ಜೈಪುರ್: ಮದುವೆ ಸಮಾರಂಭದಲ್ಲಿ ಖ್ಯಾತ ಬಾಲಿವುಡ್ ಸಿನಿಮಾ ದಿಲ್‍ವಾಲೆ ದುಲ್ಹನಿಯಾ ಲೇ ಜಾಯೇಂಗೆ ಯ “ತೇರಿ ಬಾಹೋ ಮೇ ಮರ್ ಜಾಯೇ ಹಮ್…” ಹಾಡಿಗೆ ಡ್ಯಾನ್ಸ್ ಮಾಡುತ್ತಲೇ ವ್ಯಕ್ತಿ ಸಾವನ್ನಪ್ಪಿದ ಘಟನೆ ರಾಜಸ್ಥಾನದ ಬಾಡ್‍ಮೇರ್ ಜಿಲ್ಲೆಯ ಜಸೋಲ್‍ನಲ್ಲಿ ನಡೆದಿದೆ.
ವಿಜಯ್ ದೇದಿಯಾ ಮೃತ ದುದೈವಿ. ವಿಜಯ್ ತನ್ನ ಪತ್ನಿ ಜೊತೆ ವೇದಿಕೆ ಮೇಲೆ ಡಿಡಿಎಲ್‍ಜೆಯ ಸೂಪರ್ ಹಿಟ್ ಹಾಡಿಗೆ ಕುಣಿಯುತ್ತಿದ್ದರು. ತೇರಿ ಬಾಹೋ ಮೇ ಮರ್ ಜಾಯೇ ಹಮ್ ಸಾಲು ಬರುತ್ತಿದ್ದಂತೆ ವಿಜಯ್ ಕುಸಿದು ಬಿದ್ದಿದ್ದಾರೆ.
ವಿಜಯ್ ಡ್ಯಾನ್ಸ್ ಮಾಡುವಾಗ ಅವರಿಗೆ ಹೃದಯ ಸ್ತಂಭನವಾಗಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ವಿಜಯ್ ಬಿದ್ದಿದ್ದನ್ನು ಗಮನಿಸಿದ ಪತ್ನಿ ಇದು ಒಂದು ಡ್ಯಾನ್ಸ್ ನ ಭಾಗವೆಂದು ತಿಳಿದುಕೊಂಡು ಒಬ್ಬರೇ ಕುಣಿಯುತ್ತಿದ್ದರು. ಆಗ ಅಲ್ಲಿದ್ದ ಜನರು ನಗಲಾರಂಭಿಸಿದ್ದರು.
ನಂತರ ಪತ್ನಿ ತನ್ನ ಪತಿಯನ್ನು ಕರೆದಾಗ ವಿಜಯ್ ಯಾವುದೇ ಪ್ರತಿಕ್ರಿಯೇ ನೀಡಲಿಲ್ಲ. ನಂತರ ವಿಜಯ್‍ನನ್ನು ಮೇಲೆತ್ತಲು ಹೋದಾಗಲೂ ಅವರು ಏಳಲಿಲ್ಲ. ಆ ವೇಳೆ ವಿಜಯ್ ಗೆ ಹೃದಯಸ್ತಂಭನವಾಗಿದೆ ಎಂಬುದು ಎಲ್ಲರಿಗೂ ಗೊತ್ತಾಗಿದೆ.
ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ನೋಡುಗರನ್ನು ದಂಗುಬಡಿಸುವಂತೆ ಮಾಡಿದೆ. ಹಾಡಿನಲ್ಲಿ ಬರುವ ತೇರಿ ಬಾಹೋ ಮೇ ಮರ್ ಜಾಯೇ ಹಮ್ (ನಿನ್ನ ತೋಳುಗಳಲ್ಲೇ ನಾನು ಜೀವಬಿಡ್ತೀನಿ) ಸಾಲಿನಂತೆಯೇ ಕಾಕತಾಳಿಯವಾಗಿ ವಿಜಯ್ ಸಾವನ್ನಪ್ಪಿದಾರೆ.
https://www.youtube.com/watch?v=VJGcAaLfloc
