ರೋಡಿಗಿಳಿದ ಲ್ಯಾಂಬೋರ್ಗಿನಿ ಕಾರ್ – ದರ್ಶನ್ ಅವರ ಜಾಲಿ ರೈಡ್

Public TV
1 Min Read
DARSHAN CAR copy

ಬೆಂಗಳೂರು: ಸ್ಯಾಂಡಲ್ ವುಡ್ ನಟ ದರ್ಶನ್ ಅವರು ಲ್ಯಾಂಬೋರ್ಗಿನಿ ಕಾರು ಖರೀದಿಸಿದ್ದು, ಈಗ ಈ ಕಾರು ರೋಡಿಗೆ ಇಳಿದು ಸಖತ್ ಸದ್ದು ಮಾಡಿದೆ.

ದರ್ಶನ್ ತಮ್ಮ ಅಚ್ಚುಮೆಚ್ಚಿನ ದುಬಾರಿ ಕಾರಿನಲ್ಲಿ ಜಾಲಿ ರೈಡ್ ಹೋಗಿದ್ದಾರೆ. ಈ ವಿಡಿಯೋವನ್ನು ದರ್ಶನ್ ಅಭಿಮಾನಿಗಳು ಟ್ವಿಟ್ಟರಿನಲ್ಲಿ ಪೋಸ್ಟ್ ಮಾಡಿದ್ದಾರೆ. ದರ್ಶನ್ ಕಾರಿನಲ್ಲಿ ಹೋಗುತ್ತಿದ್ದರೆ ರಸ್ತೆಯಲ್ಲಿದ್ದ ಜನರು ಕಾರನ್ನೇ ನೋಡುತ್ತಾ ಫೋಟೋ, ವಿಡಿಯೋ ಮಾಡಿಕೊಂಡಿದ್ದಾರೆ. ಈ ಲ್ಯಾಂಬೋರ್ಗಿನಿ ಕಾರು ಜನರನ್ನು ಅಷ್ಟು ಆಕರ್ಷಣೆ ಮಾಡಿದೆ. ಇದನ್ನೂ ಓದಿ: ಸ್ಯಾಂಡಲ್ ವುಡ್ ನಲ್ಲಿ ಫಸ್ಟ್ ಟೈಂ ಲ್ಯಾಂಬೋರ್ಗಿನಿಗೆ ಒಡೆಯರಾದ ದರ್ಶನ್: ವಿಡಿಯೋ ನೋಡಿ

ಅಭಿಮಾನಿಗಳು “ಬಾಸ್ ಆಫ್ ಸ್ಯಾಂಡಲ್ ವುಡ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬಾಸ್ ಅವರ ಲ್ಯಾಂಬೋರ್ಗಿನಿ ಕಾರ್ ರಸ್ತೆಯಲ್ಲಿ ಕಂಡ ಕ್ಷಣ ನಡು ರಸ್ತೆಯಲ್ಲಿ ಈ ಯುಗದ ಬಂಗಾರದ ಮನುಷ್ಯನ ಜೊತೆ ಟ್ರಾಫಿಕ್ ಪೊಲೀಸರು ಸೆಲ್ಫಿ ತೆಗೆಸಿಕೊಂಡಿದ್ದಾರೆ” ಎಂದು ಬರೆದು ದರ್ಶನ್ ಅವರ ಜಾಲಿ ರೈಡಿನ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ.

DARSHAN COLLAGE

ದರ್ಶನ್ ಈ ಕಾರನ್ನು ಸಂಕ್ರಾಂತಿ ಹಬ್ಬದ ದಿನದಂದು ಖರೀದಿಸಿದ್ದರು. ಮೈಸೂರಿಗೆ ಹೊಸ ಕಾರಿನಲ್ಲಿ ಆಗಮಿಸಿ ನಂತರ ಚಾಮುಂಡಿ ಬೆಟ್ಟಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿದ್ದರು. ದರ್ಶನ್ ಅವರಿಗೆ ಹೇಳಿ ಕೇಳಿ ಕಾರ್ ಮೇಲೆ ಹೆಚ್ಚು ಪ್ರೀತಿ. ಈಗಾಗಲೇ ದರ್ಶನ್ ಬಳಿ ಜಾಗ್ವಾರ್, ಆಡಿ ಕ್ಯೂ 7, ಬಿಎಂಡಬ್ಲ್ಯು, ರೆಂಜ್ ರೋವರ್ ಕಾರುಗಳ ಕಲೆಕ್ಷನ್ ಇದೆ. ಆದರೆ ಇದೊಂದು ಲ್ಯಾಂಬೋರ್ಗಿನಿ ಕಾರ್ ಮಾತ್ರ ಇರಲಿಲ್ಲ. ಅಷ್ಟಕ್ಕೂ ನ್ಯೂ ಎಡಿಷನ್ ನ ಈ ಲ್ಯಾಂಬೋರ್ಗಿನಿ ಕಾರ್ ಬೆಲೆ ಬರೋಬ್ಬರಿ 5 ಕೋಟಿ ರೂ. ಎನ್ನಲಾಗಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ: www.instagram.com/publictvnews

Share This Article
Leave a Comment

Leave a Reply

Your email address will not be published. Required fields are marked *