‌’ಕೆರೆಬೇಟೆʼ ನಾಗನಾಗಿ ಅಬ್ಬರಿಸಿದ ಗೌರಿ ಶಂಕರ್- ಟೀಸರ್‌ಗೆ ಪ್ರೇಕ್ಷಕರ ಮೆಚ್ಚುಗೆ

ಅಪ್ಪಟ ಕನ್ನಡ ಮಣ್ಣಿನ ಕಥೆಯನ್ನು ಹೊತ್ತು ತಂದಿದ್ದಾರೆ ‘ರಾಜಹಂಸ’ (Rajahamsa) ಹೀರೋ ಗೌರಿ ಶಂಕರ್. ‘ಕೆರೆಬೇಟೆ’ (Kerebete) ಚಿತ್ರದ ಮೂಲಕ ಮತ್ತೆ ಮಲೆನಾಡಿನ ಹುಡುಗ ಗೌರಿ ಶಂಕರ್ (Gowrishankar) ಸೌಂಡ್ ಮಾಡುತ್ತಿದ್ದಾರೆ. ರಿಲೀಸ್ ಆಗಿರೋ ‘ಕೆರೆಬೇಟೆ’ ಟೀಸರ್‌ಗೆ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ. ಚಿತ್ರದ ಟೀಸರ್ ಅನ್ನು ಡಾಲಿ, ದಿನಕರ್ ತೂಗುದೀಪ್ ರಿಲೀಸ್ ಮಾಡಿ ಚಿತ್ರತಂಡಕ್ಕೆ ಶುಭಕೋರಿದ್ದಾರೆ.

ವಿಭಿನ್ನ ಕಥೆಯಾಗಿರೋ ‘ಕೆರೆಬೇಟೆ’ ಚಿತ್ರದಲ್ಲಿ ನಾಗನಾಗಿ ಒರಟನ ಪಾತ್ರದಲ್ಲಿ ನಟಿಸಿದ್ದಾರೆ. ಎಲ್ಲಾ ರೀತಿಯ ಶೇಡ್‌ನಲ್ಲಿಯೂ ರಗಡ್ ಆಗಿ ನಟಿಸಿದ್ದಾರೆ. ಕೆರೆಬೇಟೆ ವಿಚಾರಕ್ಕೆ ಬಂದರೆ ನಾಗನ ಮುಂದೆ ಯಾರ ಆಟನೂ ಆಡಲ್ಲ ಎಂಬುದರ ಎಳೆ ಟೀಸರ್‌ನಲ್ಲಿ ತೋರಿಸಲಾಗಿದೆ. ಇದನ್ನೂ ಓದಿ: ಸಂಗೀತಾಗೆ ನಂಬಿಕೆ ದ್ರೋಹ- ಗುರೂಜಿ ಸ್ಫೋಟಕ ಭವಿಷ್ಯ

ಟೀಸರ್‌ನಲ್ಲಿ ಭಯಂಕರವಾಗಿ ಕಾಣಿಸಿಕೊಂಡಿದ್ದಾರೆ. ಹೆಣ್ಣು ಮಕ್ಕಳ ವಿಚಾರದಲ್ಲಿ ಈತನ ಅಟ್ಟಹಾಸ ಜಾಸ್ತಿಯೇ ಇದೆ. ಅಷ್ಟರ ಮಟ್ಟಿಗೆ ಗೌರಿ ಶಂಕರ್ ನಟನೆಯಲ್ಲಿ ಪರಕಾಯ ಪ್ರವೇಶ ಮಾಡಿರೋದು ಕಾಣುತ್ತಿದೆ. ಗೌರಿ ಶಂಕರ್‌ಗೆ ನಾಯಕಿಯಾಗಿ ಬಿಂದು ನಟಿಸಿದ್ದಾರೆ.

ಚಿತ್ರಕಥೆ ಮತ್ತು ನಿರ್ಮಾಣದ ಹೊಣೆಯನ್ನು ಕೂಡ ಗೌರಿಶಂಕರ್ ಹೊತ್ತಿದ್ದಾರೆ. ಒಟ್ನಲ್ಲಿ ವಿಭಿನ್ನ ಕಥೆಗೆ ಕೆರೆಬೇಟೆ ಸಾಕ್ಷಿಯಾಗಿರೋದು ನಿಜ. ಚಿತ್ರದ ಶೂಟಿಂಗ್ ಮುಗಿದಿದ್ದು, ಪೋಸ್ಟ್ ಪ್ರೊಡಕ್ಷನ್ ಹಂತದ ಕೆಲಸಗಳು ನಡೆಯುತ್ತಿದೆ. ಸದ್ಯದಲ್ಲೇ ಚಿತ್ರದ ರಿಲೀಸ್ ಬಗ್ಗೆ ಅಪ್‌ಡೇಟ್ ಸಿಗಲಿದೆ.