ಕೊಪ್ಪಳ: ಒಂದು ಬೈಕ್‍ನಲ್ಲಿ ಅಬ್ಬಬ್ಬ ಅಂದ್ರೆ ಮೂರು ಜನ, ನಾಲ್ಕು ಜನ ಹತ್ತಿರೋದನ್ನ ನೋಡಿದ್ದೇವೆ. ಆದ್ರೆ ಇಲ್ಲಿ ಒಂದೇ ಬೈಕ್‍ನಲ್ಲಿ ಸುಮಾರು 9 ಜನ ಸವಾರಿ ಮಾಡಿದ್ದಾರೆ.
ಕೊಪ್ಪಳದ ಗಿಣಿಗೇರಾ ಬಳಿ ಒಂದೇ ಬೈಕ್‍ನಲ್ಲಿ 9 ಜನ ಸವಾರಿ ಮಾಡಿರೋ ದೃಶ್ಯವನ್ನು ಸ್ಥಳೀಯರು ಮೊಬೈಲ್‍ನಲ್ಲಿ ಸೆರೆ ಹಿಡಿದಿದ್ದಾರೆ. ಗಿಣಗೇರಾದಿಂದ ಗಂಗಾವತಿ ಕಡೆ ಹೊರಟಿದ್ದ ಕುಟುಂಬ ಸದಸ್ಯರು ಒಂದೇ ಬೈಕ್‍ನಲ್ಲಿ ಪ್ರಯಾಣ ಮಾಡಿದ್ದಾರೆ. ಇದನ್ನೂ ಓದಿ: ಮೌನವಾಗಿರುವ ಬಿಜೆಪಿ ಮತದಾರರು ದೊಡ್ಡ ಸಂದೇಶ ಕೊಟ್ಟಿದ್ದಾರೆ: ತೇಜಸ್ವಿ ಸೂರ್ಯ
ನಾಲ್ಕು ಜನರು ಹಿರಿಯರು, ಐದು ಜನ ಮಕ್ಕಳು ಒಂದೇ ಬೈಕ್‍ನಲ್ಲಿ ಸವಾರಿ ಮಾಡಿ ನೋಡುಗರನ್ನು ತಮ್ಮತ್ತ ಸೆಳೆದಿದ್ದಾರೆ. ಹೀರೋ ಹೊಂಡಾ ಸ್ಪೆಂಡರ್ ಬೈಕ್‍ನಲ್ಲಿ 9 ಜನ ಸವಾರಿ ಮಾಡಿರೋದು ಎಲ್ಲರನ್ನು ಹುಬ್ಬೇರುವಂತೆ ಮಾಡಿದೆ.
