ಬೆಂಗಳೂರು: ಪೊಲೀಸರು `6ನೇ ಮೈಲಿ’ ಸಿನಿಮಾ ನೋಡಬೇಕು ಎಂದು ಬೆಂಗಳೂರು ನಗರ ಅಪರ ಪೊಲೀಸ್ ಆಯುಕ್ತ ಎಂ.ನಂಜುಂಡಸ್ವಾಮಿ ಸುತ್ತೋಲೆ ಹೊರಡಿಸಿದ್ದಾರೆ.
ನಗರದ ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ವಿಶೇಷವಾಗಿ ಪೊಲೀಸರಿಗೆ 6ನೇ ಮೈಲಿ ಸಿನಿಮಾ ಪ್ರದರ್ಶನ ಆಯೋಜಿಸಲಾಗಿದೆ. ಚಿತ್ರವು ಸರಣಿ ಕೊಲೆ ಭೇದಿಸುವ ಕಥೆಯನ್ನು ಹೊಂದಿದೆ. ಅತ್ಯಾಧುನಿಕ ತಂತ್ರಾಜ್ಞಾನ ಬಳಸಿಕೊಂಡು ಪ್ರಕರಣ ಭೇದಿಸುವ ಸಿನಿಮಾ ಇದಾಗಿದ್ದು, ಪ್ರತಿ ವಿಭಾಗದಿಂದ 5 ಪೊಲೀಸ್ ಅಧಿಕಾರಿಗಳನ್ನು ಸಿನಿಮಾ ನೋಡಲು ಕಳುಹಿಸಿಕೊಡುವಂತೆ ಎಂ.ನಂಡುಂಡಸ್ವಾಮಿ ಸೂಚನೆ ನೀಡಿದ್ದಾರೆ.
ಸದ್ಯ ಪೊಲೀಸರಿಗಾಗಿಯೇ ಚಾಮರಾಜಪೇಟೆಯಲ್ಲಿ ವಿಶೇಷ ಪ್ರದರ್ಶನ ಮಂಗಳವಾರ ಸಂಜೆ 7 ಗಂಟೆಗೆ ಸಿನಿಮಾ ಪ್ರದರ್ಶನ ಆರಂಭವಾಗಿದೆ.
ಸುತ್ತೋಲೆಯಲ್ಲಿ ಏನಿದೆ?
6ನೇ ಮೈಲಿ ಸಿನಿಮಾದ ನಿರ್ಮಾಪಕರು ಪೊಲೀಸ್ ಅಧಿಕಾರಿಗಳಿಗೆ ಗೌರವ ಸೂಚಕವಾಗಿ ವಿಶೇಷ ಪ್ರದರ್ಶನವನ್ನು ಬುಧವಾರ ಸಂಜೆ 7 ಗಂಟೆಗೆ ಕರ್ನಾಟಕ ಚಲನಚಿತ್ರ ಕಲಾವಿದರ ಸಂಘದಲ್ಲಿ ಆಯೋಜಿಸಿದ್ದಾರೆ. ಹೀಗಾಗಿ ಸಿನಿಮಾ ವೀಕ್ಷಣೆಗೆ ಪ್ರತಿ ವಿಭಾಗದ ಐದು ಜನ ಪೊಲೀಸ್ ಅಧಿಕಾರಿಗಳನ್ನು ಹಾಗೂ ಬಿಡುವು ಇರುವವರನ್ನು ಕಳುಹಿಸಿಕೊಡಬೇಕು ಎಂದು ಎಂ.ನಂಜುಂಡಸ್ವಾಮಿ ಸುತ್ತೋಲೆಯಲ್ಲಿ ತಿಳಿಸಿದ್ದರು.
