ಯಾರೆಲ್ಲಾ ಸೌದಿ ಅರೇಬಿಯಾದಲ್ಲಿ ಆಸ್ತಿ ತೆಗೆದುಕೊಳ್ಳುವ ಆಸೆ ಹೊಂದಿದ್ದೀರೋ, ಅವರಿಗೆಲ್ಲಾ ಜನವರಿ 2026ರಿಂದ ಹೊಸ ಕಾನೂನು ಚೌಕಟ್ಟಿನ ಅಡಿಯಲ್ಲಿ ಸೌದಿ ಅರೇಬಿಯಾ ರಿಯಲ್ ಎಸ್ಟೇಟ್ಗೆ ಅವಕಾಶ ನೀಡಲಿದೆ. ಆದರೆ ಕೆಲವು ಷರತ್ತುಗಳಡಿ, ಕೆಲವೇ ಪ್ರಕಾರದ ಆಸ್ತಿಗಳಿಗೆ ಈ ನಿಯಮ ಅನ್ವಯವಾಗಲಿದೆ. ಹಾಗಿದ್ರೆ ಸೌದಿಯಲ್ಲಿ ಆಸ್ತಿ ಖರೀದಿಸಲು ಇರುವ ಷರತ್ತುಗಳೇನು? ಎಲ್ಲೆಲ್ಲಿ ಆಸ್ತಿ ಖರೀದಿಸಬಹುದು? ನೋಂದಣಿ ಹೇಗೆ ಎಂಬ ಕುರಿತು ಇಲ್ಲಿ ವಿವರಿಸಲಾಗಿದೆ.
ಹೌದು, ಸೌದಿ ಅರೇಬಿಯಾದಲ್ಲಿ ಆಸ್ತಿ ಖರೀದಿಸುವ ಕನಸು ಹೊಂದಿರುವ ವಿದೇಶಿಗರಿಗೆ ಸೌದಿ ಗುಡ್ನ್ಯೂಸ್ ನೀಡಿದೆ. ಸರ್ಕಾರ ಜನವರಿ 2026ರಿಂದ ಜಾರಿಗೆ ಬರಲಿರುವ ಹೊಸ ಕಾನೂನು ಚೌಕಟ್ಟಿನ ಮೂಲಕ ವಿದೇಶಿ ಹೂಡಿಕೆದಾರರಿಗೆ ರಿಯಲ್ ಎಸ್ಟೇಟ್ ಕ್ಷೇತ್ರವನ್ನು ಹಂತ ಹಂತವಾಗಿ ತೆರೆಯಲು ಮುಂದಾಗಿದೆ. ಆದರೆ ವಸತಿ, ವಾಣಿಜ್ಯ ಮತ್ತು ಕೃಷಿ ಆಸ್ತಿಗಳಿಗೆ ವಿಭಿನ್ನ ನಿಯಮಗಳು ಹಾಗೂ ಕೆಲವು ನಗರಗಳಿಗೆ ಸ್ಪಷ್ಟ ನಿರ್ಬಂಧಗಳಿರುವುದರಿಂದ, ಈ ಹೊಸ ವ್ಯವಸ್ಥೆಯನ್ನು ಸರಿಯಾಗಿ ತಿಳಿದುಕೊಳ್ಳುವುದು ಬಹಳ ಮುಖ್ಯವಾಗಿದೆ.
ಯಾವ ರೀತಿಯ ಆಸ್ತಿ ಕೊಳ್ಳಬಹುದು? ಏನೆಲ್ಲಾ ಕಾನೂನುಗಳು ಅನ್ವಯವಾಗುತ್ತವೆ? ವಿದೇಶಿಯರು ರಿಯಲ್ ಎಸ್ಟೇಟ್ ಅನ್ನು ಎಲ್ಲಿ ಖರೀದಿಸಬಹುದು? ಅವರು ಸ್ವಾಧೀನಪಡಿಸಿಕೊಳ್ಳಬಹುದಾದ ಆಸ್ತಿಯ ಪ್ರಕಾರಗಳು ಮತ್ತು ಮಾಲೀಕತ್ವವನ್ನು ನಿಯಂತ್ರಿಸುವ ಕಾನೂನು ಮಿತಿಗಳನ್ನು ಹೊಸ ಕಾನೂನಿನಲ್ಲಿ ಉಲ್ಲೇಖಿಸಲಾಗಿದೆ.
ಈ ಹೊಸ ವ್ಯವಸ್ಥೆಯು ವಿದೇಶಿಗರಿಗೆ ಹೆಚ್ಚಿನ ಸೌದಿ ನಗರಗಳಲ್ಲಿ ವಸತಿ ಆಸ್ತಿಯನ್ನು ಹೊಂದಲು ಅವಕಾಶ ನೀಡುತ್ತದೆ ಎಂದು ದೃಢಪಡಿಸಿವೆ. ಈ ಹಿಂದೆ ಆಸ್ತಿ ಕೊಳ್ಳಲು ಸೌದಿಯಲ್ಲಿ ಹಲವು ನಿರ್ಬಂಧಗಳಿದ್ದವು, ಆದರೆ ಹೊಸ ನೀತಿ ಈ ನಿರ್ಬಂಧಗಳನ್ನು ಸಡಿಲಗೊಳಿಸಿದೆ ಎಂದು ಸೌದಿ ಮೂಲಗಳು ತಿಳಿಸಿವೆ.
ಯಾವೆಲ್ಲಾ ನಗರದಲ್ಲಿ ಆಸ್ತಿ ಖರೀದಿಗೆ ನಿರ್ಬಂಧ?
-ಮೆಕ್ಕಾ
-ಮದೀನಾ
-ಜೆಡ್ಡಾ
-ರಿಯಾದ್
ಈ ನಾಲ್ಕು ನಗರಗಳಲ್ಲಿ ವಿದೇಶಿಗರು ಆಸ್ತಿ ಖರೀದಿಸಲು ಅವಕಾಶವಿಲ್ಲ. ಅಲ್ಲಿ ವಸತಿ ಮಾಲೀಕತ್ವವು ಮುಸ್ಲಿಮರಿಗೆ ಮಾತ್ರ ಸೀಮಿತವಾಗಿದೆ. ಮತ್ತೊಂದೆಡೆ, ಅನಿವಾಸಿಗಳು ನಿರ್ದಿಷ್ಟವಾಗಿ ಗೊತ್ತುಪಡಿಸಿದ ಮತ್ತು ಅಧಿಕಾರಿಗಳು ಅನುಮೋದಿಸಿದ ಪ್ರದೇಶಗಳಲ್ಲಿ ಮಾತ್ರ ಆಸ್ತಿಯನ್ನು ಹೊಂದಲು ಅನುಮತಿಸಲಾಗುತ್ತದೆ.
ಕಾನೂನು ಚೌಕಟ್ಟು:
ಸ್ಪಷ್ಟ ಭೌಗೋಳಿಕ ಗಡಿಗಳು, ಮಾಲೀಕತ್ವ ಮಿತಿಗಳು ಮತ್ತು ಕಾನೂನು ನಿಯಂತ್ರಣಗಳನ್ನು ಹೊಂದಿಸುವ ಮೂಲಕ ವಿದೇಶಿ ಮಾಲೀಕತ್ವವನ್ನು ನಿಯಂತ್ರಿಸಲು ನವೀಕರಿಸಿದ ವ್ಯವಸ್ಥೆಯನ್ನು ವಿನ್ಯಾಸಗೊಳಿಸಲಾಗಿದೆ. ಸೌದಿಯೇತರರು ಮಂತ್ರಿಗಳ ಮಂಡಳಿಯಿಂದ ಗೊತ್ತುಪಡಿಸಿದ ಪ್ರದೇಶಗಳಲ್ಲಿ ಮಾತ್ರ ಆಸ್ತಿಯನ್ನು ಹೊಂದಬಹುದು ಅಥವಾ ರಿಯಲ್ ಎಸ್ಟೇಟ್ ಹಕ್ಕುಗಳನ್ನು ಪಡೆಯಬಹುದು.
ವಾಣಿಜ್ಯ, ಕೈಗಾರಿಕಾ ಮತ್ತು ಕೃಷಿ ಮಾಲೀಕತ್ವಕ್ಕೆ ಪರ್ಮಿಶನ್:
ವಸತಿ ಆಸ್ತಿಗೆ ವ್ಯತಿರಿಕ್ತವಾಗಿ, ಕಾನೂನು ವಾಣಿಜ್ಯ, ಕೈಗಾರಿಕಾ ಮತ್ತು ಕೃಷಿ ಆಸ್ತಿಗಳಿಗೆ ಹೆಚ್ಚು ವಿಸ್ತಾರವಾದ ಅವಕಾಶಗಳಿವೆ. ವಿದೇಶಿಯರಿಗೆ ಸೌದಿ ಅರೇಬಿಯಾದ ಎಲ್ಲಾ ನಗರಗಳಲ್ಲಿ ವಿನಾಯಿತಿ ಇಲ್ಲದೆ ಈ ರೀತಿಯ ರಿಯಲ್ ಎಸ್ಟೇಟ್ ಹೊಂದಲು ಅವಕಾಶ ನೀಡಲಾಗುವುದು. ಇದು ದೇಶಾದ್ಯಂತ ಹೂಡಿಕೆಯನ್ನು ಆಕರ್ಷಿಸುವ ಮತ್ತು ವಿದೇಶಿ ಹೂಡಿಕೆ, ಕೈಗಾರಿಕಾ ಬೆಳವಣಿಗೆ ಮತ್ತು ಕೃಷಿ ಅಭಿವೃದ್ಧಿಯನ್ನು ಪ್ರೋತ್ಸಾಹಿಸುವ ಉದ್ದೇಶವನ್ನು ಹೊಂದಿದೆ.
ಇದು ರಿಯಲ್ ಎಸ್ಟೇಟ್ ಜನರಲ್ ಪ್ರಾಧಿಕಾರದ ಶಿಫಾರಸುಗಳನ್ನು ಆಧರಿಸಿವೆ ಮತ್ತು ಆರ್ಥಿಕ ಮತ್ತು ಅಭಿವೃದ್ಧಿ ವ್ಯವಹಾರಗಳ ಮಂಡಳಿಯಿಂದ ಅನುಮೋದಿಸಲ್ಪಟ್ಟಿವೆ. ಕಾನೂನು ಅನುಮತಿಸಲಾದ ಹಕ್ಕುಗಳ ಪ್ರಕಾರಗಳು, ಗರಿಷ್ಠ ಮಾಲೀಕತ್ವ ಅನುಪಾತಗಳು ಮತ್ತು ಇತರ ಷರತ್ತುಗಳನ್ನು ನಿರ್ದಿಷ್ಟಪಡಿಸುತ್ತದೆ, ವಿದೇಶಿ ಮಾಲೀಕತ್ವವು ಕಾನೂನು ನಿಬಂಧನೆಗಳನ್ನು ಮೀರಿ ಹೆಚ್ಚುವರಿ ಸವಲತ್ತುಗಳನ್ನು ನೀಡುವುದಿಲ್ಲ ಮತ್ತು ಪ್ರೀಮಿಯಂ ರೆಸಿಡೆನ್ಸಿ ಪ್ರೋಗ್ರಾಂ ಅಥವಾ GCC (ಗಲ್ಫ್ ಕೋ-ಆಪರೇಷನ್ ಕೌನ್ಸಿಲ್) ಒಪ್ಪಂದಗಳಂತಹ ಕಾರ್ಯಕ್ರಮಗಳಲ್ಲಿ ಹಸ್ತಕ್ಷೇಪ ಮಾಡುವುದಿಲ್ಲ ಎಂದು ಖಚಿತಪಡಿಸುತ್ತದೆ.
ನೋಂದಣಿ ನಿಯಮಗಳು, ಶುಲ್ಕಗಳು:
ಸೌದಿ ಅಲ್ಲದ ಎಲ್ಲಾ ವ್ಯಕ್ತಿಗಳು ಮತ್ತು ಘಟಕಗಳು ಸಂಬಂಧಿತ ಅಧಿಕಾರಿಗಳೊಂದಿಗೆ ನೋಂದಾಯಿಸಿಕೊಳ್ಳಬೇಕು. ರಿಯಲ್ ಎಸ್ಟೇಟ್ ನೋಂದಣಿಯಲ್ಲಿ ದಾಖಲಾದ ನಂತರವೇ ಮಾಲೀಕತ್ವವನ್ನು ಕಾನೂನುಬದ್ಧವಾಗಿ ಗುರುತಿಸಲಾಗುತ್ತದೆ. ಆಸ್ತಿ ಮೌಲ್ಯದ 5% ವರೆಗಿನ ವಹಿವಾಟು ಶುಲ್ಕವು ವಿದೇಶಿ ಮಾಲೀಕತ್ವಕ್ಕೆ ಅನ್ವಯಿಸುತ್ತದೆ.
ನಿಯಮ ಉಲ್ಲಂಘನೆ:
ಕಾನೂನಿನ ಉಲ್ಲಂಘನೆಯು ದಂಡ ಅಥವಾ ಅಧಿಕೃತ ಎಚ್ಚರಿಕೆಗಳಿಗೆ ಕಾರಣವಾಗಬಹುದು, ಆದರೆ ಉದ್ದೇಶಪೂರ್ವಕವಾಗಿ ಸುಳ್ಳು ಮಾಹಿತಿಯನ್ನು ಒದಗಿಸುವುದರಿಂದ SR (ಸೌದಿ ರಿಯಾಲ್ಸ್) 10 ಮಿಲಿಯನ್ವರೆಗೆ (ಸುಮಾರು 24 ಕೋಟಿ ರೂ.) ದಂಡ ವಿಧಿಸಬಹುದು ಮತ್ತು ಕೆಲವು ಸಂದರ್ಭಗಳಲ್ಲಿ, ನ್ಯಾಯಾಲಯದ ಆದೇಶದ ಮೇರೆಗೆ ಆಸ್ತಿಯ ಮಾರಾಟಕ್ಕೆ ಕಾರಣವಾಗಬಹುದು. ಈ ಕಾರ್ಯತಂತ್ರದ ಕ್ರಮಗಳ ಮೂಲಕ, ಸೌದಿ ಅರೇಬಿಯಾ ತನ್ನ ರಿಯಲ್ ಎಸ್ಟೇಟ್ ಮಾರುಕಟ್ಟೆಯನ್ನು ವಿದೇಶಿ ಪ್ರಜೆಗಳಿಗೆ ತೆರೆಯುವ ಗುರಿಯನ್ನು ಹೊಂದಿದೆ ಮತ್ತು ವಸತಿ ಮತ್ತು ವಾಣಿಜ್ಯ ವಲಯಗಳಲ್ಲಿ ಸಂಪೂರ್ಣ ಪಾರದರ್ಶಕತೆ, ನಿಯಂತ್ರಕ ಸ್ಪಷ್ಟತೆ ಮತ್ತು ನಿಯಂತ್ರಿತ ಬೆಳವಣಿಗೆಯನ್ನು ಖಚಿತಪಡಿಸುತ್ತದೆ.
