ಮುಂಬೈ: ಕಿರುತೆರೆಯ ನಟನೊಬ್ಬನ ಎರಡು ವರ್ಷದ ಮಗು ಪ್ಲಾಸ್ಟಿಕ್ ಆಟಿಕೆಯನ್ನು ನುಂಗಿ ಮೃತಪಟ್ಟಿರುವ ಘಟನೆ ನಗರದಲ್ಲಿ ನಡೆದಿದೆ.
ಕಿರುತೆರೆ ನಟ ಪ್ರತಿಶ್ ವೊರಾ ಅವರ 2 ವರ್ಷದ ಮಗು ಆಟವಾಡುತ್ತಿದ್ದಾಗ ಆಕಸ್ಮಿಕವಾಗಿ ಪ್ಲಾಸ್ಟಿಕ್ ಆಟಿಕೆಯನ್ನು ನುಂಗಿದ ಪರಿಣಾಮ ಮೃತಪಟ್ಟಿದೆ. ಮಗು ಕಳೆದುಕೊಂಡು ಕುಟುಂಬದವರು ತುಂಬ ದುಃಖಿತರಾಗಿದ್ದಾರೆ.
ಈ ಬಗ್ಗೆ ಮಾತನಾಡಿದ ನಟ ಪ್ರತಿಶ್ “ಕಳೆದ ರಾತ್ರಿ ನನ್ನ ಮಗಳು ಪ್ಲಾಸ್ಟಿಕ್ ಗೊಂಬೆಯೊಂದಿಗೆ ಆಟವಾಡುತ್ತಿದ್ದಳು. ಆಗ ಗೊಂಬೆಯ ಚೂರನ್ನು ನುಂಗಿದ್ದಾಳೆ. ಬಾಯಿಯಿಂದ ಗೊಂಬೆಯ ಚೂರನ್ನು ತೆಗೆಯಲಾರದೇ ಮೃತಪಟ್ಟಿದ್ದಾಳೆ. ದಯವಿಟ್ಟು ನನ್ನ ಮಗಳಿಗಾಗಿ ದೇವರನ್ನು ಪ್ರಾರ್ಥಿಸಿ” ಎಂದು ದುಃಖದಲ್ಲಿ ಹೇಳಿದ್ದಾರೆ.
ಮಗುವಿನ ಗಂಟಲಿಗೆ ಪ್ಲಾಸ್ಟಿಕ್ ಸಿಲುಕಿಕೊಂಡ ಪರಿಣಾಮ ಉಸಿರಾಟದ ಸಮಸ್ಯೆಯಿಂದ ಮಗು ಮೃತಪಟ್ಟಿದೆ. ನಟ ಪ್ರತಿಶ್ ವೊರಾ ಅವರು ‘ಪ್ಯಾರ್ ಕೆ ಪಾಪಡ್’ ಎಂಬ ಜನಪ್ರಿಯ ಟಿವಿ ಶೋನಲ್ಲಿ ಅಭಿನಯಿಸುತ್ತಿದ್ದಾರೆ.
https://www.instagram.com/p/BvjalUPHbeJ/