ಆನೆಕಲ್: ಮಳೆ ಬಂದ ಕಾರಣ ಕೆರೆಯಿಂದ ನೊರೆ ಬಂದಿದ್ದಾಯ್ತು. ಇದೀಗ ಬೆಳ್ಳಂದೂರು-ವರ್ತೂರು ಕೆರೆ ಮಧ್ಯೆ ಮತ್ತೆ ಬೆಂಕಿ ಕಾಣಿಸಿಕೊಂಡಿದೆ.
ವರ್ತೂರು-ಬೆಳ್ಳಂದೂರು ಕೆರೆಗಳ ನಡುವೆ ಸಂಪರ್ಕ ಕಲ್ಪಿಸುವ ಪ್ರದೇಶದಲ್ಲಿ ಬೆಂಕಿ ಹೊತ್ತಿ ಉರಿಯುತ್ತಿದ್ದು, ದಟ್ಟ ಹೊಗೆ ಆವರಿಸಿದೆ. ಅದು ಕಸ ವಿಂಗಡಿಸುವ ಸ್ಥಳದಲ್ಲೇ ಈ ಬೆಂಕಿ ಕಾಣಿಸಿಕೊಂಡಿದೆ.
ಮೊನ್ನೆಯಷ್ಟೇ ನೊರೆ ಸಮಸ್ಯೆ ಉದ್ಭವವಾಗಿತ್ತು. ಈಗ ಮತ್ತೆ ಬೆಂಕಿ ಕಾಣಿಸಿಕೊಂಡಿರೋದಕ್ಕೆ ವರ್ತೂರು ಕೆರೆ ಸುತ್ತಮುತ್ತಲಿನ ಜನ ಆಕ್ರೋಶಗೊಂಡಿದ್ದಾರೆ. ಎನ್‍ಜಿಟಿ ಖಡಕ್ ಆದೇಶದ ಬಳಿಕವೂ ರಾಜ್ಯ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ ನಿರ್ಲಕ್ಷ್ಯ ತಾಳಿರುವುದು ವಿಪರ್ಯಾಸ.
