ಪಂತ್‌, ಶ್ರೇಯಸ್‌ ನಂತರ ಹೆಚ್ಚು ಮೊತ್ತಕ್ಕೆ ಬಿಡ್‌ ಆದ ವೆಂಕಟೇಶ್‌ ಅಯ್ಯರ್‌ – 23.75 ಕೋಟಿಗೆ KKRಗೆ ಸೇಲ್‌

Public TV
1 Min Read
Venkatesh Iyer KKR

ಪಿಎಲ್‌ ಮೆಗಾ ಹರಾಜಿನಲ್ಲಿ ವೆಂಕಟೇಶ್‌ ಅಯ್ಯರ್‌ 23.75 ಕೋಟಿ ರೂ.ಗೆ ಕೋಲ್ಕತ್ತಾ ನೈಟ್‌ ರೈಡರ್ಸ್‌ಗೆ ಬಿಕರಿಯಾಗಿದ್ದಾರೆ. ಆ ಮೂಲಕ ತಂಡಕ್ಕೆ ಮರಳಿದ್ದಾರೆ.

ಕೆಕೆಆರ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಬಿಡ್ಡಿಂಗ್ ಫೈಟ್‌ನಲ್ಲಿ ಅಯ್ಯರ್‌ ಮೂಲ ಬೆಲೆ 2 ಕೋಟಿ ರೂ. ನಿಂದ 11 ಪಟ್ಟು ಹೆಚ್ಚಾಯಿತು.

29 ವರ್ಷದ ಅಯ್ಯರ್ ತಮ್ಮ ಚೊಚ್ಚಲ ಋತುವಿನಲ್ಲಿ 10 ಪಂದ್ಯಗಳನ್ನು ಆಡಿದರು. 350 ಕ್ಕೂ ಹೆಚ್ಚು ರನ್ ಗಳಿಸಿದರು. ನಾಲ್ಕು ಋತುಗಳಲ್ಲಿ ಒಟ್ಟಾರೆಯಾಗಿ 51 ಪಂದ್ಯಗಳಲ್ಲಿ, ಅಯ್ಯರ್ 137.13 ಸ್ಟ್ರೈಕ್ ರೇಟ್‌ನೊಂದಿಗೆ ಒಟ್ಟು 1,326 ರನ್‌ ಗಳಿಸಿದ್ದಾರೆ.

ಈ ವರ್ಷದ ಆರಂಭದಲ್ಲಿ ಚೆನ್ನೈನಲ್ಲಿ ನಡೆದ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ಕೆಕೆಆರ್‌ನ ಐಪಿಎಲ್ 2024 ರ ಫೈನಲ್ ಗೆಲುವಿನಲ್ಲಿ ಅಯ್ಯರ್ ಮಿಂಚಿದ್ದರು. 114 ರನ್ ಚೇಸ್‌ನಲ್ಲಿ ಅಜೇಯ 52 ರನ್ ಗಳಿಸಿದ್ದರು.

ಈ ಬಾರಿ ಮೆಗಾ ಹರಾಜಿನಲ್ಲಿ ರಿಷಬ್‌ ಪಂತ್‌ ದಾಖಲೆಯ 27 ಕೋಟಿ ರೂ. ಮೊತ್ತಕ್ಕೆ ಲಕ್ನೋಗೆ ಸೇಲ್‌ ಆಗಿದ್ದಾರೆ. ಇತ್ತ 26.75 ಕೋಟಿಗೆ ಶ್ರೇಯಸ್‌ ಅಯ್ಯರ್‌, ಪಂಜಾಬ್‌ ಕಿಂಗ್ಸ್‌ ಪಾಲಾಗಿದ್ದಾರೆ.

Share This Article