ಸೌತ್ ನಟ ಉನ್ನಿ ಮುಕುಂದನ್ (Unni Mukundan) ಸದ್ಯ ಸಿನಿಮಾಗಿಂತ ಹೆಚ್ಚು ತಮ್ಮ ಖಾಸಗಿ ಬದುಕಿನ ಬಗ್ಗೆ ಸಖತ್ ಸುದ್ದಿಯಾಗುತ್ತಿದ್ದಾರೆ. ಮಲಯಾಳಂ ನಟಿ ಅನುಶ್ರೀ (Anushree) ಜೊತೆ ಉನ್ನಿ ಮುಕುಂದನ್ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಕೆಲ ದಿನಗಳಿಂದ ಸುದ್ದಿ ಹರಿದಾಡಿತ್ತು. ಈ ಬಗ್ಗೆ ಸ್ವತಃ ಉನ್ನಿ ಮುಕುಂದನ್ ಉತ್ತರಿಸಿದ್ದಾರೆ.
ನನ್ನ ಹೆಸರನ್ನು ಆಗಾಗ ಬೇರೆ ನಟಿಯರೊಂದಿಗೆ ಸೇರಿಸಲಾಗುತ್ತದೆ. ವಿಪರ್ಯಾಸವೆಂದರೆ, ಆ ನಟಿಯರೆಲ್ಲಾ ಈಗ ಮದುವೆ ಆಗಿದ್ದಾರೆ. ಹಾಗಾದ್ರೆ ಶೀಘ್ರದಲ್ಲಿಯೇ ಅನುಶ್ರೀ ಕೂಡ ಮದುವೆಯಾಗಬಹುದು ಎಂದು ಟ್ರೋಲಿಗರಿಗೆ ಟಾಂಗ್ ಕೊಟ್ಟಿದ್ದಾರೆ. ಈ ಮೂಲಕ ಅನುಶ್ರೀ ಜೊತೆಗಿನ ಡೇಟಿಂಗ್ ಸುದ್ದಿ ಕೇವಲ ವದಂತಿಯಷ್ಟೇ, ಅದು ನಿಜವಲ್ಲ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. ಇದನ್ನೂ ಓದಿ:ಪ್ರೆಗ್ನೆನ್ಸಿ ಸುದ್ದಿಗೆ ತಕ್ಕ ಉತ್ತರ ಕೊಟ್ಟ ಪರಿಣಿತಿ ಚೋಪ್ರಾ
ಪ್ರತಿ ಎರಡು ತಿಂಗಳಿಗೊಮ್ಮೆ ನನ್ನ ಹೆಸರು ಇತರೆ ನಟಿಯರ ಜೊತೆ ಸೇರಿಕೊಳ್ಳುತ್ತದೆ. ಅನುಶ್ರೀ ಕೂಡ ಆಗಾಗ್ಲೆ ಇಂತಹ ಸುದ್ದಿಗಳನ್ನು ನನಗೆ ಶೇರ್ ಮಾಡುತ್ತಾರೆ. ಈ ರೀತಿಯ ಸುದ್ದಿಗಳಿಂದ ನನ್ನ ವೈಯಕ್ತಿಕ ಬದುಕಿಗೂ ಪರಿಣಾಮ ಬಿರುತ್ತದೆ ಎಂದು ನಟ ಮಾತನಾಡಿದ್ದಾರೆ. ಇದನ್ನೂ ಓದಿ:ಸಾಗರ್ ಪುರಾಣಿಕ್ ನಿರ್ದೇಶನದ ‘ವೆಂಕ್ಯಾ’ ಚಿತ್ರಕ್ಕೆ ಶಿಮ್ಲಾ ಬೆಡಗಿ ರೂಪಾಲಿ ಎಂಟ್ರಿ
ಸದ್ಯ ಉನ್ನಿ ಮುಕುಂದನ್ ‘ಜೈ ಗಣೇಶ್’ ಸಿನಿಮಾ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿದ್ದಾರೆ. ಸದ್ಯದಲ್ಲೇ ಈ ಸಿನಿಮಾ ರಿಲೀಸ್ ಆಗಲಿದೆ.
