ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಬಾಟಲ್ ಕ್ಯಾಪ್ ಚಾಲೆಂಜ್ ಸದ್ದು ಮಾಡುತ್ತಿದೆ. ಹಲವು ಕಲಾವಿದರು ಈ ಚಾಲೆಂಜ್ ಸ್ವೀಕರಿಸಿ ವಿಭಿನ್ನವಾಗಿ ಪ್ರಯತ್ನಿಸುತ್ತಿದ್ದಾರೆ. ಈಗ ಮಿಲಿಟರಿ ಟ್ಯಾಂಕ್ ಮೂಲಕ ಬಾಟಲ್ ಕ್ಯಾಪ್ ಚಾಲೆಂಜ್ ಮಾಡಿದ್ದು, ಈ ವಿಡಿಯೋ ಈಗ ವೈರಲ್ ಆಗುತ್ತಿದೆ.
ಭಾರತೀಯ ಮಿಲಿಟರಿ ಬ್ರ್ಯಾಟ್ಸ್ ತಮ್ಮ ಫೇಸ್ಬುಕ್ ಪೇಜ್ನಲ್ಲಿ ವಿಭಿನ್ನವಾಗಿ ಬಾಟಲ್ ಕ್ಯಾಪ್ ಚಾಲೆಂಜ್ ಸ್ವೀಕರಿಸಿದ ವಿಡಿಯೋವನ್ನು ಪೋಸ್ಟ್ ಮಾಡಿದೆ. ಈ ವಿಡಿಯೋದಲ್ಲಿ ಫಿರಂಗಿಯ ಮೂಲಕ ಬಾಟಲ್ ಕ್ಯಾಪನ್ನು ತೆರೆದಿದೆ.
ಈ ವಿಡಿಯೋವನ್ನು ಹಾಕಿ ಅದಕ್ಕೆ, “ನಮ್ಮ ಸೇನೆಯಲ್ಲಿ ನಾವು ಇದೇ ರೀತಿ ಮಾಡುತ್ತೇವೆ” ಎಂದು ಬರೆದು ಪೋಸ್ಟ್ ಮಾಡಿಕೊಂಡಿದೆ. ಈ ವಿಡಿಯೋ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ 4 ಗಂಟೆಯಲ್ಲಿ 18 ಸಾವಿರಕ್ಕೂ ಹೆಚ್ಚು ವ್ಯೂ ಪಡೆದಿದೆ.
ಭಾರತ ಸೇನೆ ಅಲ್ಲದೆ ಅಮೆರಿಕದ ಸೇನೆ ಕೂಡ ಬಾಟಲ್ ಕ್ಯಾಪ್ ಚಾಲೆಂಜ್ ಅನ್ನು ವಿಭಿನ್ನವಾಗಿ ಸ್ವೀಕರಿಸಿದೆ. ಅಮೆರಿಕದ ಸೇನಾ ಸಿಬ್ಬಂದಿಯೊಬ್ಬರು ರೈಫಲ್ ನಿಂದ ಶೂಟ್ ಮಾಡಿ ಬಾಟಲಿಯ ಕ್ಯಾಪ್ ತೆಗೆದಿದ್ದಾರೆ. ಈ ವಿಡಿಯೋ ಕೂಡ ಈಗ ವೈರಲ್ ಆಗುತ್ತಿದೆ.
