ಮುಂಬೈ: ಬಾಲಿವುಡ್ ಸ್ಟಾರ್ ಕಪಲ್ ಅಭಿಷೇಕ್ ಬಚ್ಚನ್ ಹಾಗೂ ಐಶ್ವರ್ಯ ರೈ ಬಚ್ಚನ್ ತಮ್ಮ 12ನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಲು ತಮ್ಮ ಮಗಳು ಆರಾಧ್ಯ ಜೊತೆ ಮಾಲ್ಡೀವ್ಸ್ಗೆ ಹೋಗಿದ್ದಾರೆ. ಈ ವೇಳೆ ಅಭಿಷೇಕ್ ಪತ್ನಿ ಐಶ್ವರ್ಯ ಅವರ ಫೋಟೋ ಹಂಚಿಕೊಂಡು ‘ಹನಿ ಹಾಗೂ ಮೂನ್’ ಎಂದು ಬರೆದುಕೊಂಡಿದ್ದಾರೆ.
ಅಭಿಷೇಕ್ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಐಶ್ವರ್ಯ ರೈ ಅವರ ಫೋಟೋ ಹಾಕಿ ಅದಕ್ಕೆ, “ಹನಿ ಹಾಗೂ ಮೂನ್” ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ. ಅಭಿಷೇಕ್ ತಮ್ಮ ಪತ್ನಿ ಐಶ್ವರ್ಯ ಅವರನ್ನು ಹನಿಗೆ ಹೋಲಿಸಿದ್ದಾರೆ. ಪತ್ನಿ ಫೋಟೋ ಜೊತೆಗೆ ಚಂದ್ರನ ಫೋಟೋ ಕೂಡ ಕ್ಲಿಕ್ಕಿಸಿ ಹನಿ ಹಾಗೂ ಮೂನ್ ಎಂದು ಬರೆದುಕೊಂಡಿದ್ದಾರೆ.
ಐಶ್ವರ್ಯ ರೈ ತಮ್ಮ ವಿವಾಹ ವಾರ್ಷಿಕೋತ್ಸವ ದಿನ ತನ್ನ ಪತಿ ಅಭಿಷೇಕ್ ಜೊತೆ ಇರುವ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋಗೆ ಐಶ್ವರ್ಯ “ನಾವಿಬ್ಬರು ಒಟ್ಟಿಗೆ ಇರುವುದನ್ನು ನಮ್ಮ ಮಗಳು ಸೆರೆ ಹಿಡಿದಿದ್ದಾಳೆ. ಲವ್ ಯೂ ಆರಾಧ್ಯ” ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.
View this post on Instagram
❤️Our Togetherness????captured by The Divine Light of Our Lives ????LOVE YOU AARADHYA????????
ಅಭಿಷೇಕ್ ಹಾಗೂ ಐಶ್ವರ್ಯ 2007ರಲ್ಲಿ ಏಪ್ರಿಲ್ 20ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. 2011ರಲ್ಲಿ ಅಭಿಷೇಕ್ ಹಾಗೂ ಐಶ್ವರ್ಯ ಹೆಣ್ಣು ಮಗುವಿಗೆ ತಂದೆ-ತಾಯಿ ಆಗಿದ್ದಾರೆ. ಸದ್ಯ ಈ ಜೋಡಿ ಈಗ ಮಾಲ್ಡೀವ್ಸ್ನಲ್ಲಿ ತಮ್ಮ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಳ್ಳುತ್ತಿದೆ.
