ಬೆಂಗಳೂರು: ನಿಯಮ ಪಾಲಿಸದ PG (ಪೇಯಿಂಗ್ ಗೆಸ್ಟ್) ವಸತಿಗೃಹಗಳ ವಿರುದ್ಧ ಭರ್ಜರಿ ಕಾರ್ಯಾಚರಣೆ ನಡೆಸಿರುವ ಬೆಂಗಳೂರು ದಕ್ಷಿಣ ನಗರಪಾಲಿಕೆ ಅಧಿಕಾರಿಗಳು 19 ಪಿಜಿಯ ಕಿಚನ್ಗೆ (ಅಡುಗೆ ಕೋಣೆ) ಬೀಗ ಜಡಿದಿದ್ದಾರೆ. ಅಲ್ಲದೇ 89 ಪಿಜಿಗಳಿಗೆ 61 ಸಾವಿರ ರೂ. ದಂಡ ಕೂಡ ವಿಧಿಸಿದ್ದಾರೆ ಎಂದು ಪಾಲಿಕೆ ಅಧಿಕಾರಿಗಳು (Municipal Corporation Officers)) ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಜಯನಗರ, ಬೆಂಗಳೂರು ದಕ್ಷಿಣ (Bengaluru South), ಬಿಟಿಎಂ ಲೇಔಟ್ ಹಾಗೂ ಬೊಮ್ಮನಹಳ್ಳಿ ವಿಧಾನಸಭಾ ಕ್ಷೇತ್ರಗಳಲ್ಲಿ ನಡೆಯುತ್ತಿರುವ ಪಿಜಿ ವಸತಿ ಗೃಹಗಳಲ್ಲಿ ಶುದ್ಧ ಕುಡಿಯುವ ನೀರು, ಶುಚಿತ್ವ, ಅಡುಗೆ ಕೋಣೆ ನೈರ್ಮಲು, ಸುರಕ್ಷತೆ ಮತ್ತು ಉತ್ತಮ ಶೌಚಾಲಯ ವ್ಯವಸ್ಥೆ, ಅಗ್ನಿಶಾಮಕ ಸಾಧನಗಳು ಹಾಗೂ ಸಿಸಿಟಿವಿ ಕ್ಯಾಮೆರಾ ಅಳವಡಿಕೆ ಮತ್ತು FSSAI ನ ಆಹಾರ ಸುರಕ್ಷತಾ ಪ್ರಮಾಣ ಪತ್ರ, ಇನ್ನಿತರ ಮೂಲಭೂತ ಸೌಕರ್ಯಗಳ ಬಗ್ಗೆ ಪರಿಶೀಲನೆ ನಡೆಸಲಾಗಿತ್ತು. ಈ ವೇಳೆ ಬಹುತೇಕ ಪಿಜಿಗಳಲ್ಲಿ ನಿಯಮ ಉಲ್ಲಂಘನೆ ಮಾಡಿರುವುದು ಕಂಡುಬಂದಿತ್ತು. ಇದನ್ನೂ ಓದಿ: ಭಾರತದ ಜವಳಿ ಉತ್ಪನ್ನಗಳಿಗೂ ಅಮೆರಿಕದಲ್ಲಿ 0% ಸುಂಕ: ಪಿಯೂಷ್ ಗೋಯಲ್
ನ್ಯೂತನೆಗಳು ಕಂಡುಬಂದಂತಹ ಪಿಜಿ ಉದ್ದಿಮೆಗಳಿಗೆ ನೋಟಿಸ್ ಜಾರಿ ಮಾಡಿ ದಂಡ ವಿಧಿಸಲಾಗಿದೆ. 19 ಪಿಜಿಗಳ ಅಡುಗೆ ಕೋಣೆ (ಮೆಸ್)ಗಳಿಗೆ ಬೀಗ ಜಡಿಯಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ. ಇದನ್ನೂ ಓದಿ: ಬೆಂಗ್ಳೂರಿಂದ ಶೃಂಗೇರಿಗೆ ಹೊರಟಿದ್ದ ಎರಡು ಸರ್ಕಾರಿ ಬಸ್ಗಳು ಸೀಜ್!
ಯಾವ್ಯಾವ ಪ್ರದೇಶದ ಪಿಜಿಗಳಿಗೆ ದಂಡ
1. ಪದ್ಮನಾಭನಗರ – 3 ಪಿಜಿ ತಪಾಸಣೆ – 5 ಸಾವಿರ ದಂಡ
2. ಜಯನಗರ – 13 ಪಿಜಿ ತಪಾಸಣೆ, 11 ಸಾವಿರ ದಂಡ , 3 ಪಿಜಿ ಕಿಚನ್ಗೆ ಬೀಗ
3. ಬೆಂಗಳೂರು ದಕ್ಷಿಣ – 18 ಪಿಜಿ ತಪಾಸಣೆ, 9 ಸಾವಿರ ದಂಡ – 4 ಪಿಜಿ ಕಿಚನ್ಗೆ ಬೀಗ
4. ಬಿಟಿಎಂ ಲೇಔಟ್ – 24 ಪಿಜಿ ಪರಿಶೀಲನೆ, 3 ಪಿಜಿ ಕಿಚನ್ಗೆ ಬೀಗ
5. ಬೊಮ್ಮನಹಳ್ಳಿ – 32 ಪಿಜಿ ಪರಿಶೀಲನೆ, 39 ಸಾವಿರ ದಂಡ, 9 ಪಿಜಿ ಕಿಚನ್ಗೆ ಬೀಗ
ಒಟ್ಟು 89 ಪಿಜಿಗಳಿಗೆ ದಂಡ ವಿಧಿಸಲಾಗಿದ್ದು, 19 ಪಿಜಿ ಕಿಚನ್ಗಳಿಗೆ ಬೀಗ ಜಡಿಯಲಾಗಿದೆ.
