ಮುಂಬೈ: ಟೆಸ್ಲಾ (Tesla) ತನ್ನ ಮೊದಲ ಇನ್-ಮಾಲ್ ಚಾರ್ಜಿಂಗ್ ಸ್ಟೇಷನ್ ಅನ್ನು ನವಿ ಮುಂಬೈನ (Navi Mumbai) ನೆಕ್ಸಸ್ ಸೀವುಡ್ಸ್ ಮಾಲ್ನಲ್ಲಿ ಉದ್ಘಾಟಿಸಿದೆ.
ಹೊಸ ಸೌಲಭ್ಯವು ಟೆಸ್ಲಾ ಮಾಲೀಕರಿಗೆ ಎಂಟು ಚಾರ್ಜಿಂಗ್ ಪಾಯಿಂಟ್ಗಳನ್ನು ಕಲ್ಪಿಸಿದೆ. ಇದರಲ್ಲಿ ನಾಲ್ಕು V4 ಸೂಪರ್ಚಾರ್ಜರ್ಗಳು ಮತ್ತು ನಾಲ್ಕು ಡೆಸ್ಟಿನೇಷನ್ ಚಾರ್ಜರ್ಗಳು ಸೇರಿವೆ. ಇದನ್ನೂ ಓದಿ: Electric Car Market| ಫಸ್ಟ್ ಟೈಂ ಎಂಜಿ ಹಿಂದಿಕ್ಕಿದ ಮಹೀಂದ್ರಾ – ಟಾಟಾ ಮೋಟಾರ್ಸ್ಗೆ ಅಗ್ರಸ್ಥಾನ
ನೆಕ್ಸಸ್ ಸೀವುಡ್ಸ್ನ B1 ಪಾರ್ಕಿಂಗ್ ಪ್ರದೇಶದಲ್ಲಿ ಚಾರ್ಜಿಂಗ್ ಪಾಯಿಂಟ್ ಇದೆ. 250 kW ವರೆಗಿನ ಗರಿಷ್ಠ DC ವೇಗದ ಚಾರ್ಜಿಂಗ್ ವೇಗವನ್ನು ತಲುಪಿಸುವ ಸಾಮರ್ಥ್ಯವಿರುವ ನಾಲ್ಕು V4 ಸೂಪರ್ಚಾರ್ಜರ್ಗಳನ್ನು ಹೊಂದಿದೆ. ಇವುಗಳ ಜೊತೆಗೆ, 11 kW ಔಟ್ಪುಟ್ನೊಂದಿಗೆ ನಾಲ್ಕು AC ಡೆಸ್ಟಿನೇಶನ್ ಚಾರ್ಜರ್ಗಳನ್ನು ಸಹ ಸ್ಥಾಪಿಸಲಾಗಿದೆ. ಗ್ರಾಹಕರಿಗೆ ಅವರ ಅಗತ್ಯತೆ ಮತ್ತು ಸಮಯವನ್ನು ಅವಲಂಬಿಸಿ ಬಹು ಚಾರ್ಜಿಂಗ್ ಆಯ್ಕೆಗಳನ್ನು ನೀಡುತ್ತದೆ.
ಗ್ರಾಹಕರು ಸ್ವಾಭಾವಿಕವಾಗಿ ಸಮಯ ಕಳೆಯುವ ಶಾಪಿಂಗ್ ಮಾಲ್ಗಳು, ಹೆದ್ದಾರಿ ನಿಲ್ದಾಣಗಳು ಮತ್ತು ಫುಡ್ ಕೋರ್ಟ್ಗಳಂತಹ ಸ್ಥಳಗಳಲ್ಲಿ ಚಾರ್ಜಿಂಗ್ ಪಾಯಿಂಟ್ಗಳನ್ನು ವಿಸ್ತರಿಸುವ ಗುರಿ ಹೊಂದಲಾಗಿದೆ ಎಂದು ಟೆಸ್ಲಾ ಹೇಳಿದೆ. ಗುರುಗ್ರಾಮ್, ದೆಹಲಿ ಮತ್ತು ಮುಂಬೈನಲ್ಲಿ ಚಾರ್ಜಿಂಗ್ ಕೇಂದ್ರಗಳನ್ನು ಯಶಸ್ವಿಯಾಗಿ ಪರಿಚಯಿಸಿದ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ.
V4 ಸೂಪರ್ಚಾರ್ಜರ್ಗಳಿಂದ ಕೇವಲ 15 ನಿಮಿಷ ಚಾರ್ಜ್ ಮಾಡಿದರೆ, ಟೆಸ್ಲಾ ಮಾಡೆಲ್ Y 275 ಕಿಮೀ ಸಂಚರಿಸಬಹುದು. ನವಿ ಮುಂಬೈ ಮತ್ತು ಪುಣೆ ನಡುವಿನ ಆರಾಮದಾಯಕ ರೌಂಡ್ ಟ್ರಿಪ್ಗೆ ಇದು ಸಾಕು ಎಂದು ಟೆಸ್ಲಾ ಹೈಲೈಟ್ ಮಾಡಿದೆ. ಇದನ್ನೂ ಓದಿ: Explainer| ಭಾರತದಲ್ಲಿ ಮತ್ತೆ F1 ರೇಸ್? 3 ವರ್ಷ ನಡೆದ ಬಳಿಕ ಸ್ಥಗಿತಗೊಂಡಿದ್ದು ಯಾಕೆ?
ಅಪ್ಲಿಕೇಶನ್ ಮೂಲಕ ಮಾಲೀಕರು ಚಾರ್ಜಿಂಗ್ ಸೈಟ್ ಅನ್ನು ಪತ್ತೆ ಮಾಡಬಹುದು. ನೈಜ-ಸಮಯದ ಸ್ಟಾಲ್ ಲಭ್ಯತೆಯನ್ನು ಪರಿಶೀಲಿಸಬಹುದು. ಅತ್ಯುತ್ತಮ ಚಾರ್ಜಿಂಗ್ ಕಾರ್ಯಕ್ಷಮತೆಗಾಗಿ ಬ್ಯಾಟರಿಯನ್ನು ಪೂರ್ವಭಾವಿಯಾಗಿ ಹೊಂದಿಸಬಹುದು. ದೂರದಿಂದಲೇ ಚಾರ್ಜಿಂಗ್ ಅನ್ನು ಮೇಲ್ವಿಚಾರಣೆ ಮಾಡಬಹುದು. ಚಾರ್ಜಿಂಗ್ ಪೂರ್ಣವಾದಾಗ ಸಿಗ್ನಲ್ ಪಡೆಯುವಂತೆ ಸೆಟ್ ಮಾಡಿಕೊಳ್ಳಬಹುದು.
