ಹಾಸನ: ಜನನ ಸಂದರ್ಭದಲ್ಲಿ ಅತ್ಯಂತ ತೂಕ ಹೊಂದಿರುವ ಮಗು ಹೆಗ್ಗಳಿಕೆ ಹೊಂದಿದ್ದ ಮಗು ಇಂದು ಪಬ್ಲಿಕ್ ಟಿವಿಯ ಬೆಳಕು ಕಾರ್ಯಕ್ರಮ ಬಂದಿದೆ. ಸದ್ಯ ಒಂದು ವರ್ಷ ಎರಡು ತಿಂಗಳು ತುಂಬಿರುವ ಮಗು ಬರೋಬ್ಬರಿ 24 ಕೆಜಿ ತೂಕವನ್ನು ಹೊಂದಿದೆ. ಆದ್ರೆ ಪೋಷಕರಿಗೆ ಮಾತ್ರ ಮಗುವಿನ ಅಸಹಜ ತೂಕ ಗಾಬರಿ ತರಿಸಿದೆ.
ಮೂಲತಃ ಹಾಸನ ಜಿಲ್ಲೆಯ ಅರುಣ್ ಕುಮಾರ್ ಮತ್ತು ನಂದಿನಿ ದಂಪತಿಯ ಮುದ್ದಾದ ಮಗು ಸುಖಿ. ಅಹಜ ತೂಕದಿಂದ ಎಲ್ಲರ ಗಮನ ಸೆಳೆದಿದ್ದಾಳೆ. ಜನನವಾದ ಸಂದರ್ಭದಲ್ಲಿಯೇ ಸುಖಿ ತೂಕ 7.25 ಕೆಜಿ ತೂಕವಿತ್ತು. ಮಗುವಿಗೆ ಈಗ ಒಂದು ವರ್ಷ ತುಂಬಿದೆ. ಈಗಾಗಲೇ ಸುಖಿ ತೂಕ 24 ಕೆಜಿ ಆಗಿದೆ.
- Advertisement 2-
- Advertisement 3-
ಸಹಜ ಮಕ್ಕಳಂತೆಯೇ ಆಹಾರ ತಿನ್ನುವ ಸುಖಿ ಆರೋಗ್ಯವಾಗಿದ್ದಾಳೆ. ಮಗುವನ್ನು ಪ್ರೀತಿಯಿಂದ ಸಾಕುತ್ತಿರುವ ಅರುಣ್ ದಂಪತಿಗೆ ಈಗ ಈ ತೂಕದ ಕುರಿತು ಒಂದು ಚಿಂತೆಯಾಗಿದೆ. ಅಸಹಜ ತೂಕಕ್ಕೆ ಕಾರಣ ಏನೂ ಅಂತಲೂ ತಿಳಿದಿಲ್ಲ. ಆದ್ರೆ ಮುಂದೇನು ಎನ್ನುವ ಸಹಜವಾದ ಸಂದೇಹ ಪೋಷಕರಲ್ಲಿ ಮನೆ ಮಾಡಿದೆ.
- Advertisement 4-
ಎಲ್ಲಾ ಅಪ್ಪಾ ಅಮ್ಮಂದಿರಂತೆ ಅರುಣ್ ಮತ್ತು ನಂದಿನಿ ಮಗುವನ್ನು ಮುದ್ದುಮುದ್ದಾಗಿ ಸಾಕುತಿದ್ದಾರೆ. ಆದ್ರೆ ಅಸಹಜ ತೂಕ ಮುಂದಕ್ಕೇನಾದ್ರು ತೊಂದರೆ ಆಗಬಹುದಾ ಎನ್ನುವ ಸಣ್ಣ ಸಂಶಯವಿದೆ. ಹಾಸನ ಮೂಲದ ಅರುಣ್ ದಂಪತಿ ಈಗ ವಾಸ ಇರೋದು ಬಳ್ಳಾರಿಯಲ್ಲಿ ತಮ್ಮ ಚಿಕ್ಕಪ್ಪನ ಬೇಕರಿಯಲ್ಲಿ ಕೆಲಸ ಮಾಡುವ ಅರುಣ್ ಸದ್ಯ ತಮ್ಮ ಸಂಸಾರ ಸಾಗಿಸಲು ಆಗುವಷ್ಟು ದುಡಿಯುತ್ತಿದ್ದಾರೆ.
https://www.youtube.com/watch?v=wS-RjE18O1Q
ತಮ್ಮ ಮಗುವಿನ ಈ ಅಸಹಜ ತೂಕಕ್ಕೆ ಏನಾದ್ರು ಚಿಕಿತ್ಸೆಯ ಅಗತ್ಯ ಇದಿಯಾ, ಎನೂ ತೊಂದ್ರೆ ಆಗೋಲ್ವ ಅಥವಾ ಮುಂದೆ ಸರಿಯಾಗಬಹುದಾ? ಎನ್ನುವ ಕುರಿತು ಸಹಜ ಪ್ರಶ್ನೆಗಳು ಅವರನ್ನು ಕಾಡುತ್ತಿವೆ. ಮಗುವಿಗೆ ಚಿಕಿತ್ಸೆ ಮಾಡಿಸಲೇಬೇಕಾದ್ರೆ ನಮಗೆ ಯಾರಾದ್ರೂ ಉಚಿತವಾಗಿ ಚಿಕಿತ್ಸೆಗೆ ಸಹಾಯ ಮಾಡಿ ಎಂದು ಮುಗ್ಧತೆಯಿಂದ ಕೇಳಿಕೊಂಡಿದ್ದು, ದಂಪತಿಗೆ ಸಹಾನೂಭೂತಿಯ ಅವಶ್ಯಕತೆ ಇದೆ.
