ಬಾಲಿವುಡ್ (Bollywood) ನ ಖ್ಯಾತ ನಟಿ ರೇಖಾ (Rekha) ಅವರ ಬಯೋಗ್ರಫಿ (Biography) ಸಿದ್ದವಾಗಿದೆ. ‘ರೇಖಾ- ದಿ ಅನ್ಟೋಲ್ಡ್ ಸ್ಟೋರಿ’ ಹೆಸರಿನಲ್ಲಿ ಸಿದ್ಧವಾಗಿರುವ ಈ ಪುಸ್ತಕದಲ್ಲಿ ಭಯಾನಕ ಸತ್ಯವೊಂದನ್ನು ಅನಾವರಣಗೊಳಿಸಿದ್ದಾರೆ ಲೇಖಕರು. ಸ್ವತಃ ತನ್ನ ಕಾರ್ಯದರ್ಶಿ ಜೊತೆಯೇ ರೇಖಾ ಲಿವ್ ಇನ್ ರಿಲೇಷನ್ ಶಿಪ್ (Live in Relationship) ಹೊಂದಿದ್ದರು ಎಂದು ಲೇಖಕರು ಉಲ್ಲೇಖಿಸಿದ್ದಾರೆ. ರೇಖಾ ಪತಿಯ ಸಾವಿಗೆ ಇದು ಕೂಡ ಕಾರಣವಾಗಿತ್ತು ಎಂದು ಬರೆದಿದ್ದಾರೆ.
ಯಾಸರ್ ಉಸ್ಮಾನ್ ಬರೆದ ಈ ಪುಸ್ತಕದಲ್ಲಿ ರೇಖಾ ಬಗೆಗಿನ ಸಾಕಷ್ಟು ಸಂಗತಿಗಳನ್ನು ಹೇಳಲಾಗಿದೆಯಂತೆ. ಅದರಲ್ಲೂ ತನ್ನ ಸೆಕ್ರೆಟರಿಯಾಗಿದ್ದ ಫರ್ಹಜಾನ್ (Farhajan) ಜೊತೆಗಿನ ಸಂಬಂಧ ಮತ್ತು ರೇಖಾ ಅವರನ್ನು ನಿಯಂತ್ರಿಸುವ ಶಕ್ತಿ ಈಕೆಗೆ ಮಾತ್ರ ಗೊತ್ತಿತ್ತು ಎಂದು ಪುಸ್ತಕದಲ್ಲಿ ಬರೆಯಲಾಗಿದೆ.
ಬಾಲಿವುಡ್ ನ ಅನಭಿಷಿಕ್ತ ರಾಣಿಯಾಗಿ ಮೆರೆದವರು ರೇಖಾ. ಆ ಕಾಲದಲ್ಲೇ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದ ನಟಿ ಕೂಡ ಅವರಾಗಿದ್ದರು. ಸೌಂದರ್ಯದ ಕಣಿಯೇ ಆಗಿದ್ದ ರೇಖಾಗೂ ಮತ್ತು ಅಮಿತಾಭ್ ಬಚ್ಚನ್ ನಡುವೆ ಪ್ರೇಮಾಂಕುರ ಆಗಿತ್ತು ಎನ್ನುವುದು ಗುಟ್ಟಿನ ಸಂಗತಿಯೇನಲ್ಲ. ಇಬ್ಬರ ಸಂಬಂಧ ಮುರಿದು ಬೀಳುತ್ತಿದ್ದಂತೆಯೇ ಉದ್ಯಮಿಯೊಬ್ಬರನ್ನು ರೇಖಾ ಮದುವೆಯಾದರು. ಆದರೆ, ಆ ಉದ್ಯಮಿ ಮದುವೆಯಾದ ಕೆಲವೇ ತಿಂಗಳಲ್ಲಿ ಆತ್ಮಹತ್ಯೆ ಮಾಡಿಕೊಂಡ.
ರೇಖಾ ಅವರ ಜೀವನ ಚರಿತ್ರೆಯಲ್ಲಿ ಹೇಳಿದಂತೆ, ರೇಖಾ ಅವರ ಬೆಡ್ ರೂಮ್ ಒಳಗೆ ಅಷ್ಟು ಸಲೀಸಾಗಿ ಯಾರೂ ಹೋಗುವಂತೆ ಇರಲಿಲ್ಲ. ಕೇವಲ ಸೆಕ್ರೆಟರಿ ಮಾತ್ರ ಅಲ್ಲಿಗೆ ಹೋಗುತ್ತಿದ್ದರು. ಅಲ್ಲದೇ, ರೇಖಾ ಅವರ ಫೋನ್ ಕರೆಗಳನ್ನೂ ಆಕೆಯೇ ಸ್ವೀಕರಿಸುತ್ತಿದ್ದರು. ಅಷ್ಟರ ಮಟ್ಟಿಗೆ ರೇಖಾ ಅವರನ್ನು ಸೆಕ್ರೆಟರಿ ಹಿಡಿತದಲ್ಲಿ ಇಟ್ಟುಕೊಂಡಿದ್ದರು ಎಂದು ಪುಸ್ತಕದಲ್ಲಿ ದಾಖಲಾಗಿದೆಯಂತೆ.
ರೇಖಾ ಅವರ ಪುಸ್ತಕ ಇನ್ನೂ ಬಿಡುಗಡೆ ಆಗಿಲ್ಲ. ಆದರೆ, ಆಗಲೇ ಬಾಲಿವುಡ್ ನಲ್ಲಿ ಹೆಚ್ಚು ಸದ್ದು ಮಾಡುತ್ತಿದೆ. ಈ ಪುಸ್ತಕವನ್ನು ಖರೀದಿಸಲು ರೇಖಾ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ದಾರೆ. ಇನ್ನೆಷ್ಟು ಸತ್ಯಗಳು ಆಚೆ ಬರಲಿವೆ ಎನ್ನುವುದನ್ನು ಕಾಯುತ್ತಿದ್ದಾರೆ.
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
