.

ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಮತ್ತು ಪ್ರಧಾನಿ ಮೋದಿ ಡಿ.ಕೆ. ಸಹೋದರರ ಮೇಲೆ ಸಿಬಿಐ ಮತ್ತು ಐಟಿ ಅಸ್ತ್ರ ಪ್ರಯೋಗಿಸಿದ್ರಾ ಪ್ರಶ್ನೆಗೆ, ನೋ ಕಮೆಂಟ್ಸ್ ಅಂತಾ ಪ್ರತಿಕ್ರಿಯೆ ನೀಡಿದ್ರು.

ಇಂದು ಬೆಳಗ್ಗೆಯೇ ಯಡಿಯೂರಪ್ಪರ ನಿವಾಸಕ್ಕೆ ವಿಧಾನಪರಿಷತ್ ಚುನಾವಣೆ ಅಭ್ಯರ್ಥಿಗಳಾದ ರವಿಕುಮಾರ್, ರುದ್ರೇಗೌಡ, ತೇಜಸ್ವಿನಿಗೌಡ ಮತ್ತು ಕೆ.ಪಿ.ನಂಜುಂಡಿ ಆಗಮಿಸಿದ್ರು. ಈ ವೇಳೆ ಅಭ್ಯರ್ಥಿಗಳೊಂದಿಗೆ ಯಡಿಯೂರಪ್ಪ ಮಾತುಕತೆ ನಡೆಸಿದ್ರು.

Hearty congratulations to Munirathna for being elected from Rajarajeshwari Nagar Assembly constituency.
Despite the allegations and criticisms, @INCKarnataka has proven that it has always concentrated on the welfare of people. #rrnagar

— Dr. G Parameshwara (@DrParameshwara) May 31, 2018