ಮುಂಬೈ: ಭಯಾನಕ ಕೊರೊನಾ ವೈರಸ್ ಭಾರತಕ್ಕೆ ಕಾಲಿಟಿದ್ದು, ಜನ ಆತಂಕದಲ್ಲಿದ್ದಾರೆ. ಈ ಸಮಯದಲ್ಲಿ ದಕ್ಷಿಣ ಭಾರತದ ನಟಿ, ನಿರ್ಮಾಪಕಿಯಾಗಿರುವ ಚಾರ್ಮಿ ಕೌರ್ ಸೋಮವಾರ ಕೊರೊನಾ ವೈರಸ್ ಕುರಿತು ಸಂತೋಷದ ಟಿಕ್‍ಟಾಕ್ ಮಾಡಿ ಕ್ಷಮೆ ಕೇಳಿದ್ದಾರೆ.
ಕೊರೊನಾ ವೈರಸ್ ಭಾರತಕ್ಕೆ ಕಾಲಿಟ್ಟಿರುವ ವಿಷಯವನ್ನು ತಿಳಿಸಿ ದೇಶದ ಜನತೆಗೆ ಶುಭಾಶಯ ತಿಳಿಸಿದ್ದಾರೆ. ಜನರು ಕೊರೊನಾ ವೈರಸ್ ಆತಂಕದಲ್ಲಿದ್ದು, ನಟಿಯ ಟಿಕ್‍ಟಾಕ್ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದೆ. ಈಗಾಗಲೇ ಕೊರೊನಾ ವೈರಸ್ ದೆಹಲಿ ಮತ್ತು ತೆಲಂಗಾಣಕ್ಕೆ ಬಂದಿದೆ ಎಂದು ನ್ಯೂಸ್ ಗಳಲ್ಲಿ ನೋಡಿದ್ದೇನೆ. ಕೊರೊನಾ ಎಂಟ್ರಿಗೆ ಸಂತೋಷ ವ್ಯಕ್ತಪಡಿಸಿ ಎಲ್ಲರಿಗೂ ಶುಭಾಶಯ ತಿಳಿಸಿದ್ದಾರೆ.
What is she even thinking? #coronavirus #coronavirusindia #CoronaOutbreak #charmme pic.twitter.com/0UUJ2KbYdt
— T S Sudhir (@Iamtssudhir) March 2, 2020
ಕ್ಷಮೆ ಕೇಳಿದ ಚಾರ್ಮಿ: ಟಿಕ್‍ಟಾಕ್ ವಿಡಿಯೋಗೆ ನೆಟ್ಟಿಗರು ಕಿಡಿಕಾರುತ್ತಿದ್ದಂತೆ ಎಚ್ಚೆತ್ತ ಚಾರ್ಮಿ, ನಾನು ನಿಮ್ಮೆಲ್ಲರ ಕಮೆಂಟ್‍ಗಳನ್ನು ಓದಿದ್ದೇನೆ. ಹಾಗಾಗಿ ನನ್ನ ಈ ವಿಡಿಯೋಗಾಗಿ ನಿಮ್ಮಲ್ಲಿ ಕ್ಷಮೆ ಕೇಳುತ್ತೇನೆ. ಇಂತಹ ಪರಿಸ್ಥಿತಿಯಲ್ಲಿ ನಾನು ಹುಡುಗಾಟಿಕೆ ರೀತಿ ಟಿಕ್‍ಟಾಕ್ ಮಾಡಬಾರದಿತ್ತು. ಇನ್ಮುಂದೆ ಯಾವುದೇ ವಿಡಿಯೋ ಮಾಡುವಾಗ ಎಚ್ಚರಿಕೆಯಿಂದ ಇರುತ್ತೇನೆ. ನನಗೆ ಕೊರೊನಾ ವೈರಸ್ ಬಗ್ಗೆ ಹೆಚ್ಚಿನ ಮಾಹಿತಿ ಇರಲಿಲ್ಲ ಎಂದು ಬರೆದುಕೊಂಡಿದ್ದಾರೆ.
ಚಾರ್ಮಿ ಕೌರ್ ಹೆಚ್ಚು ತೆಲಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಹಾಗೆ ತಮಿಳು, ಮಲಯಾಳಂ ಮತ್ತು ಹಿಂದಿ ಚಿತ್ರಗಳಲ್ಲಿಯೂ ಅಭಿನಯಿಸಿದ್ದಾರೆ. ಮುಜಸೇ ದೋಸ್ತಿ ಕರೋಗಿ, ಬುಡ್ಡಾ ಹೋಗಾ ತೇರಾ ಬಾಪ್ ಮತ್ತು ಆರ್.ರಾಜ್‍ಕುಮಾರ್ ಮುಂತಾದ ಸಿನಿಮಾಗಳಲ್ಲಿ ಚಾರ್ಮಿ ನಟಿಸಿದ್ದಾರೆ.
