ರೋಮ್: ಕಳೆದ ಕೆಲವು ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸದ್ದು ಮಾಡಿದ್ದ 85 ಲಕ್ಷ ರೂ. ಮೌಲ್ಯದ ಬಾಳೆಹಣ್ಣನ್ನು ಅಮೆರಿಕದ ಕಲಾವಿದ ತಿಂದು ಹಾಕಿದ್ದಾರೆ.
ಇಟಲಿಯ ಕಲಾವಿದ ಮೌರಿಜಿಯೊ ಕ್ಯಾಟೆಲನ್ ಅವರು ಯಾವುದೇ ಚಿತ್ರಗಳಿಲ್ಲದ, ಬರಹಗಳಿಲ್ಲದ ಗೋಡೆಯ ಮೇಲೆ ಟೇಪಿನಿಂದ ಅಂಟಿಸಿದ್ದರು. ಈ ಕಲಾಕೃತಿಯನ್ನು ಕ್ಯಾಟೆಲನ್ ಅವರು ಮಿಯಾಮಿ ಬೀಚ್‍ನ ‘ಆರ್ಟ್ ಬೇಸೆಲ್’ನಲ್ಲಿ ಪ್ರದರ್ಶನಕ್ಕೆ ಇಟ್ಟಿದ್ದರು. ಇದನ್ನು ಫಾನ್ಸ್ ನ ವ್ಯಕ್ತಿಯೊಬ್ಬರು 85 ಲಕ್ಷ ರೂ. (1.2 ಲಕ್ಷ ಡಾಲರ್) ನೀಡಿ ಖರೀಸಿದ್ದರು. ಆದರೆ ಪ್ರದರ್ಶನ ನೋಡಲು ಬಂದಿದ್ದ ಅಮೆರಿಕದ ಕಲಾವಿದ ಡೇವಿಡ್ ಡಾಟೂನಾ ಅದನ್ನು ತಿಂದು ಹಾಕಿದ್ದಾರೆ.
https://www.instagram.com/p/B5yJTV4Bka3/?utm_source=ig_embed
ಪ್ರದರ್ಶನದಲ್ಲಿ ಡೇವಿಡ್ ಡಾಟೂನಾ 85 ಲಕ್ಷ ರೂ. ಮೌಲ್ಯದ ಬಾಳೆಹಣ್ಣು ತಿನ್ನುತ್ತಿರುವ ದೃಶ್ಯವನ್ನು ಅನೇಕರು ತಮ್ಮ ಮೊಬೈಲ್ ಹಾಗೂ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ. ಈ ವಿಡಿಯೋವನ್ನು ಸ್ವತಃ ಡೇವಿಡ್ ಡಾಟೂನಾ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ, ಹಂಗ್ರಿ ಆರ್ಟಿಸ್ಟ್, ನನ್ನಿಂದ ಕಲಾ ಪ್ರದರ್ಶನ ನಡೆಯಿತು. ನಾನು ಮೌರಿಜಿಯೊ ಕ್ಯಾಟೆಲನ್ ಕಲಾಕೃತಿಗಳನ್ನು ಪ್ರೀತಿಸುತ್ತೇನೆ ಹಾಗೂ ಬಾಳೆಹಣ್ಣು ಕಲಾಕೃತಿಯನ್ನು ನಿಜವಾಗಿಯೂ ಪ್ರೀತಿಸುತ್ತೇನೆ. ಇದು ತುಂಬಾ ರುಚಿಕರವಾಗಿದೆ ಎಂದು ಬರೆದುಕೊಂಡಿದ್ದಾರೆ.
ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಕಲಾ ಪ್ರದರ್ಶನ ಗ್ಯಾಲರಿಯ ನಿರ್ದೇಶಕ ಲೂಸಿಯನ್ ಟೆರ್ರಾಸ್, ಮೌರಿಜಿಯೊ ಕ್ಯಾಟೆಲನ್ ಅವರ ಬಾಳೆಹಣ್ಣು ಕಲಾಕೃತಿ ಪ್ರದರ್ಶದ ಆಕರ್ಷನೀಯ ವಸ್ತುವಾಗಿತ್ತು. ಆದರೆ ಡೇವಿಡ್ ಡಾಟೂನಾ ಅದನ್ನು ತಿಂದು ಹಾಕಿದ್ದಾರೆ. ಈ ವಿಚಾರ ಗಮನಕ್ಕೆ ಬರುತ್ತಿದ್ದಂತೆ 15 ನಿಮಿಷದಲ್ಲಿ ಬೇರೆ ಬಾಳೆಹಣ್ಣನ್ನು ಆ ಜಾಗದಲ್ಲಿ ಅಂಟಿಸಲಾಗಿದೆ ಎಂದು ತಿಳಿಸಿದ್ದಾರೆ.
a guy at Art Basel pulled the banana worth $120k off the wall and ATE IT!!!! here’s him being escorted out pic.twitter.com/w6Z7mHHSGC
— isa ????❤️????✨ (@isaaacarrasco) December 7, 2019
ಇಟಲಿಯ ಕಲಾವಿದ ಮೌರಿಜಿಯಾ ಕ್ಯಾಟೆಲನ್ ಈ ಹಿಂದೆ 18 ಕ್ಯಾರೆಟ್‍ಗಳ ಚಿನ್ನದಿಂದ ಕಮೋಡ್ ತಯಾರಿಸಿದ್ದರು. ಈ ಶೌಚಾಲಯದ ಕಮೋಡ್ ಮೌಲ್ಯವು 12.78 ಕೋಟಿ ರೂ. (1.8 ದಶಲಕ್ಷ ಡಾಲರ್) ಆಗಿತ್ತು. ಇದಕ್ಕೆ ಅಮೆರಿಕ ಎಂದು ಹೆಸರು ಇಡಲಾಗಿತ್ತು. ಈ ಕಮೋಡ್ ಅನ್ನು ಇದೇ ವರ್ಷ ಸೆಪ್ಟೆಂಬರ್ ತಿಂಗಳಿನಲ್ಲಿ ಬ್ರಿಟನ್‍ನ ಬ್ಲೆನ್‍ಹೈಮ್ ಅರಮನೆಯಲ್ಲಿ ಪ್ರದರ್ಶನಕ್ಕೆ ಇಡಲಾಗಿತ್ತು. ಆದರೆ ಇದನ್ನು ಕಳ್ಳರು ಎಗರಿಸಿದ್ದು, ವಿಶ್ವಕ್ಕೆ ಅಚ್ಚರಿ ಮೂಡಿಸಿತ್ತು.
