ಸ್ಯಾಂಡಲ್‍ವುಡ್‍ನಲ್ಲಿ ತಂಗಿಯಾಗಿ ರೀ-ಎಂಟ್ರಿ ಕೊಡಲಿದ್ದಾರೆ ನಟಿ ಅಮೂಲ್ಯ!

Public TV
1 Min Read
Amulya 2

ಬೆಂಗಳೂರು: ಗೋಲ್ಡನ್ ಗರ್ಲ್ ಅಮೂಲ್ಯ ಮದುವೆ ನಂತ್ರ ಕಮ್‍ಬ್ಯಾಕ್ ಆಗೋಕೆ ಸಿದ್ಧತೆ ನಡೆಸುತ್ತಿದ್ದಾರೆ. ಒಂದು ವರ್ಷ ಕಾಲ ಬಣ್ಣದ ಲೋಕದಿಂದ ದೂರವೇ ಉಳಿದಿದ್ದ ಅಮೂಲ್ಯ ಆಶ್ಚರ್ಯಕರ ರೀತಿಯಲ್ಲಿ ಇದೀಗ ರೀ ಎಂಟ್ರಿ ಕೊಡೋಕೆ ಸಜ್ಜಾಗುತ್ತಿದ್ದಾರೆ.

ಅನುಷ್ಕಾ ಶರ್ಮಾ, ಸಮಂತಾ, ರಾಧಿಕಾ ಪಂಡಿತ್ ಹೀಗೆ ಸಾಲು ಸಾಲು ನಟಿಯರು ಮದುವೆ ಆದ ಮೇಲೂ ಬೇಡಿಕೆಯಲ್ಲಿದ್ದಾರೆ. ಅದೇ ರೀತಿ ಗಂಡನ ಮನೆ ಸೇರಿ, ಚಿತ್ರರಂಗಕ್ಕೆ ಮತ್ತೆ ವಾಪಸ್ ಬರಲ್ಲ ಅಂದುಕೊಂಡವರಿಗೆ ಅಮೂಲ್ಯ ಶಾಕ್ ಕೊಡೋಕೆ ಹೊರಟಿದ್ದಾರೆ.

ಮದುವೆ ಆಗಿದೆ ಎಂದು ಯಾವ್ ಯಾವುದೋ ಸಿನಿಮಾದಲ್ಲಿ ಕಮ್‍ಬ್ಯಾಕ್ ಆದರೆ ಜನ ಹೇಗೆ ಸ್ವೀಕರಿಸ್ತಾರೋ ಎನ್ನುವ ಡೌಟ್ ಇರುತ್ತೆ. ಹಲವಾರು ವರ್ಷಗಳ ಕಾಲ ನಟಿ ಅಮೂಲ್ಯ ಚಿತ್ರರಂಗದ ಎಲ್ಲಾ ಮಜಲುಗಳನ್ನೂ ಅರಿತವರು. ಹೀಗಾಗಿ ಒಳ್ಳೆಯ ರೀತಿಯಲ್ಲೇ ವಾಪಸ್ ಬರೋಕೆ ನಿರ್ಧರಿಸಿದ್ದು, ದರ್ಶನ್ ಚಿತ್ರದಲ್ಲಿ ನಟಿಸೋಕೆ ಮನಸ್ಸು ಮಾಡಿದ್ದಾರಂತೆ.

amulya darshan

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ‘ವೇದಾಲಂ’ ತಮಿಳು ರಿಮೇಕ್ ಸಿನಿಮಾ ಮಾಡಲಿದ್ದಾರೆ. ಇದೇ ಚಿತ್ರದಲ್ಲಿ ದರ್ಶನ್ ತಂಗಿಯ ಪಾತ್ರಕ್ಕಾಗಿ ಅಮೂಲ್ಯಾಗೆ ಬುಲಾವ್ ಬಂದಿದೆ. ಅಣ್ಣ ತಂಗಿಯ ಬಾಂಧವ್ಯದ ಕಥೆಯೇ ಹೈಲೈಟ್ ಆಗಿರುವ ವೇದಾಲಂ ಚಿತ್ರದಿಂದ ಅಮೂಲ್ಯ ಕಮ್‍ಬ್ಯಾಕ್ ಆಗೋಕೆ ಉತ್ತಮ ಸಿನಿಮಾ. ಹೀಗಾಗಿ ಪಾತ್ರವೇನೋ ಗೋಲ್ಡನ್ ಗರ್ಲ್‍ಗೆ ಓಕೆಯಾಗಿದೆ.

Amulya darshan 2

ಈ ಹಿಂದೆ ಅಮೂಲ್ಯ, ದರ್ಶನ್ ಬ್ಯಾನರ್ ಚಿತ್ರದಲ್ಲೂ ನಟಿಸಿದ್ದಾರೆ. ದರ್ಶನ್ ಅಮೂಲ್ಯರನ್ನ ತಂಗಿಯ ರೀತಿಯಲ್ಲೇ ಆತ್ಮೀಯವಾಗಿದ್ದಾರೆ. ಹೀಗಾಗಿ ತೆರೆಯ ಮೇಲೆ ಸ್ಯಾಂಡಲ್‍ವುಡ್‍ನಲ್ಲಿ ದರ್ಶನ್ ಮತ್ತು ಅಮೂಲ್ಯ ಅಣ್ಣ-ತಂಗಿಯಾಗಿ ನಟಿಸಿದರೆ ಅದೊಂದು ಅದ್ಭುತವಾಗೋದರಲ್ಲಿ ಸಂದೇಹವಿಲ್ಲ.

ವೇದಾಲಂ ಚಿತ್ರದಲ್ಲಿ ಲಕ್ಷ್ಮಿ ಮೆನನ್ ನಿರ್ವಹಿಸಿದ್ದ ಪಾತ್ರವನ್ನು ಅಮೂಲ್ಯ ಇಲ್ಲಿ ನಿರ್ವಹಿಸಲಿದ್ದಾರೆ. ತಂಗಿಯ ಪಾತ್ರವಾದರೂ ಹೈಲೈಟ್ ಆಗಿರೋ ಪಾತ್ರ. ಹೀಗಾಗಿ ಅಮೂಲ್ಯ ಕಮ್‍ಬ್ಯಾಕ್ ಆಗೋಕೆ ಇದು ಒಳ್ಳೆ ಅವಕಾಶ. ಅಮೂಲ್ಯ ಕುಟುಂಬದಿಂದಲೂ ಮತ್ತೆ ಬಣ್ಣ ಹಚ್ಚೋಕೆ ಯಾವುದೇ ಅಭ್ಯಂತರವಿಲ್ಲ. ಹೀಗಾಗಿ ಅಮೂಲ್ಯ ಕೂಡ ಈಗಿನಿಂದಲೇ ಸಕಲ ಸಿದ್ಧತೆಯನ್ನೂ ಮಾಡಿಕೊಳ್ಳುತ್ತಿದ್ದಾರೆ.

Amulya

Share This Article
Leave a Comment

Leave a Reply

Your email address will not be published. Required fields are marked *