ಬೆಂಗಳೂರು: ಭಾರತೀಯ ಸೇನಾ ಯೋಧರ ತಂಡವೊಂದು ಒಂದೇ ಬೈಕ್ನಲ್ಲಿ 58 ಮಂದಿ ಪ್ರಯಾಣಿಸುವ ಮೂಲಕ ನೂತನ ವಿಶ್ವದಾಖಲೆಯನ್ನು ಸೃಷ್ಟಿಸಿದ್ದಾರೆ.
ಆರ್ಮಿ ಸರ್ವಿಸ್ ಕಾಪ್ರ್ಸ್ (ಎಎಸ್ಸಿ) ಟೋರ್ನೆಡೊ ಹೆಸರಿನ ಬೈಕ್ ತಂಡವೊಂದು 500 ಸಿಸಿ ರಾಯಲ್ ಎನ್ಫೀಲ್ಡ್ ಮೋಟಾರ್ ಬೈಕ್ನಲ್ಲಿ 58 ಯೋಧರು ಯಲಹಂಕದ ವಾಯು ಪಡೆ ನಿಲ್ದಾಣದಲ್ಲಿ ಸುಮಾರು 1.2 ಕಿ.ಮೀ ದೂರವನ್ನು ಪ್ರಯಾಣಿಸಿದ್ದಾರೆ. ಯೋಧರ ತಂಡವು ಬೈಕ್ನಲ್ಲಿ ಪ್ರಯಾಣಿಸುವಾಗ ತ್ರಿವರ್ಣ ಧ್ವಜದ ಬಟ್ಟೆಗಳನ್ನು ಧರಿಸಿದ್ದರು. ಈ ತಂಡದ ಚಾಲಕ ಸುಬೇದರ್ ರಾಮ್ಪಾಲ್ ಯಾದವ್ ಅವರು ತುಂಬಾ ಸಾಹಸಿಯಾಗಿ ಬೈಕ್ ಚಲಾಯಿಸಿದ್ದಾರೆ ಎಂದು ರಕ್ಷಣಾ ಇಲಾಖೆಯು ತಿಳಿಸಿದೆ.
ಮೇಜರ್ ಬನ್ನಿಶರ್ಮಾ ನೇತೃತ್ವದಲ್ಲಿ 150 ಜನರ ತಂಡ ಸತತವಾಗಿ 10 ತಿಂಗಳುಗಳ ಕಾಲ ತರಬೇತಿ ನಡೆಸಿತ್ತು. ಈ ಬೈಕ್ ಸುಮಾರು 3.5 ಟನ್ ತೂಕವನ್ನು ಹೊತ್ತೊಯ್ಯುವ ಸಾಮಥ್ರ್ಯವನ್ನು ಹೊಂದಿದೆ. ಈ ಎಲ್ಲಾ ಸಾಹಸ ದೃಶ್ಯವನ್ನು ಎಎಸ್ಸಿ ಸೆಂಟರ್ ಮತ್ತು ಕಾಲೇಜಿನ ಕಮಾಂಡೆಂಟ್ ವಿಪಾನ್ ಗುಪ್ತಾ, ದಕ್ಷಿಣದ ತರಬೇತಿ ಕೇಂದ್ರದ ಬ್ರಿಗೇಡಿಯರ್ ಅಶೋಕ್ ಚೌಧರಿ, ಸೇನೆಯ ಹಿರಿಯ ಅಧಿಕಾರಿಗಳು, ಭಾರತೀಯ ವಾಯುಪಡೆ ಅಧಿಕಾರಿಗಳು ಮತ್ತು ಇತರ ಶ್ರೇಯಾಂಕ ಸದಸ್ಯರು ವೀಕ್ಷಿಸಿದ್ದಾರೆ.
ಮೊದಲಿಗೆ 60 ಜನ ರಾಯಲ್ ಎನ್ಫೀಲ್ಡ್ 500ಸಿಸಿ ಬೈಕ್ ಏರಿ ಟ್ರಯಲ್ ಮಾಡಿದ್ದರು. ಆದರೆ ರೆಕಾರ್ಡ್ ಸೃಷ್ಟಿಸಲು ಮುಂದಾದಾಗ ಎರಡು ಬಾರಿ ಆಯತಪ್ಪಿ ಬಿದ್ದಿದ್ದರು. ಈ ವೇಳೆ ಕೆಲ ಯೋಧರು ಗಾಯಗೊಂಡಿದ್ದಾರೆ. ಆದರೂ ಯೋಧರು ಇದಕ್ಕೆ ಅಂಜದೆ, 58 ಮಂದಿ ಒಟ್ಟಾಗಿ ಸಂಚರಿಸಿ ದಾಖಲೆಯನ್ನು ಸೃಷ್ಟಿಸಿದ್ದಾರೆ.
ಮೂರು ದಶಕಗಳಲ್ಲಿ ವಿಶ್ವದಾದ್ಯಂತ 1000 ಪ್ರದರ್ಶನಗಳನ್ನು ನೀಡಿರುವ ಎಎಸ್ಸಿ ತಂಡವು 19 ವಿಶ್ವದಾಖಲೆಯನ್ನು ಹೊಂದಿದೆ. ಮೊದಲು 1990 ರಲ್ಲಿ 26 ಯೋಧರು ಸಂಚರಿಸಿ ಮೊದಲ ದಾಖಲೆಯನ್ನು ಮಾಡಿದ್ದರು. ನಂತರ 2010 ರಲ್ಲಿ 56 ಯೋಧರು ಒಂದೇ ಬೈಕ್ ನಲ್ಲಿ ಸಂಚರಿಸಿ ವಿಶ್ವದಾಖಲೆ ಸೃಷ್ಟಿಸಿದ್ದರು. ಈಗ 58 ಯೋಧರು ಪ್ರಯಾಣಿಸಿ ನೂತನ ದಾಖಲೆ ಮಾಡಿದ್ದಾರೆ.
