ಬಾಲಿವುಡ್ (Bollywood) ನಟ ಟೈಗರ್ ಶ್ರಾಫ್- ದಿಶಾ ಪಟಾನಿ (Disha Patani) ಸಿನಿಮಾಗಾಗಿ ಮತ್ತೆ ಒಂದಾಗಿದ್ದಾರೆ. ಬಿಟೌನ್‌ನಲ್ಲಿ ಕೈ ಕೈ ಹಿಡಿದು ಓಡಾಡಿಕೊಂಡಿದ್ದ ಜೋಡಿ ಕಳೆದ ವರ್ಷ ಬ್ರೇಕಪ್ ಮಾಡಿಕೊಳ್ಳುವ ಮೂಲಕ ಫ್ಯಾನ್ಸ್‌ಗೆ ಶಾಕ್ ಕೊಟ್ಟಿದ್ದರು. ಇದೀಗ ಮತ್ತೆ ಸಿನಿಮಾಗಾಗಿ ಟೈಗರ್ ಶ್ರಾಫ್-ದಿಶಾ ಜೊತೆಯಾಗಿರೋದು ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ.
Advertisement
‘ಭಾಘಿ’ (Baaghi) ಸಿನಿಮಾ ಮೂಲಕ ಜೋಡಿಯಾಗಿ ಟೈಗರ್ ಶ್ರಾಫ್- ದಿಶಾ ಪಟಾನಿ ಕಮಾಲ್ ಮಾಡಿದ್ದರು. ಚಿತ್ರೀಕರಣ ವೇಳೆ ಇಬ್ಬರಿಗೂ ಪ್ರೇಮಾಂಕುರವಾಗಿತ್ತು. ಆದರೆ ಎಂದಿಗೂ ತಮ್ಮ ರಿಲೇಷನ್‌ಶಿಪ್ ಬಗ್ಗೆ ಖಾತ್ರಿಪಡಿಸಿರಲಿಲ್ಲ. ಕಳೆದ ವರ್ಷ ಬ್ರೇಕಪ್ ಮಾಡಿಕೊಳ್ಳುವ ಮೂಲಕ ಮತ್ತೆ ಸುದ್ದಿಯಾಗಿದ್ದರು. ಇದಾದ ಬಳಿಕ ಮತ್ತೆ ಮುನಿಸೆಲ್ಲಾ ಮರೆತು ಸಿನಿಮಾಗಾಗಿ ಒಂದಾಗಿದ್ದಾರೆ. ಸದ್ಯ ‘ಹೀರೋ ನಂ.1’ ಚಿತ್ರ ರದ್ದಾಗಿದೆ ಎಂದವರಿಗೆ ಡೈರೆಕ್ಟರ್ ಬಿಗ್ ಅಪ್‌ಡೇಟ್‌ವೊಂದನ್ನು ನೀಡಿದ್ದಾರೆ.
Advertisement
Advertisement
‘ಹೀರೋ ನಂ.1’ ಚಿತ್ರ ಮಾಡೋದಾಗಿ ಕೆಲ ತಿಂಗಳುಗಳ ಹಿಂದೆ ಅನೌನ್ಸ್ ಮಾಡಿದ್ದರು. ಟೈಗರ್ ಶ್ರಾಫ್(Tiger Shroff)- ದಿಶಾ ಪಟಾನಿ ಜೋಡಿಯಾಗಿ ಕಾಣಿಸಿಕೊಳ್ತಾರೆ ಎಂದು ಅನೌನ್ಸ್ ಆಗಿತ್ತು. ಆ ನಂತರ ಏನು ಅಪ್‌ಡೇಟ್ ಇಲ್ಲದ ಕಾರಣ, ಸಿನಿಮಾ ರದ್ದಾಗಿದೆ ಎಂದು ಸುದ್ದಿ ವೈರಲ್ ಆಯ್ತು. ಇದೀಗ ನಿರ್ದೇಶಕ ಜಗನ್ ಶಕ್ತಿ ಸ್ಪಷ್ಟನೆ ನೀಡಿದ್ದಾರೆ.
Advertisement
ಈ ಸಿನಿಮಾ ರದ್ದಾಗಿಲ್ಲ. ‘ಹೀರೋ ನಂ.1’ (Hero No.1) ಚಿತ್ರ ಇದೇ ಜುಲೈನಿಂದ ಶೂಟಿಂಗ್ ಶುರುವಾಗಲಿದೆ ಎಂದು ತಿಳಿಸಿದ್ದಾರೆ. ಅದಕ್ಕಾಗಿ ಸಕಲ ತಯಾರಿ ಮಾಡಿಕೊಳ್ಳುತ್ತಿರೋದಾಗಿ ನಿರ್ದೇಶಕ ಜಗನ್ ಶಕ್ತಿ (Jagan Shakti) ಮಾಹಿತಿ ನೀಡಿದ್ದಾರೆ. ಇದನ್ನೂ ಓದಿ:ಶೋಲ್ಡರ್ ಲೆಸ್ ಟಾಪ್, ತುಂಡು ಜೀನ್ಸ್‌ನಲ್ಲಿ ‘ಬೃಂದಾವನ’ ನಟಿ- ದಂಗಾದ ಫ್ಯಾನ್ಸ್
ಸದ್ಯ ಈ ಸುದ್ದಿ ಕೇಳಿ ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ. ಟೈಗರ್ ಶ್ರಾಫ್-ದಿಶಾ (Disha Patani) ಸಿನಿಮಾ ಮಾಡಲಿ. ಬ್ರೇಕಪ್ ಆಗಿರುವ ಸಂಬಂಧ ಸರಿ ಹೋಗಲಿ ಎಂದು ಆಶಿಸುತ್ತಿದ್ದಾರೆ.
