– ವಿರೋಧದ ನಡ್ವೆ ಅನ್ಯಕೋಮಿನ ಯುವತಿಯನ್ನ ಪ್ರೀತಿಸಿ ಮದ್ವೆಯಾಗಿದ್ದ ಬಾಲು
ಚಿಕ್ಕಬಳ್ಳಾಪುರ: ಅವರಿಬ್ಬರದ್ದು ಧರ್ಮ ಬೇರೆಯಾದ್ರೂ, ಅದರ ಸಂಕೋಲೆ ಮೀರಿ ಪ್ರೀತಿಸಿ ಮದುವೆಯಾಗಿದ್ದರು (Love Marriage). ಅನ್ಯ ಧರ್ಮದವರಾದ ಕಾರಣ ಪೋಷಕರ ವಿರೋಧಗಳ ನಡುವೆಯೇ, ಪ್ರೀತಿಸಿ ಯಾರಿಗೂ ಹೆದರಬಾರದು ಅಂತ ʻನಾ ನಿನಗೆ ನೀ ಎನಗೆʼ ಅಂತ ಹಾಲು ಜೇನಿನಂತೆ ಸುಃಖ ಸಂಸಾರ ಸಾಗಿಸುತ್ತಿದ್ರು. ಆರಂಭದಲ್ಲಿ ಎಲ್ಲವೂ ಚೆನ್ನಾಗಿಯೇ ಇತ್ತು, ಹೋಗ್ತಾ ಹೋಗ್ತಾ ಗಂಡನಿಗೆ ಹೆಂಡತಿ ಮೇಲೆ ಅನುಮಾದ ಕಾಯಿಲೆ ಶುರುವಾಯಿತು. ಕೊನೆಯೆ ಇದು ಹೆಂಡತಿ ಕೊಲೆಯಲ್ಲಿ ಅಂತ್ಯವಾಗಿದೆ.
ಒಂದ್ಕಡೆ ಪ್ರೀತಿಸಿ ಕೈ ಹಿಡಿದವಳನ್ನೇ ಕೊಂದ ತಪ್ಪಿಗೆ ಗಂಡ ಜೈಲು ಸೇರಿದ್ರೆ, ಏನೂ ಅರಿಯದ ಕಂದಮ್ಮಗಳು ಅನಾಥವಾಗಿವೆ. ಇಂತಹ ಮನಕಲಕುವ ಘಟನೆ ನಡೆದಿರೋದು, ಚಿಕ್ಕಬಳ್ಳಾಪುರ (Chikkaballapura) ಜಿಲ್ಲೆಯ ಚೇಳೂರು ತಾಲೂಕಿನ ಗೆರಿಗೆರೆಡ್ಡಿಪಾಳ್ಯ ಅಲಿಯಾಸ್ ಪಾತೂರಿನಲ್ಲಿ. ಇದನ್ನೂ ಓದಿ: ಇಬ್ಬರೂ ಒಟ್ಟಿಗೆ ಸಾಗುವುದೇ ನಮ್ಮ ನಡುವೆ ಆಗಿರುವ ಒಪ್ಪಂದ: ಸಿದ್ದರಾಮಯ್ಯ
ಹೌದು. ಡ್ರೈವರ್ ಆಗಿದ್ದ ಬಾಲು ಎಂಬಾತ ಇದೇ ಗ್ರಾಮದ ಅನ್ಯಕೋಮಿನ ದಿಲ್ಷಾತ್‌ಳನ್ನ 4 ವರ್ಷ ಹಿಂದೆ ಪ್ರೀತಿಸಿ ಪೋಷಕರ ವಿರೋಧಧ ನಡುವೆಯೂ ಅಂತರ್ ಧರ್ಮಿಯ ವಿವಾಹವಾಗಿದ್ದ, ದಿಲ್ಷಾತ್ ತನ್ನ ಹೆಸರನ್ನ ಬಳಿಕ ಕವಿತಾ ಅಂತ ಬದಲಿಸಿಕೊಂಡಿದ್ದಳು. ದಂಪತಿಗೆ ಎರಡು ಹೆಣ್ಣು ಮಕ್ಕಳಿವೆ. ಇತ್ತೀಚೆಗೆ ಬಾಲುಗೆ ಹೆಂಡತಿ ದಿಲ್ಷಾತ್ ಅಲಿಯಾಸ್ ಕವಿತಾಳೆ ಮೇಲೆ ಅನುಮಾನ ಶುರುವಾಗಿತ್ತು. ಯಾರ ಜೊತೆಯೋ ಹೆಂಡತಿ ಸಲುಗೆಯಿಂದ ಇದ್ದಾಳೆ. ಫೋನಲ್ಲಿ ಮಾತನಾಡುತ್ತಿದ್ದಾಳೆ ಅಂತ ಪದೇ ಪದೇ ಜಗಳ, ಇದೇ ವಿಚಾರದಲ್ಲಿ ನಡೆದ ಜಗಳಲ್ಲಿ ಪ್ರೀತಿಸಿ ವರಿಸಿದವಳನ್ನೇ ಬಾಲು ಕೊಲೆ ಮಾಡಿದ್ದಾನೆ.
ಕೆಲಸಕ್ಕೆ ಹೋಗಿ ಮನೆಗೆ ಬಂದಿದ್ದ ಹೆಂಡ್ತಿ ಜೊತೆಗೆ ಬಾಲು ಜಗಳ ಶುರು ಮಾಡಿದ್ದ, ನೀನು ಯಾರ ಜೊತೆಯಲ್ಲೋ ಮಾತನಾಡ್ತಿದ್ದೀಯಾ? ಅಂತಾ ಜಗಳ ಶುರು ಮಾಡಿದ್ದ. ಇದೇ ವಿಚಾರಕ್ಕೆ ಇಬ್ಬರ ನಡುವೆ ಗಲಾಟೆಯಾಗಿ ತಾರಕಕ್ಕೇರಿತ್ತು. ಈ ವೇಳೆ ಮನೆಯಲ್ಲಿದ್ದ ರಾಡ್ ನಿಂದ ಹೆಂಡತಿ ತಲೆಗೆ ಬಲವಾಗಿ ಹೊಡೆದಿದ್ದು, ಆಕೆಗೆ ತೀವ್ರ ರಕ್ತಸ್ರಾವವಾಗಿದೆ. ಕೊನೆಗೆ ಬಾಲು ಆಸ್ಪತ್ರೆಗೆ ಕರೆದೊಯ್ಯುವಷ್ಟರಲ್ಲಿ ದಿಲ್ಷಾತ್ ಸಾವನ್ನಪ್ಪಿದ್ದಾಳೆ ಅಂತ ವೈದ್ಯರು ತಿಳಿಸಿದ್ದಾರೆ.
ಚೇಳೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿ ಬಾಲು ಬಂಧನ ಮಾಡಲಾಗಿದೆ. ಹೀಗಾಗಿ ತಾಯಿ ಸಾವಿನ ಮನೆ ಸೇರಿದ್ರೆ ಅಪ್ಪ ಪೊಲೀಸರ ಅತಿಥಿಯಾಗಿ ಜೈಲುಪಾಲಾಗಿದ್ದಾನೆ. ಇದ್ರಿಂದ ಪ್ರಪಂಚದ ಪರಿವೇ ಇಲ್ಲದ ಇಬ್ಬರು ಮುದ್ದು ಕಂದಮ್ಮಗಳು ತಾಯಿಯಿಲ್ಲದ ತಬ್ಬಲಿಗಳಾಗಿದೆ. ತಂದೆಯಿಲ್ಲದೆ ಅನಾಥರಾಗಿ ಬದಕುವಂತಾಗಿದ್ದು ಮಾತ್ರ ದುರಂತವೇ ಸರಿ. ಇದನ್ನೂ ಓದಿ: ಕೊಟ್ಟ ಮಾತು ಉಳಿಸಿಕೊಳ್ಬೇಕು ಅಂತಾ ನಾನು ಹೇಳಿದ್ದು ಬೇರೆ, ನನ್ನ ಹೇಳಿಕೆ ತಿರುಚಲಾಗಿದೆ – ಡಿಕೆ ಸುರೇಶ್
