ಕೊಲಂಬೋ: ಕೊನೆಯಲ್ಲಿ ರೆಹಾನ್ ಅಹ್ಮದ್ (Rehan Ahmed ) ಮತ್ತು ವಿಲ್ ಜಾಕ್ಸ್ (Will Jacks) ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಸೂಪರ್ 8 ಪಂದ್ಯದಲ್ಲಿ ನ್ಯೂಜಿಲೆಂಡ್(New Zealand) ವಿರುದ್ಧ ಇಂಗ್ಲೆಂಡ್(England) 4 ವಿಕೆಟ್ಗಳ ರೋಚಕ ಜಯ ಸಾಧಿಸಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್ 7 ವಿಕೆಟ್ಗೆ 159 ರನ್ ಗಳಿಸಿತು. ಈ ಮೊತ್ತವನ್ನು ಬೆನ್ನಟ್ಟಿದ ಇಂಗ್ಲೆಂಡ್ ಇನ್ನೂ 3 ಎಸೆತ ಬಾಕಿ ಇರುವಂತೆಯೇ 6 ವಿಕೆಟ್ ನಷ್ಟಕ್ಕೆ 161 ರನ್ ಗಳಿಸಿ ಜಯ ಸಾಧಿಸಿದೆ.
ಮೂರು ಪಂದ್ಯಗಳನ್ನು ಗೆಲ್ಲುವ ಮೂಲಕ ಇಂಗ್ಲೆಂಡ್ ಗ್ರೂಪ್ ಎರಡರಲ್ಲಿ 6 ಅಂಕ ಸಂಪಾದಿಸಿ ಅಗ್ರಸ್ಥಾನದೊಂದಿಗೆ ಸೆಮಿಫೈನಲ್ ಪ್ರವೇಶಿಸಿದೆ. ಈ ಪಂದ್ಯವನ್ನು ಸೋತಿದ್ದರೂ ನ್ಯೂಜಿಲೆಂಡ್ ಸೆಮಿ ಆಸೆ ಇನ್ನೂ ಜೀವಂತವಾಗಿದೆ.
ಶ್ರೀಲಂಕಾ ವಿರುದ್ಧ ನಡೆಯಲಿರುವ ಪಂದ್ಯದಲ್ಲಿ ಪಾಕ್ ಭಾರೀ ಅಂತರದಿಂದ ಗೆದ್ದರಷ್ಟೇ ಸೆಮಿ ಫೈನಲ್ ಪ್ರವೇಶಲಿದೆ. ಇಲ್ಲದಿದ್ದರೆ ನ್ಯೂಜಿಲೆಂಡ್ ಸೆಮಿಗೆ ಅರ್ಹತೆ ಪಡೆಯಲಿದೆ.
Comeback against New Zealand ✅
Unbeaten in the Super 8 stage ✅
All eyes on Sri Lanka vs Pakistan – the decider for the second semi-final spot 🇳🇿 🇵🇰🔥
Up next: ICC Men’s #T20WorldCup 2026 👉 SUPER 8 | #SLvPAK | SAT, 28th FEB, 6 PM pic.twitter.com/SXrr8Ilg1n
— Star Sports (@StarSportsIndia) February 27, 2026
ಕೊನೆಯ 18 ಎಸೆತಗಳಲ್ಲಿ ಇಂಗ್ಲೆಂಡಿಗೆ 43 ರನ್ ಬೇಕಿದ್ದಾಗ ಪಂದ್ಯ ನ್ಯೂಜಿಲೆಂಡ್ ಪರವೇ ಇತ್ತು. ಆದರೆ ಫಿಲಿಪ್ಸ್ ಎಸೆದ 18ನೇ ಓವರ್ನಲ್ಲಿ 22 ರನ್ ಬಂದಾಗ ಪಂದ್ಯ ನ್ಯೂಜಿಲೆಂಡ್ನಿಂದ ಜಾರಲು ಆರಂಭವಾಯಿತು. ನಾಯಕ ಸ್ಯಾಟ್ನರ್ ಎಸೆದ 19ನೇ ಓವರ್ನಲ್ಲಿ 16 ರನ್ ಬಂದಾಗ ಇಂಗ್ಲೆಂಡ್ ಗೆಲುವು ಖಚಿತವಾಯಿತು. ಕೊನೆಯ ಓವರ್ನಲ್ಲಿ 5 ರನ್ ಬೇಕಿತ್ತು. ಮೊದಲ ಎರಡು ಎಸೆತಗಳಲ್ಲಿ ಸಿಂಗಲ್ ರನ್ ಬಂದರೆ ಮೂರನೇ ಎಸೆತದಲ್ಲಿ ಕೀಪರ್ ಹಿಂದೆ ಬೌಂಡರಿ ಹೋದ ಕಾರಣ ಇಂಗ್ಲೆಂಡ್ ರೋಚಕವಾಗಿ ಪಂದ್ಯವನ್ನು ಗೆದ್ದುಕೊಂಡಿತು.
ವಿಲ್ ಜಾಕ್ಸ್ ಮತ್ತು ರೆಹಾನ್ ಅಹ್ಮದ್ ಮುರಿಯದ 7ನೇ ವಿಕೆಟಿಗೆ 16 ಎಸೆತಗಳಲ್ಲಿ 44 ರನ್ ಚಚ್ಚಿದ್ದರು. ವಿಲ್ ಜಾಕ್ಸ್ 32 ರನ್(18 ಎಸೆತ, 4 ಬೌಂಡರಿ, 1 ಸಿಕ್ಸ್), ರೆಹಾನ್ ಅಹ್ಮದ್ 19 ರನ್(7 ಎಸೆತ, 1 ಬೌಂಡರಿ, 2 ಸಿಕ್ಸ್) ಸಿಡಿಸಿ ಪಂದ್ಯವನ್ನು ಗೆಲ್ಲಿಸಿಕೊಟ್ಟರು. ಉಳಿದಂತೆ ಇಂಗ್ಲೆಂಡ್ ಪರವಾಗಿ ಟಾಮ್ ಬ್ಯಾಂಟನ್ 33 ರನ್, ಸ್ಯಾಮ್ ಕರ್ರನ್ 24 ರನ್, ನಾಯಕ ಹ್ಯಾರಿ ಬ್ರೂಕ್ 26 ರನ್ ಹೊಡೆದರು.
ನ್ಯೂಜಿಲೆಂಡ್ ಪರವಾಗಿ ಗ್ಲೇನ್ ಫಿಲಿಪ್ಸ್ 39 ರನ್, ಟಿಮ್ ಸೀಫರ್ಟ್35 ರನ್, ಫಿನ್ ಅಲೆನ್ 29 ರನ್ ಹೊಡೆದರು. ಕೊನೆಯ 30 ಎಸೆತಗಳಲ್ಲಿ ನ್ಯೂಜಿಲೆಂಡ್ ಕೇವಲ 34 ರನ್ ಹೊಡೆದಿದ್ದು ಮುಳುವಾಯಿತು.
UNBELIEVABLE! 🤯
England are two down, but the skipper is playing a different game altogether. 🔥
ICC Men’s #T20WorldCup, SUPER 8, #ENGvNZ | LIVE NOW ➡️ https://t.co/ueqfaabxcO pic.twitter.com/V04ipszmPY
— Star Sports (@StarSportsIndia) February 27, 2026
ಪಾಕಿಗೆ ಹೇಗೆ ಅವಕಾಶ?
ನ್ಯೂಜಿಲೆಂಡ್ 1.390 ನೆಟ್ ರನ್ ರೇಟ್ನೊಂದಿಗೆ 3 ಅಂಕ ಪಡೆದಿದ್ದರೆ ಶ್ರೀಲಂಕಾ 0.461 ರನ್ ರೇಟ್ನೊಂದಿಗೆ 1 ಅಂಕ ಪಡೆದಿದೆ. ಶನಿವಾರ ಶ್ರೀಲಂಕಾ ಮತ್ತು ಪಾಕ್ ಮಧ್ಯೆ ಪಂದ್ಯ ನಡೆಯಲಿದೆ.
ಈ ಪಂದ್ಯದಲ್ಲಿ ಪಾಕಿಸ್ತಾನ ಮೊದಲು ಬ್ಯಾಟ್ ಮಾಡಿ 65 ರನ್ಗಳಿಂದ ಜಯಗಳಿಸಿದರೆ ಅಥವಾ ಚೇಸ್ ಮಾಡಿ 13 ಓವರ್ಗಳ (150 ರನ್ ಗುರಿ) ಒಳಗಡೆ ಜಯ ಸಾಧಿಸಿದರೆ ಮಾತ್ರ ಸೆಮಿಫೈನಲ್ ಪ್ರವೇಶ ಮಾಡಲಿದೆ. ಈ ರೀತಿಯ ಜಯ ಸಿಗದೇ ಇದ್ದರೆ ನ್ಯೂಜಿಲೆಂಡ್ ಸೆಮಿಫೈನಲ್ಗೆ ಅರ್ಹತೆ ಪಡೆಯಲಿದೆ. ಶ್ರೀಲಂಕಾ ಈಗಾಗಲೇ ಟೂರ್ನಿಯಿಂದ ಹೊರ ಬಿದ್ದ ಕಾರಣ ಗೆದ್ದರೂ ಯಾವುದೇ ಪರಿಣಾಮ ಬೀರುವುದಿಲ್ಲ. ಆದರೆ ಶ್ರೀಲಂಕಾದ ಸೋಲಿನ ಅಂತರದ ಮೇಲೆ ನ್ಯೂಜಿಲೆಂಡ್ ಸೆಮಿ ಭವಿಷ್ಯ ನಿಂತಿದೆ.
It all boils down to this in Group 2 🔥
What are your predictions for tomorrow? 👀
ICC Men’s #T20WorldCup 2026 👉 SUPER 8 | #SLvPAK | SAT, 28th FEB, 6 PM pic.twitter.com/Gbn4NrcqUr
— Star Sports (@StarSportsIndia) February 27, 2026
