ಬೈಕಿನಲ್ಲಿ ಶೂಟಿಂಗ್‍ಗೆ ತೆರಳ್ತಿದ್ದಾಗ ರಸ್ತೆ ಅಪಘಾತದಲ್ಲಿ ಮೃತಪಟ್ಟ ನಟಿ

ಲಕ್ನೋ: ಶೂಟಿಂಗ್‍ಗೆ ಬೈಕಿನಲ್ಲಿ ಹೋಗುವಾಗ ಕಾರು ಬೈಕಿಗೆ ಡಿಕ್ಕಿ ಹೊಡೆದು ಭೋಜ್‍ಪುರಿ ನಟಿಯೊಬ್ಬರು ಸ್ಥಳದಲ್ಲೇ ಮೃತಪಟ್ಟ ಘಟನೆ ಶನಿವಾರ ಉತ್ತರ ಪ್ರದೇಶದ ಚಿಟ್ವೌನಿ ಗ್ರಾಮದ ಬಾಲಿಯಾದಲ್ಲಿ ನಡೆದಿದೆ.

ಮನಿಶಾ ರೈ(45) ಅಪಘಾತದಲ್ಲಿ ಮೃತಪಟ್ಟ ಭೋಜ್‍ಪುರಿ ನಟಿ. ಮನೀಶಾ ತನ್ನ ಆಸೋಸಿಯೆಟ್ ಸಂಜೀವ್ ಮಿಶ್ರಾ ಜೊತೆ ಬೈಕಿನಲ್ಲಿ ಶೂಟಿಂಗ್‍ಗೆ ತೆರಳುತ್ತಿದ್ದರು. ಈ ವೇಳೆ ಕಾರು ಬೈಕಿಗೆ ಡಿಕ್ಕಿ ಹೊಡೆದಿದೆ ಪರಿಣಾಮ ಮನೀಶಾ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎಂದು ಎಸ್‍ಐ ಎಸ್‍ಪಿ ಗಂಗೂಲಿ ತಿಳಿಸಿದ್ದಾರೆ.

ಇನ್ನೂ ಈ ಅಪಘಾತದಲ್ಲಿ ಸಂಜೀವ್ ಮಿಶ್ರಾ ಗಾಯಗೊಂಡಿದ್ದಾರೆ. ಅಪಘಾತ ಸಂಭವಿಸಿದ ನಂತರ ಕಾರು ಚಾಲಕ ಸ್ಥಳದಿಂದ ಪರಾರಿಯಾಗಿದ್ದು, ಆತನಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ ಎಂದು ಗಂಗೂಲಿ ಹೇಳಿದ್ದಾರೆ.

ಸದ್ಯ ಮನೀಶಾ ರೈ ಅವರ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಇನ್ನೂ ಮನೀಶಾ ರೈ ಕಿರುಚಿತ್ರದ ನಾಯಕಿಯಾಗಿದ್ದು, ಕೋಬರ್ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.