Connect with us

Latest

ದೇಶದ ಸಾವಿರಾರು ರೈತರಿಂದ ಇಂದು ದೆಹಲಿಯಲ್ಲಿ `ಕಿಸಾನ್ ಮುಕ್ತಿ ಸಂಸತ್’

Published

on

ನವದೆಹಲಿ: ಈಗಾಗಲೇ ಸಂಸತ್ತಿನ ಚಳಿಗಾಲದ ಅಧಿವೇಶನ ಆರಂಭವಾಗಬೇಕಿತ್ತು. ಕೇಂದ್ರ ಸರ್ಕಾರ ಈ ಬಗ್ಗೆ ಚಕಾರ ಎತ್ತಿಲ್ಲ. ಆದರೆ ಇದೀಗ ಸಂಸತ್ತಿನ ಬದಲು ದೆಹಲಿಯ ರಸ್ತೆಯಲ್ಲಿ ಚಳಿಗಾಲದ ಅಧಿವೇಶನ ನಡೆಯಲಿದೆ.

ದೇಶದ ಸಾವಿರಾರು ರೈತರು ಇಂದು ದೆಹಲಿಯ ಸಂಸತ್ ಮಾರ್ಗದಲ್ಲಿ `ಕಿಸಾನ್ ಮುಕ್ತಿ ಸಂಸತ್’ ನಡೆಸುತ್ತಿದ್ದಾರೆ. ಈ ಸಂಸತ್ತಿನಲ್ಲಿ ಸಾಲ ಮನ್ನಾ, ಬೆಳೆಗಳಿಗೆ ಬೆಂಬಲ ಬೆಲೆ ಸೇರಿದಂತೆ ರೈತರ ಸರ್ವಾಂಗೀಣ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಎರಡು ಮಸೂದೆಗಳನ್ನು ಅಂಗೀಕರಿಸಲಿದ್ದಾರೆ. ಬಳಿಕ ಸಂಸತ್ ಚಳಿಗಾಲದ ಅಧಿವೇಶನದಲ್ಲಿ ಅವುಗಳನ್ನು ಅಂಗೀಕರಿಸುವಂತೆ ಕೇಂದ್ರ ಸರ್ಕಾರಕ್ಕೆ ಕಳುಹಿಸಲಿದ್ದಾರೆ.

ಇದಕ್ಕಾಗಿ 170ಕ್ಕೂ ಹೆಚ್ಚು ರೈತ ಪರ ಸಂಘಟನೆಗಳು ಸೇರಿ `ಅಖಿಲ ಭಾರತ್ ಕಿಸಾನ್ ಸಂಘರ್ಷ ಸಮಿತಿ’ ರಚಿಸಿಕೊಂಡಿದ್ದು, ಕಳೆದ ಒಂದು ತಿಂಗಳಿನಿಂದ ದೇಶದೆಲ್ಲೆಡೆ ಕಿಸಾನ್ ಮುಕ್ತಿ ಯಾತ್ರೆ ನಡೆಸಿದ್ದರು. ಇವರ ಈ ಯಾತ್ರೆ ಸದ್ಯ ದೆಹಲಿ ತಲುಪಿದ್ದು, ಇಂದು ಬೃಹತ್ ಸಮಾವೇಶ ನಡೆಸುತ್ತಿದ್ದಾರೆ.

ರೈತರ ಪ್ರಮುಖ ಬೇಡಿಕೆಗಳೇನು..?
* ಕೃಷಿಕರ ಎಲ್ಲಾ ರೀತಿ ಸಾಲವನ್ನೂ ಬಡ್ಡಿ ಸಮೇತ ಮನ್ನಾ ಮಾಡಬೇಕು
* ಬೇಸಾಯದ ವೆಚ್ಚದ ಒಂದೂವರೆ ಪಟ್ಟು ದರವನ್ನು ಬೆಂಬಲ ಬೆಲೆಯಾಗಿ ನಿಗದಿ ಮಾಡಬೇಕು
* ನ್ಯಾಯಯುತ ಬೆಂಬಲ ಬೆಲೆ ನಿಗದಿಗಾಗಿ ಎಂ.ಎಸ್ ಸ್ವಾಮಿನಾಥನ್ ವರದಿ ಜಾರಿ ಮಾಡಬೇಕು
* ಸರ್ಕಾರಿ ನೌಕರರಿಗೆ ಪಿಂಚಣಿ ನೀಡುವಂತೆ ರೈತರಿಗೂ ಮಾಸಿಕ 5000ರೂ. ಪಿಂಚಣಿ ಸೌಲಭ್ಯ ಕಲ್ಪಿಸಬೇಕು

Click to comment

Leave a Reply

Your email address will not be published. Required fields are marked *