ಒಂದೇ ಕಾಲಿದ್ರೂ ಕೊಹ್ಲಿಯಂತೆ ಬ್ಯಾಟ್ ಬೀಸ್ತಾರೆ ಈ ಕ್ರಿಕೆಟಿಗ- ವಿಡಿಯೋ ನೋಡಿ

ಶ್ರೀನಗರ: ಕ್ರಿಕೆಟ್ ಎಲ್ಲಾ ಯುವಕರು ಇಷ್ಟಪಡುವ ಆಟ. ಎಲ್ಲರೂ ತಮ್ಮದೇ ಶೈಲಿಯಲ್ಲಿ ಬ್ಯಾಟಿಂಗ್ ಮಾಡುತ್ತಾರೆ. ಇನ್ನು ಕೆಲವರು ತಾವು ಬ್ಯಾಟಿಂಗ್ ಮಾಡುವ ವಿಶಿಷ್ಟ ಶೈಲಿಯಿಂದ ಅಭಿಮಾನಿಗಳಿಂದ ಮೆಚ್ಚುಗೆಯನ್ನು ಪಡೆದುಕೊಂಡಿದ್ದಕ್ಕೆ ನಮ್ಮ ಮುಂದೆ ಸಾಕಷ್ಟು ಉದಾಹರಣೆಗಳಿವೆ.

ಕೊಹ್ಲಿ ತಮ್ಮ ಆಕರ್ಷಕ ಹೊಡೆತಗಳ ಮೂಲಕ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಈಗ ನಾವು ಹೇಳಲು ಹೊರಟಿರುವ ಕಾಶ್ಮೀರಿ ಕ್ರಿಕೆಟ್ ಪಟು ಕೇವಲ ಒಂದೇ ಕಾಲನ್ನು ಹೊಂದಿದ್ದರೂ ಆಕರ್ಷಕ ಹೊಡೆತಗಳ ಮೂಲಕ ಸಿಕ್ಸ್, ಫೋರ್ ಬಾರಿಸುತ್ತಾರೆ.

ಎಲ್ಲರೂ ಈ ಕ್ರಿಕೆಟಿಗನನ್ನು ಕೈಫ್ ಎಂದು ಕರೆಯುತ್ತಾರೆ. ಈ ಹೊಸ ಕಾಶ್ಮೀರಿ ಕ್ರಿಕೆಟಿಗ ಬ್ಯಾಟ್ ಬೀಸುವ ವಿಡಿಯೋವನ್ನು `Whole About Kashmir’ ಎಂಬ ಟ್ವಿಟರ್ ಪೇಜಿನಲ್ಲಿ ಅಪ್ಲೋಡ್ ಮಾಡಲಾಗಿದ್ದು, ಈಗ ವೈರಲ್ ಆಗಿದೆ. ಈ ಕ್ರಿಕೆಟಿಗ ಇತರರಿಗೆ ಸ್ಫೂರ್ತಿ, ನಿಮಗೆ ಸಲ್ಯೂಟ್ ಎಂದು ಟ್ವೀಟ್ ಮಾಡಿದ್ದಾರೆ. ವಿಡಿಯೋ ನೋಡಿದವರು ಕ್ರಿಕೆಟಿಗನ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

Wow…what an inspiration this cricketer is…… salute to you… Allah Bless you.. @JKSportsCouncil @parawahid @imranrezaansari pic.twitter.com/E5AzdCF92B

— All About Kashmir (@wakashmir) November 26, 2017