ನಿತ್ಯಾ ಮೆನನ್ ಅಭಿಮಾನಿಗಳಿಗೆ ಸಿಕ್ತು ಗುಡ್ ನ್ಯೂಸ್

ಕನ್ನಡತಿ, ಬಹುಭಾಷಾ ನಟಿ ನಿತ್ಯಾ ಮೆನನ್ (Nithya Menen) ಅಭಿಮಾನಿಗಳಿಗೆ ಇದೀಗ ಗುಡ್ ನ್ಯೂಸ್ ಸಿಕ್ಕಿದೆ. ಬೆಂಗಳೂರಿನ ಬೆಡಗಿ ನಿತ್ಯಾ ಮೆನನ್ ಇಂದು (ಏ.8) 36ನೇ ವರ್ಷಕ್ಕೆ ಕಾಲಿಟ್ಟಿದ್ದು, ಅವರ ಹುಟ್ಟುಹಬ್ಬದ ಪ್ರಯುಕ್ತ ಹೊಸ ಸಿನಿಮಾದ ಪೋಸ್ಟರ್ ರಿಲೀಸ್ ಮಾಡಿದೆ ಚಿತ್ರತಂಡ. ಈ ಮೂಲಕ ನಟಿಯ ಫ್ಯಾನ್ಸ್‌ಗೆ ಬಿಗ್ ಅಪ್‌ಡೇಟ್ ಸಿಕ್ಕಿದೆ.

ನಿತ್ಯಾ ಮೆನನ್ ಬಹುಭಾಷಾ ನಾಯಕಿಯಾಗಿ ಅಪಾರ ಅಭಿಮಾನಿಗಳಿಗೆ ಮನಗೆದ್ದಿದ್ದಾರೆ. ಸದಾ ವಿಭಿನ್ನ ಕಥೆಯ ಆಯ್ಕೆಯ ಜೊತೆ ಸಹಜ ನಟನೆ ಮಾಡುವ ಮೂಲಕ ಸೈ ಎನಿಸಿಕೊಂಡಿದ್ದಾರೆ. ಹುಟ್ಟುಹಬ್ಬದ ಸಂಭ್ರಮದ ದಿನ ನಯಾ ಗೆಟಪ್‌ನಲ್ಲಿರುವ ಚಿತ್ರದ ಪೋಸ್ಟರ್ ಮೂಲಕ ನಿತ್ಯಾ ಸದ್ದು ಮಾಡುತ್ತಿದ್ದಾರೆ. ಇದನ್ನೂ ಓದಿ:ಜೈಲಿಂದ ರಿಲೀಸ್‌ ಆದ ಬಳಿಕ ಜ್ಯೂಸ್‌ ಕುಡಿದು ಸೋನು ಕೂಲ್‌.. ಕೂಲ್‌..

 

View this post on Instagram

 

A post shared by Nithya Menen (@nithyamenen)

‘ಡಿಯರ್ ಎಕ್ಸೆಸ್’ (Dear Exes) ಎಂಬ ಸಿನಿಮಾದಲ್ಲಿ ನಿತ್ಯಾ ಮೆನನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸೀರೆಯುಟ್ಟು ಕೈಗೆ ಮೆಹೆಂದಿ ಹಾಕಿ ಮದುವೆ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ. ಒಂದು ಕೈಯಲ್ಲಿ ಜ್ಯೂಸ್, ಮತ್ತೊಂದು ಕೈಯಲ್ಲಿ ಮೊಬೈಲ್ ಅದರಲ್ಲಿ ಎಕ್ಸ್ ಎಂದು ಚಿತ್ರವಿದೆ. ಸ್ಟೈಲೀಶ್ ಕನ್ನಡಕ ಧರಿಸಿ ನಟಿ ಮಸ್ತ್ ಆಗಿ ಕಾಣಿಸಿಕೊಂಡಿದ್ದಾರೆ.

ಮದುವೆಗೆ (Wedding) ಸಜ್ಜಾಗಿರುವ ಹುಡುಗಿ ಮುಂದೆ ಎಕ್ಸ್ ಬಾಯ್‌ಫ್ರೆಂಡ್ ಬಂದರೆ ಹೇಗಿರುತ್ತೆ? ಆಕೆಯ ಬದುಕಿನಲ್ಲಿ ಮುಂದಿನ ತಿರುವು ಮತ್ತು ಆಕೆಯ ನಡೆಯೇನು? ಎಂಬುದರ ಬಗ್ಗೆ ಸಿನಿಮಾದಲ್ಲಿ ತೋರಿಸಲಾಗಿದೆ. ಈ ಚಿತ್ರಕ್ಕೆ ಕಥೆ ಮತ್ತು ನಿರ್ದೇಶನದ ಹೊಣೆಯನ್ನು ಕಾಮಿನಿ ಹೊತ್ತಿದ್ದಾರೆ.

ನಿತ್ಯಾ ಮೆನನ್ ಜೊತೆ ನವದೀಪ್, ದೀಪಕ್ ಪರಂಬೋಲ್, ವಿನಯ್ ರಾಜ್ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸದ್ಯದಲ್ಲೇ ಸಿನಿಮಾ ರಿಲೀಸ್ ಬಗ್ಗೆ ಹೆಚ್ಚಿನ ಅಪ್‌ಡೇಟ್ ಸಿಗಲಿದೆ.