ಸ್ಯಾಂಡಲ್‌ವುಡ್ (Sandalwood) ದಾಸ ದರ್ಶನ್ (Darshan) ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಇದರ ನಡುವೆ ಸಾಲು ಸಾಲು ಸಿನಿಮಾಗಳ ಅನೌನ್ಸ್ ಮಾಡುವ ಮೂಲಕ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. 9ಕ್ಕೂ ಹೆಚ್ಚು ಸಿನಿಮಾಗಳು ಇಂದು (ಫೆ.16) ಅನೌನ್ಸ್ ಆಗಿದೆ. ಆ ಸಾಲಿನಲ್ಲಿ ‘ಕರಿಯ’ (Kariya) ಕಾಂಬಿನೇಷನ್ ಜೋಡಿ ಮತ್ತೆ ಒಟ್ಟಾಗಿದ್ದಾರೆ. ಪ್ರೇಮ್ (Director Prem) ಅಡ್ಡಾಗೆ ಎಂಟ್ರಿ ಕೊಟ್ಟಿರೋ ದರ್ಶನ್ ಜೈ ಶ್ರೀರಾಮ್ ಎಂದು ಗದೆ ಎತ್ತಿದ್ದಾರೆ.
ಬರೋಬ್ಬರಿ 11 ವರ್ಷಗಳ ನಂತರ ಡಿಬಾಸ್‌ಗೆ ಮತ್ತೆ ಪ್ರೇಮ್ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ‘ಕರಿಯ’ ಜೋಡಿ ಮತ್ತೆ ಒಂದಾಗಿರೋದು ಸಹಜವಾಗಿ ಫ್ಯಾನ್ಸ್‌ಗೆ ಖುಷಿ ಕೊಟ್ಟಿದೆ. ದರ್ಶನ್ ಹುಟ್ಟುಹಬ್ಬದಂದು (ಫೆ.16) ಈ ಸಿನಿಮಾದ ಮೋಷನ್ ಪೋಸ್ಟರ್ ಅನ್ನು ಚಿತ್ರತಂಡ ರಿಲೀಸ್ ಮಾಡಿದೆ. ದರ್ಶನ್- ಪ್ರೇಮ್ ಕಾಂಬೋ ಸಿನಿಮಾವನ್ನು ಕೆವಿಎನ್ ಸಂಸ್ಥೆ ನಿರ್ಮಾಣ ಮಾಡುತ್ತಿದ್ದಾರೆ. ಇದನ್ನೂ ಓದಿ:ವರುಣ್‌ ಜೊತೆಗಿನ ಬ್ರೇಕಪ್‌ ವೇಳೆ ‘ಬಿಗ್‌ ಬಾಸ್‌’ ಆಫರ್‌ ಸಿಕ್ಕಿದ್ದು ನಿಜನಾ? ವರ್ಷ ಕಾವೇರಿ ಸ್ಪಷ್ಟನೆ
Advertisement
Advertisement
ಚಿತ್ರತಂಡ ರಿಲೀಸ್ ಮಾಡಿರುವ ವಿಡಿಯೋದಲ್ಲಿ ದರ್ಶನ್ ಮಾತ್ರ ಕೇಳುತ್ತಿದೆ. ಚಿತ್ರದ ಟೈಟಲ್ ಆಗಲಿ, ಸಿನಿಮಾ ಕಥೆ ಬಗೆಗಿನ ಸುಳಿವು ಆಗಿರಲಿ ಚಿತ್ರತಂಡ ಬಿಟ್ಟು ಕೊಟ್ಟಿಲ್ಲ. ನನ್ನ ಕೊನೆ ಉಸಿರಿರುವವರೆಗೂ ಈ ಭೂಮಿ ಮೇಲೆ ಒಂದು ಹನಿ ರಕ್ತನೂ ಸೋಕೋದಕ್ಕೆ ನಾನು ಬಿಡಲ್ಲ ಎಂದು ದರ್ಶನ್ ಖಡಕ್ ಡೈಲಾಗ್ ಹೊಡೆದಿದ್ದಾರೆ. ‘ಜೈ ಶ್ರೀರಾಮ್’ ಎಂದು ದರ್ಶನ್ ಗದೆ ಹಿಡಿದು ಬಂದಿದ್ದಾರೆ. ಚಿತ್ರದ ಪೋಸ್ಟರ್ ನೋಡ್ತಿದ್ದಂತೆ ಇದು ಪೌರಣಿಕ ಸಿನಿಮಾನಾ? ಎಂದು ಫ್ಯಾನ್ಸ್‌ ಲೆಕ್ಕಚಾರ ಹಾಕ್ತಿದ್ದಾರೆ.
Advertisement
Advertisement
2003ರಲ್ಲಿ ದರ್ಶನ್‌ಗೆ ಪ್ರೇಮ್ ಕರಿಯ ಚಿತ್ರಕ್ಕಾಗಿ ನಿರ್ದೇಶನ ಮಾಡಿದ್ದರು. ಚೆಂದದ ಲವ್ ಸ್ಟೋರಿ ಜೊತೆ ರೌಡಿಸಂ ಕಥೆಯನ್ನು ನಿರ್ದೇಶಕರು ಸಿನಿಮಾದಲ್ಲಿ ತೋರಿಸಿದ್ದರು. ಅಂದು ಕರಿಯ ಸೂಪರ್ ಹಿಟ್ ಆಗಿತ್ತು. ಅಂದು ಲಾಂಗ್ ಹಿಡಿದ ದರ್ಶನ್ ಇಂದು ಜೈ ಶ್ರೀರಾಮ್ ಎಂದು ಗದೆ ಹಿಡಿದು ಯುದ್ಧಕ್ಕೆ ಸಜ್ಜಾಗಿದ್ದಾರೆ.
View this post on Instagram
‘ಕಾಟೇರ’ ಸಕ್ಸಸ್ ನಂತರ ದರ್ಶನ್‌ಗೆ ಮತ್ತಷ್ಟು ಡಿಮ್ಯಾಂಡ್ ಜಾಸ್ತಿಯಾಗಿದೆ. ಎಂದೂ ಮಾಡಿರದ ಹೊಸ ಬಗೆಯ ಕಥೆಯನ್ನು ದರ್ಶನ್ ಆಯ್ಕೆ ಮಾಡ್ತಿದ್ದಾರೆ. ಮಿಲನ ಖ್ಯಾತಿಯ ಪ್ರಕಾಶ್, ಕಾಟೇರ ನಿರ್ದೇಶಕನ ಜೊತೆ 2 ಸಿನಿಮಾ, ರಮೇಶ್ ಪಿಳ್ಳೈ, ಶೈಲಜಾ ನಾಗ್ ಮತ್ತು ಬಿ.ಸುರೇಶ, ಮೋಹನ್ ನಟರಾಜನ್, ಸೂರಪ್ಪ ಬಾಬು, ಸಚ್ಚಿದಾನಂದ ಇಂಡುವಾಳ, ಕೆ.ಮಂಜುನಾಥ್, ರಘುನಾಥ್ ಸೋಗಿ, ಮಹೇಶ್ ಸುಖಧರೆ, ರಾಘವೇಂದ್ರ ಹೆಗ್ಡೆ ಹೀಗೆ ಸಾಲು ಸಾಲು ನಿರ್ಮಾಪಕರು ದರ್ಶನ್‌ಗಾಗಿ ಸಿನಿಮಾ ಮಾಡಲು ಮುಂದೆ ಬಂದಿದ್ದಾರೆ. ದರ್ಶನ್ ಹುಟ್ಟುಹಬ್ಬದಂದು ಸಿನಿಮಾಗಳನ್ನು ಘೋಷಣೆ ಕೂಡ ಮಾಡಿದ್ದಾರೆ.
ದರ್ಶನ್ ಸಿನಿಮಾಗಳಿಗೆ ಬಂಡವಾಳ ಹಾಕಿದರೆ ಹಣಕ್ಕೆ ಮೋಸವಿಲ್ಲ ಎನ್ನುವ ಮಾತು ಮೊದಲಿನಿಂದಲೂ ಇದೆ. ಕಾಟೇರ ಗೆದ್ದ ನಂತರ ಈ ನಂಬಿಕೆ ಮತ್ತಷ್ಟು ಹೆಚ್ಚಾಗಿದೆ. ಹಾಗಾಗಿ ಸಾಲು ಸಾಲು ಸಿನಿಮಾಗಳು ಘೋಷಣೆ ಆಗಿವೆ. ಯಾವೆಲ್ಲ ಸಿನಿಮಾಗಳು, ಯಾವಾಗೆಲ್ಲ ಬರುತ್ತವೆ ಎನ್ನುವುದು ಕಾದು ನೋಡಬೇಕಿದೆ.
