ಧ್ವಜಾರೋಹಣ ಮಾಡಿ ಹೊಸ ಮನೆಗೆ ಎಂಟ್ರಿ ಕೊಟ್ಟ ಹುಬ್ಬಳ್ಳಿ ದಂಪತಿ!

ಹುಬ್ಬಳ್ಳಿ: ಇಲ್ಲಿನ ದಂಪತಿ ತಾವು ದುಡಿದು ಕಟ್ಟಿದ ಮನೆಯ ಗೃಹಪ್ರವೇಶವನ್ನು ಧ್ವಜಾರೋಹಣ ಮಾಡೋ ಮೂಲಕ ದೇಶಪ್ರೇಮ ಮೆರೆದಿದ್ದಾರೆ.

ಸಾಯಿನಗರದ ಮಲ್ಲಪ್ಪ ತಡಸದ್ ದಂಪತಿ ಸ್ವಾತಂತ್ರ್ಯ ದಿನಾಚರಣೆಯಂದೇ ಗೃಹ ಪ್ರವೇಶ ಮಾಡಿದ್ರು. ಕುಂಬಳಕಾಯಿ, ಹೋಮ-ಹವನ ಅಂತ ಮೌಢ್ಯಕ್ಕೆ ದಾಸರಾಗದೇ ದೇಶಪ್ರೇಮ ತೋರಿದ್ದಾರೆ. ಸರಳವಾಗಿ, ಸುಂದರವಾಗಿ ಮನೆಕಟ್ಟಿದ್ದಲ್ಲದೇ ಅಷ್ಟೇ ಸರಳತೆಯಿಂದಲೇ ಹೊಸ ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ.

ಸ್ವಾತಂತ್ರ್ಯಕ್ಕಾಗಿ ತ್ಯಾಗ-ಬಲಿದಾನ ಮಾಡಿದ ಮಹಾಪುರುಷರನ್ನ ನೆನೆಯಬೇಕಿದೆ. ಅಷ್ಟೇ ಅಲ್ಲ, ಇದು ಮುಂದಿನ ಪೀಳಿಗೆ ಮಹಾನ್ ಪುರುಷರ ಜೀವನಗಾಥೆ ಅರಿಯುವಂತಾಗಲಿ ಅನ್ನೋ ಆಶಯವನ್ನು ದಂಪತಿ ಹೊಂದಿದ್ದಾರೆ. ಮಂತ್ರ-ತಂತ್ರ ಹೋಮ ಹವನದ ಬದಲಾಗಿ ಧ್ವಜಾರೋಹಣದ ಬಳಿಕ ರಾಷ್ಟ್ರಗೀತೆ ಹಾಡಿರೋದೇ ಈ ಮನೆಗೆ ಮಂಗಳಕರ ಅಂತ ನಂಬಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv