ನವದೆಹಲಿ: ಲೋಕಸಭಾ ಚುನಾವಣೆ ಘೋಷಣೆ ಆದ ಬಳಿಕ ಮೋದಿ ಪರ ಅಭಿಮಾನಿಗಳು ವಿವಿಧ ರೀತಿಯಲ್ಲಿ ಪ್ರಚಾರ ನಡೆಸುತ್ತಿದ್ದು, ಇತ್ತೀಚೆಗೆ ಮದುವೆ ಅಮಂತ್ರಣದಲ್ಲಿ ಮೋದಿ ಚಿತ್ರ ಹಾಕಿ ಮತ್ತೊಮ್ಮೆ ಮೋದಿ ಎಂದಿದ್ದರು. ಸದ್ಯ ಬಿಂದಿ ಪ್ಯಾಕೆಟ್ ಮೇಲೆ ಮೋದಿ ಭಾವಚಿತ್ರವಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಪಾರಸ್ ಕಂಪೆನಿ ತನ್ನ ಬಿಂದಿ ಉತ್ಪನ್ನದ ಪ್ಯಾಕೆಟ್ ಮೇಲೆ ಮೋದಿ ಅವರ ಫೋಟೋ ಇದ್ದು, ‘ಫಿರ್ ಸೆ ಮೋದಿ ಸರ್ಕಾರ್’ ಎಂಬ ಘೋಷಣೆಯೊಂದಿಗೆ ಕಮಲದ ಚಿಹ್ನೆಯನ್ನು ನೀಡಿದೆ.
So the Paytm brand ambassador is now the face of Paras Fancy Bindi too. #ModiHaiTohMumkinHai pic.twitter.com/NLsu3FjKV7
— Md Salim (@salimdotcomrade) March 28, 2019
ಈ ಫೋಟೋವನ್ನ ಪಶ್ಚಿಮ ಬಂಗಾಳದ ಎಂಪಿ ಮೊಹಮ್ಮದ್ ಸಲೀಮ್ ಎಂಬವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಫೋಟೋ ಸಮೇತ ಟ್ವೀಟ್ ಮಾಡಿದ್ದಾರೆ. ಹಿಂದೆ ಮೋದಿ ಪೇಟಿಎಂ ಬ್ರಾಂಡ್ ಅಂಬಾಸಿಡರ್ ಆಗಿದ್ದರು. ಈಗ ಪಾರಸ್ ಫ್ಯಾನ್ಸಿ ಅಂಬಾಸಿಡರ್ ಆಗಿದ್ದಾರೆ ಎಂದು ವ್ಯಂಗ್ಯ ಮಾಡಿದ್ದಾರೆ.
ಇತ್ತ ಟ್ವಿಟ್ಟಗರು ಕೂಡ ಮೊಹಮ್ಮದ್ ಅವರ ಟ್ವೀಟ್‍ಗೆ ಪ್ರತಿಕ್ರಿಯೆ ನೀಡಿದ್ದು, ಕೆಲ ಮಂದಿ ಮೊಹಮ್ಮದ್ ಸಲೀಮ್ ಪರ ವಾದ ಮಾಡಿದ್ದರೆ, ಕೆಲವರು ಮೋದಿ ಪರ ಅಭಿಪ್ರಾಯ ಮಂಡಿಸಿ ಮರು ಟ್ವೀಟ್ ಮಾಡಿದ್ದಾರೆ.
