Karnataka

ಚೆನ್ನೈನ ಮನೆಯಲ್ಲಿ ಸಂಭವಿಸಿದ ಬೆಂಕಿ ಅವಘಡದಿಂದ ಪಾರಾದ ನಟ ಕಮಲ್ ಹಾಸನ್

Published

on

ಚೆನ್ನೈನ ಮನೆಯಲ್ಲಿ ಸಂಭವಿಸಿದ ಬೆಂಕಿ ಅವಘಡದಿಂದ ಪಾರಾದ ನಟ ಕಮಲ್ ಹಾಸನ್
Share this

ಚೆನ್ನೈ: ಬಹುಭಾಷಾ ನಟ ಕಮಾಲ್ ಹಾಸನ್ ಮನೆಯಲ್ಲಿ ಅಗ್ನಿ ಅವಘಡ ಸಂಭವಿಸಿದೆ. ಕಳೆದ ರಾತ್ರಿ ಚೈನ್ನೈ ನಗರದ ಆಳ್ವಾರ್‍ಪೇಟ್‍ನಲ್ಲಿರೋ ಕಮಾಲ್ ಹಾಸನ್ ರವರ ಮನೆಯಲ್ಲಿ ದಿಢೀರ್ ಅಗ್ನಿ ಅವಘಡ ಸಂಭವಿಸಿದ್ದು, ಅದೃಷ್ಟವಶಾತ್ ಮನೆಯಲ್ಲಿದ್ದ ಯಾರಿಗೂ ಯಾವುದೇ ಅಪಾಯವಾಗಿಲ್ಲ.

ಘಟನೆಯಿಂದಾಗಿ ಕೆಲ ಪುಸ್ತಕಗಳು ಸುಟ್ಟಿದ್ದು ಹೊರತುಪಡಿಸಿದರೆ ಮನೆಯಲ್ಲಿ ದೊಡ್ಡ ನಷ್ಟವೇನೂ ಆಗಿಲ್ಲ. ಈ ವಿಷಯವನ್ನು ಕಮಲ್ ಹಾಸನ್ ಅವರೇ ಟ್ವಿಟ್ಟರ್‍ನಲ್ಲಿ ಹೇಳಿಕೊಂಡಿದ್ದಾರೆ.

ನನ್ನ ಸಿಬ್ಬಂದಿಗೆ ಧನ್ಯವಾದ. ಮನೆಯಲ್ಲಿ ನಡೆದ ಅಗ್ನಿ ಅವಘಡದಿಂದ ಪಾರಾಗಿದ್ದೇನೆ. ಮನೆ ಹೊಗೆಯಿಂದ ಆವೃತ್ತವಾಗಿತ್ತು. ಶ್ವಾಸಕೋಶದ ತುಂಬಾ ಹೊಗೆ. ನಾನು ಮೂರನೇ ಮಹಡಿಯಿಂದ ಇಳಿದು ಬಂದೆ. ಈಗ ಸುರಕ್ಷಿತವಾಗಿದ್ದೇನೆ. ಯಾರಿಗೂ ಯಾವುದೇ ತೊಂದರೆಯಾಗಿಲ್ಲ. ಗುಡ್ ನೈಟ್ ಎಂದು ಕಮಲ್ ಹಾಸನ್ ಶುಕ್ರವಾರ ರಾತ್ರಿ ಟ್ವೀಟ್ ಮಾಡಿದ್ದರು.

ಅಗ್ನಿ ಅವಘಡದ ಕುರಿತು ಕಮಲ್ ಹಾಸನ್ ಅವರ ಟ್ವೀಟ್ ನೋಡಿ ನೂರಾರು ಅಭಿಮಾನಿಗಳು ಹಾಗೂ ಹಿತೈಷಿಗಳು ಕಮಲ್ ಹಾಸನ್ ಅವರು ಬಚಾವಾಗಿದ್ದಕ್ಕೆ ಕಾಳಜಿಯಿಂದ ಟ್ವೀಟ್‍ಗಳನ್ನ ಮಾಡಿದ್ದಾರೆ. ನಂತರ ಕಮಲ್ ಹಾಸನ್, ನನ್ನ ಮೇಲಿನ ನಿಮ್ಮಲ್ಲರ ಪ್ರೀತಿ, ಕಾಳಜಿಗೆ ಧನ್ಯವಾದ. ಈಗ ನಿದ್ದೆ ಮಾಡಲು ಹೋಗ್ತಾ ಇದ್ದೀನಿ ಎಲ್ಲರಿಗೂ ಶುಭರಾತ್ರಿ’ ಅಂತಾ ಮತ್ತೊಂದು ಟ್ವೀಟ್ ಮಾಡುವ ಮೂಲಕ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *

Advertisement
Advertisement