ಇನ್ನು ಮುಂದೆ @OfficeOfRGಯಲ್ಲಿ ರಾಹುಲ್ ಗಾಂಧಿ ಸಿಗಲ್ಲ!

ನವದೆಹಲಿ: ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್ ಶನಿವಾರ ಬೆಳಗ್ಗೆ ಬದಲಾಗಿದೆ. ಕಾಂಗ್ರೆಸ್ ಪಕ್ಷದ 84ನೇ ಪೂರ್ಣಾಧಿವೇಶನದ ಸಂದರ್ಭದಲ್ಲೇ ಹೊಸ ಟ್ವಿಟ್ಟರ್ ಹ್ಯಾಂಡಲ್‍ನಲ್ಲಿ ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದಾರೆ.

ನನ್ನ ಟ್ವಿಟ್ಟರ್ ಹ್ಯಾಂಡಲ್ ಇವತ್ತು ಬೆಳಿಗ್ಗೆ 9 ಗಂಟೆಯಿಂದ @RahulGandhi ಆಗಿ ಬದಲಾಗಿದೆ. @OfficeOfRG ಟ್ವಿಟ್ಟರ್ ಖಾತೆಯನ್ನು ಸ್ಥಗಿತಗೊಳಿಸಲಾಗಿದೆ. ನಿಮ್ಮ ಪ್ರತಿಕ್ರಿಯೆ ಹಾಗೂ ಅಭಿಪ್ರಾಯಗಳನ್ನು ಎದುರು ನೋಡುತ್ತಿದ್ದೇನೆ. ಟ್ವಿಟ್ಟರ್ ಮತ್ತು ಇತರ ತಾಣಗಳಲ್ಲಿ ನನ್ನ ಮಾತುಕತೆ ಮುಂದುವರಿಯಲಿದೆ ಎಂದು ಟ್ವೀಟ್ ಮಾಡಿದ್ದಾರೆ.

2015ರ ಮೇ 8 ರಂದು ಟ್ವಿಟ್ಟರ್ ಗೆ ಎಂಟ್ರಿ ಕೊಟ್ಟಿದ್ದ ರಾಹುಲ್ ಗಾಂಧಿ ಶನಿವಾರದವರೆಗೆ 3,631 ಟ್ವೀಟ್ ಮಾಡಿದ್ದು, 94 ಮಂದಿಯನ್ನು ಫಾಲೋ ಮಾಡುತ್ತಿದ್ದಾರೆ. ರಾಹುಲ್ ಖಾತೆಯನ್ನು 62 ಲಕ್ಷ ಮಂದಿ ಫಾಲೋ ಮಾಡುತ್ತಿದ್ದಾರೆ.

For those of you who missed it, my Twitter handle has changed from 9 am this morning to @RahulGandhi

The @OfficeOfRG account has been discontinued.

I look forward to your feedback and comments and to continuing my dialogue with you via Twitter and other platforms.

— Rahul Gandhi (@RahulGandhi) March 17, 2018