ದಂಡುಪಾಳ್ಯ 2 ಚಿತ್ರತಂಡದ ವಿರುದ್ಧ ನಟಿ ಸಂಜನಾ ಸಿಟ್ಟು

ಬೆಂಗಳೂರು: ದಂಡುಪಾಳ್ಯ 2 ಚಿತ್ರದ ಪ್ರಮೋಷನ್‍ಗೆ ನಟಿ ಸಂಜನಾ ಗೈರು ಹಾಜರಾಗಿದ್ದಕ್ಕೆ ಚಿತ್ರತಂಡ ಅಪ್‍ಸೆಟ್ ಆಗಿದೆ.

ಕನ್ನಡ ಹಾಗೂ ತೆಲುಗು ಭಾಷೆಯಲ್ಲಿ ಚಿತ್ರ ಮೂಡಿಬಂದಿದ್ದು, ಹೈದ್ರಾಬಾದ್‍ನಲ್ಲಿ ನಡೆದ ಪ್ರಮೋಷನ್‍ಗೆ ಸಂಜನಾ ಗೈರಾಗಿದ್ರು. ದಂಡುಪಾಳ್ಯ ಪೋಸ್ಟರ್‍ಗಳಲ್ಲಿ ಸಂಜನಾ ಅವರನ್ನು ನಿರ್ಲಕ್ಷ್ಯ ಮಾಡಲಾಗಿದ್ದು, ಟ್ರೇಲರ್‍ನಲ್ಲೂ ಇದೇ ರೀತಿ ಆಗಿದೆ ಅಂತಾ ಸಂಜನಾ ಸಿಟ್ಟಾಗಿದ್ದಾರೆ.

ಈ ಬಗ್ಗೆ ನಟಿ ಸಂಜನಾ ಅವರನ್ನು ಕೇಳಿದ್ರೆ, ಮಾತನಾಡೋಕೆ ಇಷ್ಟವಿಲ್ಲ. ಮೊದಲು ಲಕ್ಷ್ಮೀ ಮಂಚು ಅವರನ್ನು ಕೇಳಲಾಗಿತ್ತು, ಅವರು ಒಪ್ಪದಿದ್ದಕ್ಕೆ ನನಗೆ ಆಫರ್ ಕೊಟ್ರು. ಸಿನಿಮಾದಲ್ಲಿ ಪಾತ್ರಕ್ಕಿರುವ ಪ್ರಾಮುಖ್ಯತೆ ಹಾಗೂ ಉತ್ತಮ ಸಂಭಾವನೆಗಾಗಿ ಒಪ್ಪಿಕೊಂಡೆ. ದಂಡುಪಾಳ್ಯ 2 ಹಾಗೂ ಭಾಗ 3 ಒಟ್ಟಿಗೆ ಶೂಟಿಂಗ್ ಆಗಿದ್ದು, ನನ್ನ ಪಾತ್ರ ಎಷ್ಟರ ಮಟ್ಟಿಗೆ ಉಳಿಸಿದ್ದಾರೆ ಅನ್ನೋ ಬಗ್ಗೆ ಗೊಂದಲ ಆಗಿದೆ. ಚಿತ್ರದ ಟ್ರೇಲರ್ ನೋಡಿ ಬೇಸರ ಆಗಿದೆ ಎಂದಿದ್ದಾರೆ.

ನನ್ನನ್ನು ಡಮ್ಮಿ ಮಾಡಿ ಪೂಜಾ ಗಾಂಧಿಯನ್ನು ಹೈಲೈಟ್ ಮಾಡಿರೋದಕ್ಕೆ ಪ್ರಮೋಷನ್‍ಗೆ ಬರಲ್ಲ ಅಂತ ಸಂಜನಾ ಚಿತ್ರತಂಡಕ್ಕೆ ಹೇಳಿದ್ದಾರೆ ಅನ್ನೋ ಮಾತುಗಳು ಕೇಳಿಬಂದಿವೆ.