ಮಿನಿ ಕೂಪರ್‌ನಲ್ಲಿ ಯುವರತ್ನ ಜಾಲಿ ಡ್ರೈವ್ -ವಿಡಿಯೋ ನೋಡಿ

ಬೆಂಗಳೂರು: ಸ್ಟಾರ್ ನಟ-ನಟಿಯರು ಬೈಕ್, ಕಾರ್ ಕ್ರೇಜ್ ಅಂದರೆ ತುಂಬಾ ಇಷ್ಟಪಡುತ್ತಾರೆ. ತಮ್ಮ ಬಿಡುವಿನ ಸಮಯದಲ್ಲಿ ಬೈಕ್ ಅಥವಾ ಕಾರಿನಲ್ಲಿ ಜಾಲಿ ಡ್ರೈವ್ ಹೋಗುತ್ತಾರೆ. ಇದೀಗ ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅವರು ತಮ್ಮ ಯುವರತ್ನ ಸಿನಿಮಾ ತಂಡದ ಜೊತೆ ಜಾಲಿ ಡ್ರೈವ್ ಹೋಗಿದ್ದಾರೆ.

ಪುನೀತ್ ಅವರಿಗೆ ಕಾರ್ ಕ್ರೇಜ್ ತುಂಬಾನೇ ಇದೆ. ಬಿಡುವಿನ ವೇಳೆ ತಮ್ಮ ಸ್ನೇಹಿತರ ಜೊತೆ ಜಾಲಿಯಾಗಿ ಸುತ್ತಾಟ ಮಾಡುತ್ತಾರೆ. ಹಾಗಾಗಿ ಭಾನುವಾರ ರಜೆ ಇದ್ದ ಕಾರಣಕ್ಕೆ ಪ್ರೇಮಿಗಳ ಪಾಲಿಗೆ  ಸ್ವರ್ಗತಾಣ ನಂದಿಬೆಟ್ಟಕ್ಕೆ ಯುವರತ್ನ ಅಂಡ್ ಟೀಮ್ ಭೇಟಿ ನೀಡಿತ್ತು.

ಪುನೀತ್ ಅವರು ತಮ್ಮದೇ ಕಾರಿನಲ್ಲಿ ಫುಲ್ ಜೋಷ್ ಮೂಡಿನಲ್ಲಿ ಡ್ರೈವ್ ಮಾಡಿದ್ದಾರೆ. ಕಾರಿನಲ್ಲಿ ಹೋಗುವ ವಿಡಿಯೋವನ್ನ ರೆಕಾರ್ಡ್ ಮಾಡಿಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಮಿನಿ ಕೂಪರ್ ಕಪ್ಪು ಬಣ್ಣದ ಕಾರನ್ನು ತಾವು ಡ್ರೈವ್ ಮಾಡುತ್ತಿದ್ದು, ಜೊತೆಗೆ ಇಬ್ಬರು ಸ್ನೇಹಿತರೊಂದಿಗೆ ನಂದಿ ನಿಸರ್ಗದ ಸೌಂದರ್ಯವನ್ನ ಎಂಜಾಯ್ ಮಾಡುತ್ತಾ ಜಾಲಿಯಾಲಿ ಡ್ರೈವ್ ಮಾಡಿಕೊಂಡು ಶೂಟಿಂಗ್ ಸ್ಪಾಟ್‍ಗೆ ಹೋಗಿದ್ದಾರೆ.

ಯುವರತ್ನ ತಂಡ ಈಗಾಗಲೇ ಮೈಸೂರು, ಬೆಂಗಳೂರು, ಮಂಗಳೂರು, ಧಾರವಾಡ ಸೇರಿದಂತೆ ಅನೇಕ ಕಡೆಗಳಲ್ಲಿ ಶೂಟಿಂಗ್ ಮುಗಿಸಿದೆ. ಇದೀಗ ಸಿನಿಮಾದ ಮುಖ್ಯವಾದ ದೃಶ್ಯಕ್ಕಾಗಿ ಪ್ರೇಮಿಗಳು ಸ್ವರ್ಗತಾಣ ನಂದಿಬೆಟ್ಟಕ್ಕೆ ಹೋಗಿದ್ದಾರೆ. ನಂದಿ ಬೆಟ್ಟದ ಲೊಕೇಷನ್‍ನಲ್ಲಿ ಕೆಲವು ಸೆಟ್‍ಗಳನ್ನು ನಿರ್ಮಿಸಿ ಚಿತ್ರೀಕರಣ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ಪುನೀತ್ ಕಾಲೇಜ್ ವಿದ್ಯಾರ್ಥಿಯಾಗಿ ಕಾಣಿಸಿಕೊಂಡಿದ್ದಾರೆ. ಮತ್ತೊಂದು ವಿಶೇಷವೆಂದರೆ ನಟ ದಿಗಂತ್ ಇದೇ ಮೊದಲ ಬಾರಿಗೆ ಚಿತ್ರದಲ್ಲಿ ಜಿಲ್ಲಾಧಿಕಾರಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪುನೀರ್ ಅವರಿಗೆ ಜೋಡಿಯಾಗಿ ಸಾಯೇಷಾ ಸೈಗಲ್ ಅಭಿನಯಿಸಿದ್ದಾರೆ.

https://www.instagram.com/p/B0u2AGiC4s2/