ತಿರುವನಂತಪುರ: ಓರು ಆಡಾರ್ ಲವ್ ಸಿನಿಮಾದಲ್ಲಿ ನಟಿಸುತ್ತಿರುವ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಕೇವಲ ತಮ್ಮ ಒಂದು ಕಣ್ಸನ್ನೆಯ ಮೂಲಕವೇ ನ್ಯಾಶನಲ್ ಕ್ರಷ್ ಆಗಿದ್ದರು. ಆ ಒಂದು ಝಲಕ್ ಮೂಲಕವೇ ದೇಶಾದ್ಯಂತ ಮನೆ ಮಾತಾಗಿರುವ ಪ್ರಿಯಾ ಸಹನಟ ರೋಶನ್ ಅಬ್ದುಲ್ ರವೂಫ್ ಜೊತೆಗಿನ ಮತ್ತೊಂದು ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ.
ಪ್ರಿಯಾ ಮತ್ತು ರೋಶನ್ ಇಬ್ಬರ ಕೆಮಿಸ್ಟ್ರಿಯ ಎರಡು ವಿಡಿಯೋಗಳು ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ನಡುವೆ ಪ್ರಿಯಾ ಮತ್ತು ರೋಶನ್ ಇಬ್ಬರು ಸೆಲ್ಫಿ ವಿಡಿಯೋ ಮಾಡಿದ್ದಾರೆ.
ಕಪ್ಪು ಬಣ್ಣದ ಸ್ಕರ್ಟ್ ಮತ್ತು ಬಿಳಿ ಬಣ್ಣದ ಟಾಪ್ ತೊಟ್ಟು ಮುದ್ದು ಮುದ್ದಾಗಿ ಕಾಣುತ್ತಿರುವ ಪ್ರಿಯಾರನ್ನು ವಿಡಿಯೋದಲ್ಲಿ ನೋಡಬಹುದು. ಇತ್ತ ರೋಶನ್ ಕೂಡ ಬ್ಲ್ಯಾಕ್ ಆ್ಯಂಡ ಬ್ಲ್ಯಾಕ್ ನಲ್ಲಿ ಮಿಂಚಿದ್ದಾರೆ. ಈ ವಿಡಿಯೋದಲ್ಲಿ ಇಬ್ರೂ ಸಿನಿಮಾದ ಟ್ರೇಲರ್ ನಲ್ಲಿ ಇದ್ದಂತೆ ವೇಗವಾಗಿ ಹುಬ್ಬುಗಳ ಮೇಲಿಂದ ಕೆಳಕ್ಕೆ ಮಾಡಿದ್ದಾರೆ. ಓರು ಆಡಾರ್ ಲವ್ ಟ್ರೇಲರ್ ಕೇವಲ ಒಂದು ಕಣ್ಸನ್ನೆಯ ಮಾಡಿದ್ದ ಜೋಡಿ ಈಗ ಅದೇ ಶೈಲಿಯಲ್ಲಿ ವೇಗವಾಗಿ ಮಾಡಿದ್ದಾರೆ.
ಕ್ಯಾಂಪಸ್ ಕ್ಯೂಟ್ ಲವ್ ಸ್ಟೋರಿಯನ್ನು ಹೊಂದಿರುವ ಓರು ಆಡಾರ್ ಲವ್ ಜೂನ್ 14ರಂದು ತೆರೆಕಾಣಲಿದೆ. ಇನ್ನು ಪ್ರಿಯಾ ಪ್ರಕಾಶ್‍ಗೆ ಬಾಲಿವುಡ್ ನಿಂದ ಆಫರ್‍ಗಳು ಬರುತ್ತಿವೆ ಅಂತಾ ಹೇಳಲಾಗುತ್ತಿದೆ.
https://twitter.com/priyapvarrier/status/984625817081724929
