ಬಳ್ಳಾರಿ: ಎಟಿಎಂನಲ್ಲಿ ಹಣ ಡ್ರಾ ಮಾಡಿದಾಗ ನೋಟಿನ ಬದಲು ಪೇಪರ್ ಪೀಸ್ ಬಂದ ಘಟನೆಯು ನಗರದ ಟ್ಯಾಂಕ್ ಬಂಡ್ ರೋಡ್‍ನಲ್ಲಿ ನಡೆದಿದೆ.
ಇಂದು ಮುಂಜಾನೆ ಎಸ್‍ಬಿಐ ಬ್ಯಾಕ್‍ನ ಎಟಿಎಂ ಒಂದರಲ್ಲಿ ರಮೇಶ್ ಎಂಬವರು ಹಣ ಡ್ರಾ ಮಾಡಲು ಹೋದಾಗ ಹಣದ ಜೊತೆಯಲ್ಲಿ ನೋಟಿನ ಅಳತೆಯ ಪೇಪರ್ ತುಂಡೊಂದು ಬಂದಿದೆ.
ರಮೇಶ್ 8 ಸಾವಿರ ರೂ. ಡ್ರಾ ಮಾಡಿದ್ದಾರೆ. ಅದರಲ್ಲಿ 7500 ಅಸಲಿ ನೋಟು ಮತ್ತು 500 ರೂಪಾಯಿಯ ಬದಲಾಗಿ ಒಂದು ಪೇಪರ್ ಪೀಸ್ ಬಂದಿದೆ. ಹೀಗಾಗಿ ಹಣ ಡ್ರಾ ಮಾಡಲು ಬಂದ ರಮೇಶ್ ಗೆ ಶಾಕ್ ಆಗಿ ಮಾಧ್ಯಮಗಳಿಗೆ ವಿಷಯ ತಿಳಿಸಿ ಮೋಸವನ್ನು ಖಂಡಿಸಿದ್ದಾರೆ.
ಎಟಿಎಂ ಗೆ ಆಗಮಿಸಿದ್ದವರು ಮತ್ತು ಸ್ಥಳೀಯರು ಎಟಿಎಂ ಮುಂದೆ ಸೇರಿ ಬ್ಯಾಂಕ್ ಸಿಬ್ಬಂದಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಆದ್ರೆ ಬ್ಯಾಂಕ್ ಸಿಬ್ಬಂದಿ ಸ್ಥಳಕ್ಕೆ ಬಾರದಿದ್ದರಿಂದ ಬ್ಯಾಂಕ್ ವಂಚನೆ ವಿರುದ್ಧ ರಮೇಶ್ ಪೊಲೀಸ್ ಠಾಣೆಗೆ ದೂರು ನೀಡಲು ನಿರ್ಧರಿಸಿದ್ದಾರೆ.
