ಬಾಲಿವುಡ್ (Bollywood) ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ಇದೀಗ ಹಾಲಿವುಡ್‌ನಲ್ಲಿ (Hollywood) ಸೆಟಲ್ ಆಗಿದ್ದಾರೆ. ಅಲ್ಲಿ ಬ್ಯಾಕ್ ಟು ಬ್ಯಾಕ್ ಸಿನಿಮಾ ಮಾಡುತ್ತಾ ನಟಿ ಬ್ಯುಸಿಯಾಗಿದ್ದಾರೆ. ಇದೀಗ ‘ಸಿಟಾಡೆಲ್’ (Citadel) ನಟಿ ತಮ್ಮ ವೃತ್ತಿಜೀವನದ ಆರಂಭದ ದಿನಗಳ ಬಗ್ಗೆ ಸ್ಮರಿಸಿದ್ದಾರೆ. ನಿರ್ದೇಶಕರೊಬ್ಬರು ಶೂಟಿಂಗ್ ಸೆಟ್‌ಗಳಲ್ಲಿ ತನಗೆ ಮುಜುಗರ ತರಿಸುವಂತೆ ಮಾಡಿದರು ಎಂದು ಹೇಳಿಕೊಂಡಿದ್ದಾರೆ. ತಾವು ಎದುರಿಸಿದ ಅವಮಾನದ ಬಗ್ಗೆ ನಟಿ ಮಾತನಾಡಿದ್ದಾರೆ.
ಹಿಂದಿ ಸಿನಿಮಾರಂಗದಲ್ಲಿ ತನ್ನ ಪ್ರತಿಭೆ ಮತ್ತು ಸಕ್ಸಸ್‌ನಿಂದ ಸ್ಟಾರ್ ನಟಿಯಾಗಿ ಮೆರೆದ ನಾಯಕಿ ಪ್ರಿಯಾಂಕಾ ಚೋಪ್ರಾ ಅವರು ಪೀಕ್‌ನಲ್ಲಿರುವಾಗಲೇ ನಿಕ್ ಜೊತೆ ಹೊಸ ಬಾಳಿಗೆ ಕಾಲಿಟ್ಟರು. ಈಗ ಹಾಲಿವುಡ್‌ನಲ್ಲಿ ನಟಿ ಗುರುತಿಸಿಕೊಳ್ತಿದ್ದಾರೆ. ಅವರು ಮೊದಲು ಬಾಲಿವುಡ್‌ಗೆ ಕಾಲಿಟ್ಟಾಗ ಹೇಗಿತ್ತು. ಅವಕಾಶಗಳನ್ನ ಕೊಡುವ ನೆಪದಲ್ಲಿ ನಿರ್ದೇಶಕರು ಹೇಗೆ ರಿಯಾಕ್ಟ್ ಮಾಡ್ತಿದ್ರು.? ಯಾಕೆ ಆ ಸಿನಿಮಾ ಚಾನ್ಸ್ ಮಿಸ್ ಆಯ್ತು ಎಂದು ನಟಿ ಸಂದರ್ಶನವೊಂದರಲ್ಲಿ ಮುಕ್ತವಾಗಿ ಮಾತನಾಡಿದ್ದಾರೆ. ಇದನ್ನೂ ಓದಿ:ಕನಕದಾಸನಾಗಿ ಕಂಗೊಳಿಸಲಿದ್ದಾರೆ ರಿಯಲ್‌ ಸ್ಟಾರ್ ಉಪೇಂದ್ರ
ಕೆಲ ದೃಶ್ಯವನ್ನು ಚಿತ್ರೀಕರಿಸುವಾಗ ನಿರ್ದೇಶಕರು ಅವರ ಒಳಉಡುಪುಗಳನ್ನು (Underwear) ನೋಡಲು ಬಯಸಿದ್ದರಂತೆ ಎಂದು ಪ್ರಿಯಾಂಕಾ ಚೋಪ್ರಾ ಹೇಳಿದ್ದಾರೆ. ಇದು 2002 ಅಥವಾ 2003 ಆಗಿರಬಹುದು. ನಾನು ರಹಸ್ಯವಾಗಿರುವ ಪಾತ್ರವೊಂದನ್ನು ಮಾಡುತ್ತಿದ್ದೆ. ನಾನು ಹುಡುಗನನ್ನು ಮೋಹಿಸುವ ಪಾತ್ರವಿತ್ತು. ನೀವು ಒಂದು ತುಂಡು ಬಟ್ಟೆಯನ್ನು ಒಂದು ಸಮಯದಲ್ಲಿ ತೆಗೆಯಬೇಕು. ನಾನು ಲೇಯರ್ ಅಪ್ ಮಾಡಲು ಬಯಸುತ್ತೇನೆ. ನಾನು ಅವಳ ಒಳ ಉಡುಪುಗಳನ್ನು ನೋಡಬೇಕು. ಇಲ್ಲದಿದ್ದರೆ ಈ ಸಿನಿಮಾ ನೋಡಲು ಜನ ಏಕೆ ಬರುತ್ತಾರೆ? ಅಂತ ಅವರು ಹೇಳಿದರು ಎಂದು ಪ್ರಿಯಾಂಕಾ ಚೋಪ್ರಾ ನೆನಪಿಸಿಕೊಂಡರು.
ಅವರು ನನಗೆ ಹೇಳಲಿಲ್ಲ. ಅದನ್ನು ನನ್ನ ಮುಂದೆ ಇದ್ದ ಸ್ಟೈಲಿಸ್ಟ್‌ಗೆ ಹೇಳಿದರು. ಅದೊಂದು ಮುಜುಗರದ ಕ್ಷಣ. ನನ್ನನ್ನು ಹೇಗೆ ಬಳಸಿಕೊಳ್ಳಬಹುದು ಎಂಬುದರ ಹೊರತಾಗಿ ಬೇರೇನೂ ಅಲ್ಲಿರಲಿಲ್ಲ. ನನ್ನ ಕಲೆ ಮುಖ್ಯವಲ್ಲ, ನಾನು ಏನು ಕೊಡುಗೆ ನೀಡುತ್ತೇನೆ ಎಂಬುದು ಮುಖ್ಯವಲ್ಲ ಎಂಬ ಭಾವನೆ ಬಂದಿತು. ಎರಡು ದಿನಗಳ ನಂತರ ಚಿತ್ರದಿಂದ ಹೊರನಡೆಯಬೇಕಾಯಿತು ಎಂದು ಪ್ರಿಯಾಂಕಾ ಮಾತನಾಡಿದ್ದಾರೆ.
