ನ್ಯಾಶನಲ್ ಸ್ಟಾರ್ ಯಶ್ (Yash) ಕೆಜಿಎಫ್ 2 (KGF 2) ಸಿನಿಮಾದ ಬಿಗ್ ಸಕ್ಸಸ್ ನಂತರ ಕಥೆಯ ಆಯ್ಕೆಯಲ್ಲಿ ಸಿಕ್ಕಾಪಟ್ಟೆ ಚ್ಯುಸಿಯಾಗಿದ್ದಾರೆ. ಯಶ್ 19 (Yash 19) ಸಿನಿಮಾ ಯಾವಾಗ? ಯಾವ ಬಗೆಯ ಕಥೆಯಲ್ಲಿ ಯಶ್ ಬರುತ್ತಿದ್ದಾರೆ? ಚಿತ್ರದ ಬಗ್ಗೆ ಅಧಿಕೃತ ಅಪ್‌ಡೇಟ್ ಅದ್ಯಾವಾಗ ಅನಾವರಣ ಆಗಲಿದೆ ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ.
ಅವಸರ ಮಾಡಲ್ಲ ಯೋಚನೆ ಮಾಡದೆ ಅಖಾಡಕ್ಕಿಳಿಯಲ್ಲ. ಟಾರ್ಗೆಟ್ ಫಿಕ್ಸ್ ಆಗೋವರೆಗೂ ಶೂಟ್ ಮಾಡೋ ಮಾತೇ ಇಲ್ಲ. ವಾರವಾಗಲಿ ತಿಂಗಳಾಗಲಿ ಹಲವು ವರ್ಷಗಳೇ ಉರುಳಿ ಹೋಗ್ಲಿ ಪ್ರತಿ ಸಿನಿಮಾವನ್ನ ಒಂದು ನಯಾ ಯುದ್ಧ ಎಂದುಕೊಂಡೇ ಯಶ್ ಅಖಾಡಕ್ಕೆ ಇಳಿಯುತ್ತಾರೆ ಅನ್ನೋದು ನಂಬಿಕೆ. ಅದೇ ರೀತಿಯೇ ನಡೆದುಕೊಳ್ಳುತ್ತಿದ್ದಾರೆ. ಕೆಜಿಎಫ್ 2 ರಿಲೀಸ್ ಆಗಿ ಎರಡು ವರ್ಷ ಸಮೀಪಿಸುತ್ತಿದೆ. ಯಶ್ ಮುಂದಿನ ಸಿನಿಮಾ ಕುರಿತಾಗಿ ಬಂಧ ಕಥೆಗಳು ಅಷ್ಟಿಷ್ಟಲ್ಲ ರಾಮಾಯಣ, ಹಾಲಿವುಡ್, ಬಾಲಿವುಡ್ (Bollywood) ಎಂಬ ಸರಣಿ ಪುಸ್ತಕವೇ ಮಾಡುವಷ್ಟು ಕಥೆಗಳು ಬಂದ್ವು. ಎಲ್ಲದಕ್ಕೂ ಮೌನವೊಂದನ್ನೇ ಉತ್ತರವನ್ನಾಗಿಸಿಕೊಂಡಿದ್ದ ಯಶ್ ಅಖಾಡದಿಂದ ಇದೊಂದು ಸಮರ ತಯಾರಿ ಫೈನಲ್ ಆಗಿರುವ ಸುಳಿವು ಸಿಕ್ಕಿದೆ. ಇದನ್ನೂ ಓದಿ:ಉಪೇಂದ್ರ ಮನೆಮುಂದೆ ಜಮಾಯಿಸಿದ ಅಭಿಮಾನಿಗಳು: ಉಪ್ಪಿ ಕೊಟ್ಟ ಭರವಸೆ ಏನು?
ಅಷ್ಟಕ್ಕೂ ಯಶ್ ಪ್ರಸ್ತುತ ಗೋವಾದಲ್ಲಿದ್ದಾರೆ. ಪತ್ನಿ ಮಕ್ಕಳ ಜೊತೆ ಕಡಲಕಿನಾರೆಯಲ್ಲಿ ಕುಳಿತು ಸಮುದ್ರ ನೋಡುತ್ತಿದ್ದಾರೆ. ಗೋವಾ ಯಶ್‌ಗೆ ಇನ್ನೊಂದು ಸೂರು. ಎಲ್ಲಾ ಖುಷಿಯನ್ನೂ ಅಲ್ಲಿಂದಲೇ ಸಂಭ್ರಮಿಸೋದು ಯಶ್ ವಾಡಿಕೆ. ಇದೀಗ ಅದೇ ಜಾಗದಲ್ಲಿ ಇದ್ದುಕೊಂಡೇ ಯಶ್ 19 ಘೋಷಿಸುತ್ತಾರಾ? ಇದೇ ಸೂಚನೆ. ಅದಕ್ಕೊಂದು ಸಮಯವೆಂದರೆ ಇದೇ ಬರುವ ಗೌರಿ ಗಣೇಶ ಹಬ್ಬ ಸೆ.18ಕ್ಕೆ ಯಶ್ 19 ಅಪ್‌ಡೇಟ್ ಎಂಬುದೇ ಸದ್ಯದ ಸುದ್ದಿ. ಗೋವಾದಿಂದಲೇ ಯಾಕೆ ಅನ್ನೋದಕ್ಕೂ ಕಾರಣವಿದೆ. ಯಶ್ ಮುಂದಿನ ಸಿನಿಮಾದ ಕಥೆಯ ಮೂಲವೇ ಗೋವಾ ಎನ್ನುತ್ತಿದೆ ಸುದ್ದಿಮೂಲ. ಗೋವಾದಲ್ಲಿ (Goa) ಮಾದಕದ್ರವ್ಯ (Drugs) ಮಾಫಿಯಾ ಕುರಿತು ಕಥೆಯನ್ನ ಯಶ್ 19 ಒಳಗೊಂಡಿದೆ. ‘ಕೆಜಿಎಫ್’ ಎಂಬ ಒಂದು ಪ್ರದೇಶದ ಊರಿನ ಕಥೆಯನ್ನ ಹೇಗೆ ಗ್ಲೋಬಲ್ ಮಾಡಲಾಯ್ತೋ ಹಾಗೆ ಗೋವಾ ಎಂಬ ಪುಟ್ಟ ದ್ವೀಪದ ಅತಿರೋಚಕ ರಹಸ್ಯಕ್ಕೆ ಚಿತ್ರಕಥೆ ಟಚ್ ಕೊಟ್ಟು ವಿಶ್ವದುದ್ದಕ್ಕೂ ಪ್ರಯಾಣ ಮಾಡಲು ಹೊರಟಿರುವ ತಯಾರಿ ರಿವೀಲ್ ಆಗಿದೆ.
ಹಿಂದೊಮ್ಮೆ ಕೆವಿಎನ್ ನಿರ್ಮಾಪಕ ವೆಂಕಟ್ ಕೋಣಂಕಿ ಜೊತೆ ಗೋವಾ ಸಿಎಂರನ್ನ ಯಶ್ ಭೇಟಿಮಾಡಿದ್ದರು. ಎಲ್ಲದಕ್ಕೂ ಒಂದು ಕಾರಣವಿರುತ್ತೆ ಎಂಬಂತೆ ಈಗ ಅದು ಒಂದೊಂದೇ ಬಿಚ್ಚಿಕೊಳ್ಳುತ್ತಿದೆ. ಯಶ್, ಕೆಜಿಎಫ್ (KGF) ಬಳಿಕ ಹೆಚ್ಚಿನ ಸಮಯ ಗೋವಾದಲ್ಲೇ ಕಳೆಯುತ್ತಿದ್ದಕ್ಕೂ ಸಿನಿಮಾವೇ ಕಾರಣ ಎನ್ನಲಾಗ್ತಿದೆ. ಎ ಟು ಝಡ್ ಸಂಪೂರ್ಣ ತಯಾರಿ ಮಾಡಿಕೊಳ್ಳದೇ ಹೊರತು ಸಿನಿಮಾ ಘೋಷಿಸಲ್ಲ ಎಂದು ಯಶ್ ಹೇಳಿದಂತೆ ಸಮಯ ತೆಗೆದುಕೊಂಡಿದ್ದಾರೆ. ಈಗ ಕಥೆ ಫೈನಲ್ ಆಗಿದ್ದು ಘೋಷಣೆಯೊಂದೇ ಬಾಕಿ. ಕೆವಿಎನ್ ಸಂಸ್ಥೆಯೇ ಬಂಡವಾಳ ಹೂಡಲಿದೆ. ಚಿತ್ರದ ಸಾರಥ್ಯ ಯಾರದ್ದು? ಗೀತು ಮೋಹನ್‌ದಾಸ್ ಜೊತೆ ಈಗೊಂದು ಹೊಸ ಹೆಸರೂ ಕೇಳಿಬಂದಿದೆ. ಅದುವೇ ಲತಾ ಮೆನನ್.
ಇಲ್ಲಿಯವರೆಗೂ ಮುಂದಿನ ಸಿನಿಮಾ ವಿಚಾರದಲ್ಲಿ ಯಶ್ (Yash) ನಿಗೂಢತೆ ಕಾಪಾಡಿಕೊಂಡೇ ಬಂದಿದ್ದಾರೆ. ಆದರೂ ಕೆಲವು ಮಾಹಿತಿಗಳು ಸೋರಿಕೆಯಾಗುತ್ತಿದೆ. ನಾನ್ ಎಲ್ಲಿಗೂ ಹೋಗಲ್ಲ ಎಲ್ರನ್ನೂ ಇಲ್ಲಿಗೇ ಕರೆಸ್ತೀನಿ ಎಂಬ ಯಶ್ ಮಾತಿಗೆ ಬದ್ಧರಾಗಿ ನಡೆದುಕೊಂಡೇ ನಮ್ಮದೇ ಸೊಗಡಿನ ಕಥೆಯನ್ನ ಗ್ಲೋಬಲ್ ಮಾಡಲು ಹೊರಟಿದ್ದಾರೆ. ರಾಕಿಯ ಮುಂದಿನ ಹೆಜ್ಜೆ ಯಾವುದು ಇಡೀ ವಿಶ್ವದ ಪ್ರಶ್ನೆ ಇದು. ಅಂಥಹ ಪ್ರಶ್ನೆಗೆ ಇದೇ ಗಣೇಶ ಹಬ್ಬದ ದಿನ (Ganesh Festival)kgf 2 ಶುಭ ಚಾಲನೆ ಸಿಗುತ್ತಾ? ವರ್ಷದಷ್ಟು ಮಾಗಿರುವ ಕುತೂಹಲವನ್ನ ತಣಿಸುತ್ತಾರಾ? ಎಂಬುದನ್ನ ಕಾದುನೋಡಬೇಕಿದೆ.
