ಹೈದರಾಬಾದ್: ಟಾಲಿವುಡ್‍ನ ಖ್ಯಾತ ನಟ ಮೋಹನ್ ಬಾಬು ಅವರ ಪುತ್ರ ವಿಷ್ಣು ಮಂಚು ತಮ್ಮ ನಾಲ್ಕನೇ ಮಗುವಿನ ನಿರೀಕ್ಷೆಯಲ್ಲಿದ್ದು, ಈ ಬಗ್ಗೆ ಅವರೆ ಸಾಮಾಜಿಕ ಜಾಲತಾಣಗಳಲ್ಲಿ ಹೇಳಿಕೊಂಡಿದ್ದಾರೆ.
ನಟ ವಿಷ್ಣು ಮಂಚು ಮತ್ತು ವಿರಾನಿಕ ರೆಡ್ಡಿ ದಂಪತಿ ಮತ್ತೊಂದು ಮಗುವಿಗೆ ನಿರೀಕ್ಷೆಯಲ್ಲಿರುವ ಸಂತಸವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಈ ದಂಪತಿಗೆ ಈಗಾಗಲೇ ಮೂರು ಮಕ್ಕಳಿದ್ದಾರೆ. ಈ ಹಿನ್ನೆಲೆಯಲ್ಲಿ ನೆಟ್ಟಿಗರು ‘ಫ್ಯಾಮಿಲಿ ಪ್ಲಾನಿಂಗ್ ಇಲ್ವಾ’ ಎಂದು ದಂಪತಿಯನ್ನು ಟ್ರೋಲ್ ಮಾಡುತ್ತಿದ್ದಾರೆ.
”ಒಂದು ವಿಶೇಷವಾದ ಸ್ಥಳದಲ್ಲಿ ಸ್ಪೆಷಲ್ ವಿಚಾರವನ್ನು ಹೇಳುತ್ತಿದ್ದೇನೆ. ಇದು ವಿರಾನಿಕ ಅವರ ಹುಟ್ಟೂರಾಗಿದ್ದು, ಇಲ್ಲಿ ನಾವು ಹೇಳುವುದೇನಂದರೆ, ಅರಿ, ವಿವಿ ಮತ್ತು ಅವಿರಾಮ್ ಜೊತೆಗೆ ನಾಲ್ಕನೇ ಏಂಜಲ್ ಬರಲಿದೆ” ಎಂದು ಟ್ವೀಟ್ ಮಾಡಿ ಫೋಟೋ ಹಾಕುವ ಮೂಲಕ ಅಧಿಕೃತವಾಗಿ ವಿಷ್ಣು ತಿಳಿಸಿದ್ದಾರೆ. ವಿಷ್ಣು ಅವರು ಪೋಸ್ಟ್ ಮಾಡಿದ ತಕ್ಷಣ ಅನೇಕರು ಶುಭಕೋರಿ ಕಮೆಂಟ್ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ಫನ್ನಿ ಫನ್ನಿಯಾಗಿ ಕಮೆಂಟ್ ಮಾಡುವ ಮೂಲಕ ಟ್ರೋಲ್ ಮಾಡುತ್ತಿದ್ದಾರೆ.
ನಟ ವಿಷ್ಣು ಮಂಚು ಮತ್ತು ವಿರಾನಿಕ ರೆಡ್ಡಿ 2009ರಲ್ಲಿ ಮದುವೆಯಾಗಿದ್ದರು. ನಂತರ 2011ರಲ್ಲಿ ವಿರಾನಿಕ, ಅರಿಯಾನ ಮತ್ತು ವಿವಿಯಾನ ಎಂಬ ಇಬ್ಬರು ಅವಳಿ ಹೆಣ್ಣು ಮಕ್ಕಳಿಗೆ ಜನ್ಮ ನೀಡಿದ್ದರು. 2018 ರಲ್ಲಿ ಅವಿರಾಮ್ ಎಂಬ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಇವರ ಜೊತೆ ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿರುವುದಾಗಿ ತಮ್ಮ ಸಂತಸವನ್ನು ಟ್ವೀಟ್ ಮಾಡುವ ಮೂಲಕ ಹಂಚಿಕೊಂಡಿದ್ದಾರೆ. ಆದರೆ ನೆಟ್ಟಿಗರು ಈ ಬಗ್ಗೆ ಟ್ರೋಲ್ ಮಾಡುತ್ತಿದ್ದಾರೆ.
A special announcement from a special location. From Vini’s home town and favourite place, we are delighted to announce that Ari, Vivi, and Avram are now going to be joined by a fourth little angel! pic.twitter.com/NIXMEP1GMP
— Vishnu Manchu (@iVishnuManchu) May 2, 2019
