ಕಾಲಿವುಡ್‌ನ ಸ್ಟಾರ್ ನಟ ಧನುಷ್ ಈಗ ಬಾಲಿವುಡ್ ಮತ್ತು ಹಾಲಿವುಡ್‌ನಲ್ಲೂ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದಾರೆ. ಸದ್ಯ ಹಾಲಿವುಡ್‌ನ `ದಿ ಗ್ರೇ ಮ್ಯಾನ್’ ಚಿತ್ರದ ಮೂಲಕ ಸೌಂಡ್ ಮಾಡುತ್ತಿದ್ದಾರೆ. ಈಗ ಆಮೀರ್ ಖಾನ್ ಮನೆಯಲ್ಲಿ ಔತಣ ಕೂಟದಲ್ಲಿ ಧನುಷ್ ಜತೆ ಹಾಲಿವುಡ್ ಚಿತ್ರತಂಡ ಭಾಗವಹಿಸಿದ್ದಾರೆ.
View this post on Instagram
ಧನುಷ್ `ದಿ ಗ್ರೇ ಮ್ಯಾನ್’ ಚಿತ್ರದ ಮೂಲಕ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿದ್ದಾರೆ. ಈ ಚಿತ್ರದ ಪ್ರಿಮೀಯರ್ ಶೋವನ್ನ ಮುಂಬೈನಲ್ಲಿ ಆಯೋಜಿಸಲಾಗಿತ್ತು. ಬಾಲಿವುಡ್ ಸ್ಟಾರ್ ಕಲಾವಿದರಿಗೆ ಆಹ್ವಾನ ನೀಡಿತ್ತು ಚಿತ್ರತಂಡ. ಜತೆಗೆ ಸ್ಟಾರ್ ನಟ ಆಮೀರ್ ಖಾನ್‌ಗೂ ಧನುಷ್ ಟೀಂ ಆಹ್ವಾನ ನೀಡಿತ್ತು. ಆದರೆ `ಲಾಲ್ ಸಿಂಗ್ ಚಡ್ಡಾ’ ಚಿತ್ರದ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಿರುವ ಕಾರಣದಿಂದ ಚಿತ್ರದ ಪ್ರೀಮಿಯರ್‌ಗೆ ಆಮೀರ್ ಗೈರಾಗಿದ್ದರು. ಬಳಿಕ ಆಮೀರ್ ಮನೆಯಲ್ಲಿ ಚಿತ್ರತಂಡಕ್ಕೆ ಔತಣ ಕೂಟಕ್ಕೆ ಆಹ್ವಾನ ನೀಡಿ, ಉಪಚರಿಸಲಾಯಿತು. ಈಗ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಇದನ್ನೂ ಓದಿ:ಟ್ರೋಲ್ ಮಾಡುವವರಿಗೆ ಡೋಂಟ್ ಕೇರ್: ಹೊಸ ಫೋಟೋ ಶೇರ್ ಮಾಡಿ ಟಾಂಗ್ ಕೊಟ್ಟ ಸುಶ್ಮಿತಾ ಸೇನ್
`ದಿ ಗ್ರೇ ಮ್ಯಾನ್’ ಚಿತ್ರದ ನಿರ್ದೇಶಕ ರುಸ್ಸೋ ಬ್ರದರ್ಸ್‌ ಜೊತೆ ಧನುಷ್ ಕೂಡ ಆಮೀರ್ ಖಾನ್ ಮನೆಯಲ್ಲಿ ಹಾಜರಿದ್ದರು.ಜತೆಗೆ ಆಮೀರ್ ಮಾಜಿ ಪತ್ನಿ ಕಿರಣ್ ರಾವ್ ಕೂಡ ಭಾಗಿಯಾಗಿದ್ದರು. ಈ ವೇಳೆ ಗುಜರಾತಿ ಶೈಲಿಯ ಭಿನ್ನ ಅಡುಗೆಯನ್ನ ಮಾಡಿಸಲಾಗಿದ್ದು, ಸೂರತ್‌ನಿಂದ ಪ್ರಸಿದ್ಧ ಬಾಣಿಸಿಗರನ್ನ ಕರೆಸಿ ಗುಜರಾತಿ ಖಾದ್ಯವನ್ನು ಮಾಡಿಸಿದ್ದಾರೆ. ಆಮೀರ್ ಆತಿಥ್ಯ ನೋಡಿ ಚಿತ್ರತಂಡ ಕೂಡ ಖುಷಿಪಟ್ಟಿದ್ದಾರೆ. ಸದ್ಯ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
Live Tv
[brid partner=56869869 player=32851 video=960834 autoplay=true]
