ಮದುವೆಯಾದ ಸಂಭ್ರಮದಲ್ಲಿ ಪತ್ನಿ ಕಿಯಾರಾಗೆ ಮುತ್ತಿಟ್ಟ ಸಿದ್ಧಾರ್ಥ್

ಬಾಲಿವುಡ್‌ನ (Bollywood) `ಷೇರ್‌ಷಾ’ ಜೋಡಿ ಹೊಸ ಬಾಳಿಗೆ ಕಾಲಿಟ್ಟಿದ್ದಾರೆ. ಸಾಕಷ್ಟು ಗಾಸಿಪ್‌ ನಡುವೆ ಸಿದ್-ಕಿಯಾರಾ ಸತಿ-ಪತಿಗಳಾಗಿ ದಾಂಪತ್ಯ ಬದುಕಿಗೆ ಕಾಲಿಟ್ಟಿದ್ದಾರೆ. ಸದ್ಯ ತಮ್ಮ ಮದುವೆ (Wedding) ವೀಡಿಯೋ ಮೂಲಕ ಈ ಜೋಡಿ ಸೆನ್ಸೇಷನ್ ಕ್ರಿಯೆಟ್ ಮಾಡಿದ್ದಾರೆ. ಕಿಯಾರಾ ಅಡ್ವಾಣಿ (Kiara Advani) ತುಟಿಗೆ ಸಿದ್ಧಾರ್ಥ್ ಮಲ್ಹೋತ್ರಾ (Siddarth Malhotra) ಮುತ್ತಿಟ್ಟಿರುವ (Kiss) ವೀಡಿಯೋ ಸಖತ್ ಸದ್ದು ಮಾಡ್ತಿದೆ.

ಹಲವು ವರ್ಷಗಳ ಪ್ರೀತಿಗೆ ಮದುವೆಯ ಮೂಲಕ ಅಭಿಮಾನಿಗಳಿಗೆ ಕಿಯಾರಾ ಮತ್ತು ಸಿದ್ ಗುಡ್ ನ್ಯೂಸ್ ಕೊಟ್ಟರು. ಫೆ.7ರಂದು ರಾಜಸ್ಥಾನದಲ್ಲಿ ಅದ್ದೂರಿಯಾಗಿ ಮದುವೆಯಾದರು. ಸಿದ್-ಕಿಯಾರಾ ಮದುವೆಯ ಮುದ್ದಾದ ಫೋಟೋ ನೋಡಿ ಫ್ಯಾನ್ಸ್ ಖುಷಿಪಟ್ಟಿದ್ದರು. ಈಗ ಮದುವೆಯ ರೊಮ್ಯಾಂಟಿಕ್ ವೀಡಿಯೋ ಶೇರ್ ಮಾಡುವ ಮೂಲಕ ಹವಾ ಕ್ರಿಯೆಟ್ ಮಾಡಿದ್ದಾರೆ.‌ ಇದನ್ನೂ ಓದಿ: ಸಾಲು ಸಾಲು ಸಿನಿಮಾಗಳ ನಡುವೆ ಕಾವಿತೊಟ್ಟು ಅಚ್ಚರಿ ಮೂಡಿಸಿದ ಮಿಲ್ಕಿ ಬ್ಯೂಟಿ

View this post on Instagram

A post shared by KIARA (@kiaraaliaadvani)

ವಧು ಕಿಯಾರಾ ಡ್ಯಾನ್ಸ್ ಮಾಡುತ್ತ ಮದುವೆ ಮಂಟಪದತ್ತ ಬರುತ್ತಾರೆ. ಮದುವೆಗೆ ಸಮಯವಾಯಿತು ಎಂದು ಸಿದ್ಧಾರ್ಥ್ ಸನ್ನೆ ಮಾಡುತ್ತಾರೆ. ಬಳಿಕ ಖುಷಿ ಖುಷಿಯಾಗಿ ಹಾರ ಬದಲಾಯಿಸುತ್ತ ಮದುವೆಯಾಗಿದ್ದಾರೆ. ಇಬ್ಬರ ಮೇಲೆ ಹೂವಿನ ಮಳೆ ಸುರಿಯುತ್ತದೆ. ಪತ್ನಿ ಕಿಯಾರಾಗೆ ತುಟಿಗೆ ಮುತ್ತಿಟ್ಟು ರೊಮ್ಯಾಂಟಿಕ್ ಆಗಿ ಸ್ವಾಗತಿಸಿದ್ದಾರೆ. ಈ ಚೆಂದದ ವೀಡಿಯೋ `ಷೇರ್‌ಷಾ’ ಸಿನಿಮಾದ ʻರಾಂಜಾʼ ಹಾಡನ್ನೇ ವೀಡಿಯೋಗೆ ಬಳಕೆ ಮಾಡಲಾಗಿದೆ. ಈ ವೀಡಿಯೋ ಇದೀಗ ನೆಟ್ಟಿಗರ ಗಮನ ಸೆಳೆದಿದೆ.