ಬೆಂಗಳೂರು: ಬೆಳ್ಳಂದೂರು, ವರ್ತೂರು ಕೆರೆಯಲ್ಲಿನ ನೊರೆಯ ವಿಚಾರದಲ್ಲಿ ಈಗಾಗಲೇ ಉದ್ಯಾನ ನಗರಿ ಬೆಂಗಳೂರಿನ ಮಾನ ಹರಾಜಾಗಿದೆ. ಈಗ ಮತ್ತೊಂದು ಕೆರೆಯ ಸರದಿ.
900 ಎಕರೆಯ ಬಿಡದಿ ಬಳಿಯ ಭೈರಸಂದ್ರ ಕೆರೆಯೂ ಈಗ ಗಬ್ಬೆದ್ದು ನಾರುತ್ತಿದೆ. ವಿಷಪೂರಿತ ಗಾಳಿ ಕೆರೆ ಸುತ್ತಲಿನ ಪ್ರದೇಶವನ್ನ ಅವರಿಸಿಕೊಂಡಿದೆ. ಈ ಕೆರೆಯ ದುರ್ವಾಸನೆಗೆ ಕೆರೆಯ ಬಳಿಗೆ ಬರೋದಕ್ಕೆ ಇಲ್ಲಿನ ಜನ ಭಯ ಪಡುವಂತಾಗಿದೆ. ಹಲವು ವರ್ಷಗಳ ಹಿಂದೆ ಈ ಕೆರೆಯ ನೀರನ್ನ ವ್ಯವಸಾಯಕ್ಕೆ ಬಳಸಿಕೊಳ್ಳುತ್ತಿದ್ರು. ಅದ್ರೀಗ ಈ ಕೆರೆ ದುಸ್ಥಿತಿ ತಲುಪಿದೆ.
ಇದಕ್ಕೆ ಕಾರಣ ಈ ಕೆರೆಯ ಸುತ್ತಮುತ್ತ ಸುಮಾರು ಇರುವ 248 ಕಾರ್ಖಾನೆಗಳು. ಬಹುತೇಕ ಎಲ್ಲಾ ಕಾರ್ಖಾನೆಗಳು ರಾಸಾಯನಿಕ ತ್ಯಾಜ್ಯವನ್ನು ಫೀಲ್ಟರ್ ಮಾಡದೇ ಕೆರೆಗೆ ಬೀಡೋದ್ರಿಂದಲೇ ಈ ರೀತಿ ಅಗಿದೆ ಅನ್ನೋದು ಸ್ಥಳೀಯರ ಆರೋಪ.
